2 SAMUEL 22:3 - Lai (Hakha) Common Language Bible 2006

³ Ka Pathian, a chung i kaa dornak lungpi, ka phaw le ka khamhnak ki, ka ralhau le ka himnak; Ka khamhtu, nangmah nih zaang-ennak chungin na ka khamh.

2 SAMUEL 22:3 Խաչաձեւ Հղումներ

SALM 9:9

Hremnak a ingmi hna caah Bawipa cu himnak hmun a si i harnak caan ah ralhruang fek a si.

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

PHUNGTHLÛKBIA 18:10

Bawipa min cu a fekmi innsang a si, miding cu khika ah khan an va tli i an him.

PHUNGTHLÛKBIA 30:5

Pathian nih biakamnak a sermi paohpaoh cu biatak a si tiah a fiang cang; amah chung i aa dormi hna caah cun amah cu phaw a si.

SALM 46:11

Lianhngannak he a khatmi Bawipa cu kan sinah a um; Jakob Pathian cu kan himnak a si. Selah

SALM 18:2

Bawipa cu ka khamhtu a si, amah cu a fekmi ka ralhruang a si. Ka Pathian cu a ka hupphengtu a si, amah sinah cun him tein ka um. Phaw bantukin a ka huhphenh, a ka ven i him tein a ka umter.

DEUTERONOMI 33:29

Maw, Israel, na van a ṭha ko! Nangmah bantuk ahodah a um? Bawipa nih a khamhmi na si, Amah cu an hupphengtu phaw le teinak vainam a si! Na ral hna cu na hmaiah bawk in an ra lai i An khuahrum bo hna cu na lamh hna lai,” tiah a ti.

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

HEBRU 2:13

Cun, “Pathian cu kaa bochan,” tiah a ti i, “Pathian nih a ka pekmi ngakchia hna sinah hika ah ka um,” ti zongah a ti fawn.

LUKA 1:69

Kan caah a ṭhawngmi Khamhtu kha a chuahter cang. Amah cu a sal David tefa kha a si.

SALM 144:2

Amah cu a ka hupphengtu lungpi ka ralhruang a si, a fekmi ralvenbuk le himnak hmun a si, kaa bochanmi phaw a si. Miphun dang kha ka ke tangah amah nih a chiah hna.

SALM 59:16

Sihmanhsehlaw kei tu cu na ṭhawnnak kha hla in ka thangṭhat lai; zing fate in a fekmi na dawtnak kong kha hla in ka sa lai. Nangmah cu ka caah himnak na si, harnak caan ah dornak lungpi na si.

SALM 14:6

Miṭhalo hna nih sifakmi an khuakhannak cu dawnkhan hna hmanh seh law a humhaktu hna cu Bawipa a si ko.

JEREMIAH 16:19

Maw Bawipa, nangmah cu ka thazang le ka ralhruang, harnak caan i ka himnak na si; Vawlei khuazakip in miphun hna kha na sinah an ra lai i ‘Kan pupa hna nih an rak comi cu hlennak le pakpalawng le santlai lomi siasal men kha an rak si ko.

ISAIAH 32:2

Annih cu thlitu a hran tikah dornak le thlichia a hran tikah i thuhnak hmun bantuk an si lai. Annih cu thetse ram i tiva luang bantuk le ramcar i lungpi naidem bantuk an si.

SALM 140:4

Miṭhalo mi hna kut chung khan ka huppheng law, maw Bawipa, ka tluknak ding lawng a tuaktan lengmangmi hna mipuarhrang hna sin khan him tein ka umter ko.

SALM 55:9

Bawipa, annih cu hrawk hna law an biachimmi cu tuainak ah canter; khuapi chungah ka hmuhmi thil cu zaang-ennak le i tuainak a si.

SALM 46:7

Lian Ngan Bawipa nih a kan umpi, Jakob Pathian cu kan himnak a si. Selah

LUKA 1:71

‘Kan ral hna kut chungin le kanmah a kan huatu vialte hna sin khan, khamh awkah bia a kan kam.

SALM 140:11

Lih in midang sual a puhmi cu, mi sual an puhnak hna ah khan thluachuak hna hlah seh; mipuarhrang cu ṭhat lonak nih khan tlak hna seh law hrawk hna seh.

SALM 140:1

Maw Bawipa, miṭhalo hna kut chung khan ka khamh ko; mipuarhrang hna sin khan him tein ka umter ko.

SALM 86:14

Maw Pathian, miruamkai pawl nih an ka fuh, nangmah zei i an rel lomi miṭhalo pawl nih thah an ka zalh.

SALM 84:11

Bawipa cu a kan hupphengtu le a sunglawimi kan siangpahrang a si, amah nih thluachuah a kan pek i vel le thangṭhatnak kan hmuh. A dingmi thil a tuahtu paoh cu thil ṭha kha pe loin a um hna lo.

SALM 84:9

Maw Pathian, kan siangpahrang cu thluachuahnak pe ko, nangmah nih na thimmi siangpahrang cu thluachuahnak pe ko.

SALM 72:14

Hremnak chung le serhsatnak chungin a khamh hna; an nunnak kha a caah thil sung a si.

SALM 71:7

Ka nunnak hi mi tampi caah cun khuaruahhar a si, sihmanhsehlaw nangmah cu a ṭhawngmi a ka hupphengtu na si.

