2 SAMUEL 3:25 - Lai (Hakha) Common Language Bible 2006

²⁵ Ner fapa Abner nih hin nangmah kha hlen awkah le na luh na chuah le na tuahmi vialte kha hngalh awkah a ra tiah na hngalh ko ṭung,” tiah a ti.

2 SAMUEL 3:25 Խաչաձեւ Հղումներ

ISAIAH 37:28

“Asinain nangmah kong cu a dihlak in ka hngalh dih; zei na tuah le khuazei i na kal kha ka hngalh dih. Zeitluk in dah ka cung i na thin a hun kha ka hngalh.

DEUTERONOMI 28:6

Nan luh leiah thluachuah nan hmu lai, nan chuah leiah thluachuah nan hmu lai.

ROM 2:1

Cucaah aho na si hmanh ah silhnalh khawhnak lam zeihmanh na ngei lo, zeicahtiah midang kha sual na phawt hna tikah, an tuahmi kha na tuah ve ko ṭung caah, nangmah lila sual naa phawt a si ko.

JOHAN 7:47

“Nannih zong an hlen ve cang hna mu.

JOHAN 7:12

A kong kha a thli in an i ceih lulh ko i a cheu nih, “Mi ṭha a si,” an ti; a cheu nih, “Sihlah, mi kha a hlen hna,” an ti.

SALM 121:8

Atu in zungzal tiang, na chuahlei siseh, na luhlei siseh, an zohkhenh zungzal lai.

2 SAMUEL 10:3

Sihmanhsehlaw Ammon mi an bawi hna nih khan an bawipa Hanun cu, “David nih nangmah sinah hnemtu a hun thlah hna caah hin na pa kha a upat tiin maw na ruah? David nih hin khua chung hi kawl awk le ngiatthlai awk le tei awkah a sinum hna hi a hun thlah hna, a si lo maw?” tiah an ti.

2 SAMUEL 3:27

Cun Abner kha Hebron i a ra kir tikah Joab nih a thli in biaruah awkah hauka chungah khan ken khat ah a kalpi i a nau Asahel thisen caah khan khika ah a paw ah a chunh i a thi.

NAMBAR 27:17

an hmaiah a kal ding le an hmaiah a ra ding le, a chuahpitu hna le a luhpitu hna ah chia ko seh; Bawipa mibu cu tuukhal ngei lo tuu hna bantukin an si nakhnga lo,” tiah a ti.

GENESIS 42:16

Cucaah cun mi pakhat i thlah u law amah cu va ko u. Nan chimmi bia hi a hmaan le hmaan lo aa hliah hlan cu a dang cu thong ah nan um lai. Cu ti a si lo ahcun, Faro min chalh in, mingiatu nan si hrimhrim ko,” a ti.

GENESIS 42:12

Josef nih cun, “A si lai lo! Kan ram hi khuazeika zawn dah a der ti ngiat duh ah nan ra ko,” a ti hna.

GENESIS 42:9

Anmah kong i mang a manhmi kha a hun hngalh i, “Mingiatu nan si; kan ram a dernak zawn kawl awkah nan ra,” a ti hna.

2 SAMUEL 3:24

Khi tikah Joab cu siangpahrang sinah khan a va kal i, “Zeidah na rak tuah? Zohhmanh, Abner cu na sinah a rak ra; zeicahdah na rak kalter i cucaah a rak kal diam cang?

2 SAMUEL 3:26

David sinin Joab kha a chuah tikah, Abner kha mi a hei dawiter hna i Sirah tikhor khan an rak kirpi ṭhan; sihmanhsehlaw cu kong cu David nih a hngal lo.