2 SAMUEL 6:20 - Lai (Hakha) Common Language Bible 2006

²⁰ Cun David cu a innchungkhar kha thluachuah pek awkah a va kir. Sihmanhsehlaw Saul fanu Mikhal nih khan David cu ton awkah a ra chuak i, “Nihin cu Israel siangpahrang cu a sunglawi ko cu ta, mizeiruaramlo pakhat nih ningzah hngal loin a hnipuan aa phoih bantukin pei, a sal hna i an salnu hna hmaiah, nihin ah aa phoih ve kha!” tiah a ti.

2 SAMUEL 6:20 Խաչաձեւ Հղումներ

2 SAMUEL 6:16

Bawipa kuang kha David khua chung i a luh lioah Saul fanu Mikhal nih khan thlalangawng in a hei zoh i Siangpahrang David cu Bawipa hmai i a laam le aa hlawh len ko kha a hei hmuh i a lung chungin a nihsawh.

2 SAMUEL 6:14

Cun David cu Bawipa hmaiah a thazang dihlak in a lam; David cu la hmang ṭhia tlangbawi angki aa hruk.

BIACEIHTU 9:4

Cun Baal-berith inn chungin ngun phar sawm sarih an pek i cu cun Abimelek nih cun mitoktawlol le mikhongkhol kha aa roih hna i amah kha an zulh.

MARKA 3:21

Cucu le mi nih, “A hrut cang,” an ti kha a chungle nih an theih tikah, kan va hnuh lai, tiah an i thawh.

SALM 101:2

Ka cungah zei khom hmanh tlung seh law, fimnak le soi awk um lo a simi lam kha zulh kaa zuam lai. Ka inn chungah hin lungthiang in khua ka sa lai.

SALM 30:1

Maw Bawipa, nangmah nih na ka khamh i ka ral kha ka cungah diriam in na umter hna lo caah kan thangṭhat.

JOB 30:8

Zeiruaramlo tefa rual, minung sinin ṭhawlmi an si.

1 CHANRELNAK 16:43

Cun mi vialte cu an inn cio ah an ṭin i David cu a inn ah a innchungkhar hna thluachuah pek awkah a kal.

2 SAMUEL 6:18

Cun David nih khangh thawinak le daihnak thawinak kha a pekchanh dih tikah, ralkapbu Bawipa min in mizapi kha thluachuah a pek hna i

JOSHUA 24:15

Cun Bawipa biak kha nan duh lo a si ahcun nihin ni ah hin nan biak ding cu i thim u; Tiva khattelei ral ram ah nan pupa hna nih an biakmi pathian hna maw, asiloah, an ram nan umnak a simi Amor mi pathian hna dah nan i thim lai; kei le kan innchungkhar tu nih cun Bawipa kha kan biak ko lai,” tiah a ti

GENESIS 18:19

A hmaanmi le a dingmi thil tuah hi ka nawlbia zulh a si ti kha a fale le a hnu i a ra laimi a tefa hna kha a cawnpiaknak hna hnga, amah cu ka thim cang. Cun bia kaa kammi vialte kha ka tuahpiak lai,” tiah a ti.

JOHAN 13:6

Simon Peter sin kha a hei phak tikah, Peter nih cun, “Bawipa, ka ke maw na ka ṭawl lai?” tiah a rak ti.

MARKA 14:66

Peter cu inntual i a um lioah khan Tlangbawi Ngan sinumnu ngakchia pakhat kha a ra i amah cu a hmuh tikah,

1 SAMUEL 14:49

Cun Saul fapa hna cu Jonathan, Ishvi le Malkhishua an si; cun a fanu pahnih hna an min cu mah hihi an si: upa deuh min cu Merab, cun a ngakchia deuh min cu Mikhal;

2 SAMUEL 6:19

mi vialte kha, Israel mibu cu an ning piin, nu he pa he, changreu hlum khat, sa zam khat le mitsur thei car hlum khat a phawt cio hna. Cun mi vialte cu, an inn cio ah an ṭin.

PHUNGCHIMTU 7:17

Asinain ṭhat lo zong ṭha lo tuk fawn hlah, a hruh zong hrut tuk fawn hlah, zeicahdah na caan a tlin hlanah na thih lai?

1 SAMUEL 18:20

Saul fanu Mikhal nih David kha a duh i cucu Saul kha an chimh i cu nih cun a lung a lawmhter.