SALM 61:3

Himnak hmun ah ka kalpi tuah, nangmah cu keimah nakin a sang deuhmi lungpi na si, ka ral hna sinin a ka hupphengtu a fekmi innsang na si.

SALM 46:1

Pathian cu kan i dornak le kan thazang a si, harnak caan ah a kan bawm zungzaltu a si.

SALM 28:7

Bawipa nih a ka huh i a ka phenh; amah cu kaa bochan ko. A ka bawmh i kaa lawm, cucaah amah thangṭhatnak hla ka sa.

SALM 27:5

Harnak caan ah him tein a thla tangah a ka dorter; a biakinn chungah him tein a ka chiah i a sangmi lungpi cungah a ka chuan.

SALM 5:12

Bawipa, na nawl a ngaimi cu thluachuah na pek hna, na zaangfahnak nih phaw bantukin a huhphenh hna.

SALM 3:3

Sihmanhsehlaw Bawipa, nangmah nih phaw bantukin na ka huhphenh zungzal i teinak kha na ka pek i ka lung na ka ṭhawnter ṭhan.

2 SAMUEL 22:51

Amah nih a siangpahrang cu teinak lianngan a pek i, A chiti thuhmi cu a fekmi dawtnak a hmuhsak, David le a tefa hna cu, zungzal in.”

2 SAMUEL 22:49

Ka ral hna chungin a ka chuahtu Pathian cu hlorh si ko seh; Nangmah nih ka ral hna cungah na ka hlorh, Mipuar hna lakin na ka luatter.

1 SAMUEL 2:1

Cun Hannah nih thla zong a cam i, “Bawipa cungah ka lung aa lawm; Bawipa thawngin ka thazang cu hlorh a si. Na khamhnak ah khan kaa lawmh caah, Ka ral hna cu ka kaa nih a nihsawh hna.

DEUTERONOMI 32:37

Cu tikah, ‘An pathian hna, an i dornak lungpi cu, Khuazei ah dah an si kun,

TITAS 3:6

Jesuh Khrih kan khamhtu thawngin Pathian nih Thiang Thlarau cu tampi in a kan toih i

TITAS 3:4

Sihmanhsehlaw kan Khamhtu Pathian dawtnak le zaangfahnak cu vawlei cungah a hung langh tikah, thil ṭha kan tuahmi ruangah si hin loin amah nih a kan zaangfah ca lawnglawng ah kannih cu a kan khamh i

LUKA 1:47

I lawm tuah, ka nunnak, Bawipa na khamhtu cungah;

JEREMIAH 16:9

Zeicahtiah ralkapbu Bawipa Israel Pathian nih hi bangin a ti: Nangmah chan hrimhrim ah hin le nangmah mit hmuh hrimhrim ah hin, hi hmun i lawmhnak le thanuamnak aw thawng vialte, nupi ṭhipa aw le a mo aw kha, ka daihter hna lai.

ISAIAH 45:21

Ra u law biaceihnak hmun ah nan bia cu ra chim tuah u; tazacuaimi hna cu pakhat le pakhat lungthin i cheu tuah u. Thil a um ding kha aho nih dah a hlankan in a rak thanh chung i cuticun a um te lai tiah aho nih dah a rak chimchung? Cu ti a tuahtu cu Bawipa, a mi a khamhtu hna Pathian kha ka si lo maw? Pathian dang ahohmanh an um lo.

SALM 32:7

Nangmah cu kaa thuhnak hmun na si, harnak chungin na ka khamh lai. Nangmah nih na ka huhphenh caah fak piin na khamhnak cu hla in ka thangṭhat. Selah

SALM 142:4

Ka pawngkam kha ka zoh tikah, a ka bawmtu ding ahohmanh ka hmu hna lo, a ka hupphengtu ding ahohmanh an um lo, ahohmanh ka zawn a ka ruattu an um lo.

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.

1 SAMUEL 2:2

“Bawipa bantukin a thianghlim ahohmanh an um lo Nangmah hleiah ahohmanh an um lo; Kan Pathian bantuk lungpi zong an um lo.

2 SAMUEL 22:31

Hi Pathian hi amah a lam cu ṭhat a tling; Bawipa biakamnak cu a dik taktakmi a si; Amah chung i aa dormi vialte caah amah cu phaw a si.

2 SAMUEL 22:47

“Bawipa cu a nung ko; ka lungpi cu thangṭhat si ko seh, Ka Pathian, ka khamhnak lungpi cu.

2 SAMUEL 23:3

Israel Pathian nih a chim cang, Israel lungpi nih a ka chimh cang: Uktu nih mi kha dinnak in a uk hna i Pathian ṭih buin a uk hna tikah,

EXODUS 15:2

Bawipa nih a ṭhawngmi le a liannganmi ah a ka ser, amah cu a ka khamhtu kha a si. Amah cu ka Pathian a si i ka thangṭhat lai, ka pupa hna Pathian a si i a lianhngannak cu hla in ka sak lai.

SALM 9:10

Maw Bawipa, nangmah an hngalmi nih cun an in bochan lai, nangmah sinah a rami cu ahohmanh na dawn bal hna lo.

SALM 46:2

Cucaah cun vawlei cu i hnin in tlang cu rili chungah tla hna hmanh seh law ka thin a phang lai lo;