2 SAMUEL 2:5 - Lai (Hakha) Common Language Bible 2006

⁵ Jabesh-gilead mi sinah cun lamkaltu a hei thlah hna i, “Nannih nih hi zumhawktlaknak kha nan bawi Saul cungah nan langhter i nan vui caah Bawipa nih thluachuahnak in pe ko hna seh!

2 SAMUEL 2:5 Խաչաձեւ Հղումներ

1 SAMUEL 23:21

Cun Saul nih, “Bawipa nih thluachuah in pe ko hna seh; zeitintiah keimah cungah zaangfahnak nan ngei.

SALM 115:15

Van le vawlei a sertu Bawipa nih cun, thluachuahnak in pe ko hna seh!

1 SAMUEL 24:19

Zeitintiah mipa nih a ral kha a hmuh ahcun, him tein a kalter ko hnga maw? Cucaah nihin i ka cung i na tuahmi caah hin Bawipa nih ṭhatnak in in lehrul ko seh.

RUTH 2:20

Cun Naomi nih a fapa nupi sinah cun, “A nungmi cungah siseh, a thimi cungah siseh, a zaangfahnak a ngol lomi Bawipa nih cun amah cu thluachuahnak pe ko seh!” tiah a ti. Cun Naomi nih a sinah, “Cu pa cu kan rualchan a si, kan sahlawh naih bik a si,” tiah a ti fawn.

RUTH 3:10

Cun anih nih, “Ka fanu, Bawipa nih thluachuahnak in pe ko seh; tlangval a sifakmi siseh, a rummi siseh na zulh hna lonak ah hin, a hmasa bik i nak hmanh khan hi a hmanung bik na vel hi na dawhter deuh cang.

RUTH 1:8

Sihmanhsehlaw Naomi nih a fapale nupi pahnih hna kha a thawh hna i, “Va kal cang u, nanmah le nan nu le inn cio ah khan va kir cang u. Mithi hna le keimah cungah nan tuah bantuk hin Bawipa nih nan cungah zaangfahnak tuah ve ko seh.

BIACEIHTU 21:8

Cun annih nih, “Israel miphun hna lakah aho set dah Bawipa sinah Mizpah ah a hung kal lomi a si?” an ti. Cun zohhmanh, Jabesh-gilead in, aa pummi bu sinah riahhmun ah ahohmanh an ra lo.

1 SAMUEL 15:13

Cun Samuel cu Saul sinah a ra i Saul nih khan amah cu, Bawipa nih thluachuahnak in pe ko seh; Bawipa nawlbia cu ka tuah cang,” tiah a ti.

GENESIS 14:19

thluachuah a pek i: “Van le vawlei a sertu Cung Nung Bik Pathian nih Abram cu thluachuah in pe seh.

GENESIS 14:22

Sihmanhsehlaw Abram nih cun a leh i, “Van le vawlei a sertu Cung Nung Bik Pathian hmaiah chiatser tein bia kaa kam i,

JOSHUA 2:14

Cun mi hna nih cun a sinah, “Kan nun ah nan nung ve lai! Hi kan rian hi na chim lo ahcun, Bawipa nih hi ram kha a kan pek tikah zaangfahnak te le zumh awk tlak tein kan in ti lai,” tiah an ti.

1 SAMUEL 11:1

Khi caan ah Ammon mi Nahash cu a hung kal i Jabesh-gilead kha a dum; cun Jabesh-gilead khuami vialte nih cun, “Kanmah he biahrennak ser law, na rian kan ṭuan lai,” tiah an ti.

1 SAMUEL 11:9

Cun a rami lamkaltu hna sinah cun, “Jabesh-gilead mi sinah cun hi bangin nan va chim lai: ‘Thaizing ni a hung linh vuaimai tikah khin, luatnak nan hmu lai,’ tiin,” tiah a ti. Lamkaltu hna kha an rat i Jabesh mi hna kha an chimh tik hna ah, an lung aa lawm.

2 SAMUEL 15:20

Nizan lawng i a rami na si i ka vahvaihnak kip ah maw kan vahpi hnga, khuazei ah ka kal lai ti awk hmanh ka hngalh ṭung lo? Va kir ṭhan law na unaule hna hi nangmah sinah kirpi hna; Bawipa nih a fekmi dawtnak le zumhawktlak a sinak cu in hmuhsak ko seh,” tiah a ti.

2 SAMUEL 21:12

David cu a kal i Filistin mi nih Saul kha Gilboa tlang i an thah ni ah, Filistin mi nih an thlai hnanak hmun Bethshan khua i zapi pumhnak tual khan a va firtu Jabesh-gilead mi hna sin khan Saul ruh le a fapa Jonathan ruh kha an lak hna i