2 SAMUEL 2:6 - Lai (Hakha) Common Language Bible 2006

⁶ Atu cu Bawipa nih nan cungah a fekmi dawtnak le zumhawktlaknak kha langhter ko seh! Cun nannih nih hi thil hi nan tuah caah nan cungah ṭhatnak ka tuah lai.

2 SAMUEL 2:6 Խաչաձեւ Հղումներ

PHUNGTHLÛKBIA 14:22

Ṭhatnak caah rian na ṭuan ahcun mi nih an in zumh lai i an in upat lai, sihmanhsehlaw chiatnak caah na tuah ahcun na palh hrimhrim ko.

EXODUS 34:6

Bawipa cu a hmaika cun a lan i, “Bawipa cu zaangfahnak le vel ngeihnak in a khatmi Pathian a si, amah cu fawi tein a thin hunter khawh lomi, a fekmi dawtnak tampi mi cungah a langhter i mi cungah zumhawktlak ngaingai a simi Pathian cu a si.

MATTHAI 5:44

Sihmanhsehlaw kei nih cun, hitihin kan ti hna: nan ral kha va daw hna u law an hremtu hna kha thla va campiak hna u,

MATTHAI 5:7

Midang cungah zaangfahnak a ngeimi cu lunglawmmi nan va si dah! Pathian nih an zaangfah hna lai.

MATTHAI 10:16

“Ngai hmanh u! Cenghngia hrang rual lak i thlahmi tuu bantukin kan thlah hna. Cucaah rul bantukin vaa fim u law ṭhuro bantukin nan nun va nem u.

SALM 57:3

Vancung khin a run ka leh lai i a ka khamh lai; a ka dohtu kha a sunghter hna lai. Pathian nih cun a fekmi a dawtnak le zumhawktlak a sinak kha ka cungah a langhter lai.

2 SAMUEL 15:20

Nizan lawng i a rami na si i ka vahvaihnak kip ah maw kan vahpi hnga, khuazei ah ka kal lai ti awk hmanh ka hngalh ṭung lo? Va kir ṭhan law na unaule hna hi nangmah sinah kirpi hna; Bawipa nih a fekmi dawtnak le zumhawktlak a sinak cu in hmuhsak ko seh,” tiah a ti.

2 SAMUEL 10:2

Cun David nih a thawh i, “Nahash fapa Hanun hi a pa nih ka cungah zumhawktlak tein a rak um bantuk khan a cungah zumhawktlak tein ka um ve lai,” tiah a ti. Cucaah David nih a pa kong ah khan amah cu va hnemh awkah a sinum a hei thlah hna. Cun David sinum hna cu Ammon mi hna ram chungah khan an va phan.

2 SAMUEL 9:7

Cun David nih amah cu, “Na thinphang hlah; na pa Jonathan ruangah na cungah zaangfahnak kan hmuhsak lai i na pu Saul ram vialte kha kan khirh ṭhan lai; cun ka cabuai ah rawl na ei zungzal lai,” tiah a ti.

2 SAMUEL 9:3

Cun siangpahrang nih, “Pathian zaangfahnak cu a cungah ka langhter khawh nakhnga, Saul innchungkhar chungin a um rihmi pakhat tal an um ti hnga lo maw?” tiah a ti. Ziba nih siangpahrang sinah cun, “Jonathan fapa pakhat a um rih; amah cu a ke a bei,” tiah a ti.

2 SAMUEL 2:7

Cucaah nan kut kha ṭhawng hna seh law nan ralṭha ko u; zeitintiah nan bawipa Saul cu a thi cang i Judah hrin hna nih annih cung i siangpahrang ah keimah cu chiti an ka thuh cang,” tiah a ti hna.

JOSHUA 2:14

Cun mi hna nih cun a sinah, “Kan nun ah nan nung ve lai! Hi kan rian hi na chim lo ahcun, Bawipa nih hi ram kha a kan pek tikah zaangfahnak te le zumh awk tlak tein kan in ti lai,” tiah an ti.

RUTH 1:8

Sihmanhsehlaw Naomi nih a fapale nupi pahnih hna kha a thawh hna i, “Va kal cang u, nanmah le nan nu le inn cio ah khan va kir cang u. Mithi hna le keimah cungah nan tuah bantuk hin Bawipa nih nan cungah zaangfahnak tuah ve ko seh.