2 SAMUEL 18:3 - Lai (Hakha) Common Language Bible 2006

³ Sihmanhsehlaw mi nih cun an thawh i, “Na kal hnga lo, zeicahtiah kannih cu kan zam a si zongah an zei a poi lai lo. Hnarcheu kan thih zongah an zei a poi hlei lai lo. Sihmanhsehlaw nang cu kanmah thong hra tluk na si; cucaah khua chungin bawmhnak na kan pek ahcun a ṭha deuh lai,” tiah an ti.

2 SAMUEL 18:3 Խաչաձեւ Հղումներ

2 SAMUEL 21:17

Sihmanhsehlaw Zeruiah fapa Abishai nih khan amah cu a ra zuanhnawh i Filistin mi kha a tuk i a thah. Khi tikah David cu a mi hna nih khan, “Raltuknak hmun ah kan sinah na kal ti lai lo, Israel mei inn kha na hmih sual hnga,” tiin amah cu chiat an serter.

ZEKHARIAH 13:7

Mah hihi ralkapbu Bawipa bia hrimhrim a si: “Maw vainam, ka tuukhal le keimah he rian a ṭuan ṭimi doh awkah i hlau tuah. Tuukhal kha tu law tuu cu i ṭhek hna seh, an fale kha ka kut ka lekhnawh hna lai,” a ti.

ṬAHNAK HLA 4:20

Bawipa chiti thuhmi, kan nunnak thaw a simi kha, Amah cu miphun hna lakah a thlazung in a ka hupphengtu a si lai, tiah kan rak i ruahchan.

1 SIANGPAHRANG 22:31

Cun Siria siangpahrang nih cun a rangleng ralbawi sawm thum le pahnih hna cu, “Israel siangpahrang dah ti lo cu, ahohmanh a hme siseh, a ngan siseh, tu hna hlah u,” tiah nawl a pek hna.

2 SAMUEL 17:2

Amah cu a bat lio le a lung a dongh lioah ka hei phanh lai i a lau ciammam lai i amah sin i a ummi vialte kha an zam dih lai. Siangpahrang lawnglawng kha ka va thah lai i

2 SAMUEL 10:11

Cun anih nih, “Siria mi hi ka caah an ṭhawn tuk ahcun na ka bawmh lai; sihmanhsehlaw Ammon mi hna kha na caah an ṭhawn tuk ahcun, ka ra lai i kan bawmh lai.

1 SAMUEL 18:7

Cun nu hna cu lawmhnak an tuahpah khan hla in an i chawn i, “Saul nih a thong thong in a thah hna, David nih a sang sang in,” tiah an ti.