2 SAMUEL 20:15 - Lai (Hakha) Common Language Bible 2006

¹⁵ Cun Joab sin i a ummi vialte kha an ra i Beth-maakah i Abel khua ah cun amah cu an dum; khua pawngah cun vawlei kha an hun toih i a kulhnak hrap duahmah ah cun a tlun; cun annih nih khua kulhnak cu chimh awkah heh tiah an den.

2 SAMUEL 20:15 Խաչաձեւ Հղումներ

2 SIANGPAHRANG 19:32

“Cucaah Bawipa nih Assiria siangpahrang kong ah hi bangin a ti: Hi khua chungah a lut lai lo, hika ah thal zong a thlah lai lo, phaw he zong a rathnawh lai lo i a hram ah raldohnak chuntlung zong a serhnawh lai lo.

JEREMIAH 32:24

Babilon mi hna nih khuapi cu lak awkah a velchum in kulhnak chuntlung an ser i annih nih an tuk. Raltuknak le mangṭam le rai nih khuapi cu an kut chungah a tlakter lai. Bawipa, nangmah nih na chimmi cu a tling ko cang ti kha na hmuh ko.

LUKA 19:43

Zeicahtiah na ral nih raltuknak chuntlung in an in kulh i an in hren i a kenkip in an in luhhnawh caan kha a phan lai.

EZEKIEL 4:2

cun Jerusalem khua cu hreng law ralvennak buk kha sakhnawh law raltuknak chuntlung khan kulh law riahhmun hna kha serhnawh law ralhau vampang chimhnak thingthluan kha a velchum in chiahhnawh tuah.

JEREMIAH 33:4

Keimah, Bawipa, Israel Pathian nih, Jerusalem khua chung inn hna le Judah siangpahrang inn cu an rawk lai; Babilon mi hna nih kulhnak chuntlung ah an sermi hna cu va chuah i va tuk kha santlailo a si,” ka ti.

JEREMIAH 6:6

Mahtihin Ralkapbu Bawipa nih a ti, “Jerusalem khua thingkung kha hau hna u law Ral tuknak chuntlung kha a pawngah serhnawh u. A chungah hin zeidang um loin hremnak lawnglawng a um caah Hi khua hi dan ka tat lai.”

ISAIAH 37:33

Assiria siangpahrang kong ah Bawipa nih a chimmi cu hihi a si: “Hi khua chungah hin a luh zong a lut lai lo, thal zong pakhat hmanh a thlah lai lo. Phaw aa putmi ralkap zong nih a naih in an naih lai lo i a velchum ah raltuknak chuntlung zong zeihmanh ser a si lai lo.

2 SIANGPAHRANG 15:29

Israel siangpahrang Pekah chan ah khan Assiria siangpahrang Tiglath-pileser kha a ra i Ijon, Abel-besh maakah, Janoah, Kedesh, Hazor, Gilead le Galilee, Naftali ram vialte kha a lak; cun mi hna cu sal ah Assiria ram ah a kalpi hna.

1 SIANGPAHRANG 15:20

Cun Benhadad nih Siangpahrang Asa kha a bia a ngaih i a ralkapbu haotu hna kha Israel mi khua doh awkah a thlah hna i Ijon, Dan, Abel-beth-maakah le Khinneroth vialte kha, Naftali ram vialte he an tei dih.

2 SAMUEL 20:14

Cun Sheba cu Israel phun vialte hna sinah khan Beth-maakah i Abel tiangin aa chawk; cun Bikhri mi vialte cu an i pum i amah kha an zulh.

PHUNGCHIMTU 9:14

Khua hmete pakhat hi a rak um i a chungah mi tlawmte an rak um; siangpahrang pakhat nih a ra doh i a dum i raltuknak chuntlung ngan pipi kha a serhnawh.