2 SAMUEL 22:33 - Lai (Hakha) Common Language Bible 2006

³³ Hi Pathian hi, a ṭhawngmi ka himnak a si, Amah nih ka lam kha him tein a ser.

2 SAMUEL 22:33 Խաչաձեւ Հղումներ

EFESA 6:10

A donghnak ah, Bawipa he nan i pehtlaihnak thawng le a ṭhawnnak a nganmi thawngin nan thazang cu, ṭhawnter chin ko u.

SALM 27:1

Bawipa cu ka ceunak le ka khamhnak a si; ahohmanh ka ṭih hna lai lo. Bawipa cu a ka hupphengtu ralhruang a si, ka thin a phang lai lo.

FILIPI 4:13

Ṭhawnnak a ka petu Khrih thawngin thil zeipaoh ka tuah khawh ko hna.

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

HEBRU 13:21

Cun Jesuh thihnak in a thawhtertu daihnak Pathian nih cun amah duhnak nan tuah khawhnak dingah a herhmi thil vialte cu in pe hna seh law Jesuh Khrih thawngin kan chungah a duhmi paoh cu tuah ko seh. Cun Khrih cungah zungzal in zungzal tiang sunparnak cu um ko seh. Amen.

2 KORIN 12:9

A ka lehnak cu, “Ka vel hi na caah a za ko, zeicahtiah ka ṭhawnnak cu derthawmnak ah hin a lang,” ti a si. Cucaah cun Khrih ṭhawnnak nih a ka huhphenh ti kha ka hngalh nakhnga, ka derthawmnak ah hin lunglawm tein kaa porhlaw cang.

ZEKHARIAH 10:12

Sihmanhsehlaw Israel ṭhawnnak cu Bawipa chungah a si lai i A min in sunglawi ngaiin an kal lai. Mah hihi Bawipa bia hrimhrim a si.

SALM 119:1

An nunning ah soisel awkj mi lunglawm an si.

SALM 46:1

Pathian cu kan i dornak le kan thazang a si, harnak caan ah a kan bawm zungzaltu a si.

2 SAMUEL 22:2

“Bawipa cu ka lungpi le ka ralhruang le a ka chuahtertu a si,

EXODUS 15:2

Bawipa nih a ṭhawngmi le a liannganmi ah a ka ser, amah cu a ka khamhtu kha a si. Amah cu ka Pathian a si i ka thangṭhat lai, ka pupa hna Pathian a si i a lianhngannak cu hla in ka sak lai.

SALM 101:6

Zumhawktlak bikbik kha ka hawikom ah kaa thim hna lai i ka sal cu an nunning soi awk a um lomi kha an si lai.

SALM 18:32

Amah hi a kan ṭhawntertu Pathian cu a si, kan kalnak lam a himtertu cu a si.

JOB 22:3

Na din ah, na dinnak nih cun Lianngan Bik cu zeital a bawm maw? Na ziaza cu soi awk um lo a si ah tah, cu nih cun zeital a ṭhathnem maw?

DEUTERONOMI 18:13

Bawipa nan Pathian hmaiah soi awk um lo nan si awk a si.

SALM 101:2

Ka cungah zei khom hmanh tlung seh law, fimnak le soi awk um lo a simi lam kha zulh kaa zuam lai. Ka inn chungah hin lungthiang in khua ka sa lai.

SALM 32:8

Bawipa nih, “Na zulh awk hnga lam kha kan hmuhsak lai, kan cawnpiak lai i lungthin kan cheuh lai.