2 SAMUEL 18:17 - Lai (Hakha) Common Language Bible 2006

¹⁷ Cun Absalom kha an lak i tupi chung i khor nganpi pakhat ah an thlak i a cungah cun lungpumh nganpi pakhat an pumh; cun Israel mi vialte cu anmah le an inn cio ah khan an zam dih.

2 SAMUEL 18:17 Խաչաձեւ Հղումներ

JOSHUA 8:29

Cun Ai khua siangpahrang cu thingkung cungah zanlei tiang a thlai; cun ni a tlak zuahmah tikah Joshua nih nawl a pek hna i thingkung cung cun a pum cu an ṭhumh i khua hauka luhnak ah cun an hlonh i, a cungah lungpon nganpi an pumh; cucu nihin ni tiang hin a um ko.

JOSHUA 7:26

Cun nihin tiangin a ummi lungpumh nganpi pakhat a cungah cun an pumh; cun Bawipa cu a kangh in a kangmi a thinhunnak cun aa mer. Cucaah cun nihin tiangin cu ka hmun cu Akhor Nelrawn tiah ti a si.

PHUNGTHLÛKBIA 10:7

Miding cu thluachuahnak an si tiin hngalh camcin an si, sihmanhsehlaw miṭhalo hna min cu philh zau a si.

2 SAMUEL 20:22

Cun minu cu a fimnak in mi vialte sinah khan a kal. Cun Bikhri fapa Sheba kha a lu an tan i Joab sinah khan an hei hlonh. Cucaah muko kha a tum i khua khan an ṭiao dih, anmah le an inn cio ah an kal. Cun Joab cu Jerusalem ah siangpahrang sinah khan a kir ṭhan.

2 SAMUEL 20:1

Cun khika ah khan mizeiruaramlo pakhat, a min Sheba a simi, Benjamin miphun Bikhri fapa kha a rak um ngelcel i muko kha a tum i, “David chungah covo zeihmanh kan ngei lo, Jesse fapa chungah ro zeihmanh kan ngei lo; Maw Israel mi hna, nanmah le nan thlam cio ah kal dih u!” tiah a ti.

2 SAMUEL 19:8

Khi tikah siangpahrang cu a tho i kutka ah khan a ṭhu. Cun mi vialte kha an chimh hna i, “Zohhmanh, siangpahrang cu kutka ah khan a ṭhu,” tiah an ti; mi vialte cu siangpahrang hmaiah khan an ra. Israel mi vialte kha cu, anmah le an inn cio ah an zam dih cang.

JOSHUA 10:27

sihmanhsehlaw ni a tlak cuahmah tikah, Joshua nih nawl a pek hna i thingkung cung khan an ṭhumh hna i, an i thuhnak lungkua chungah khan an hlonh hna i lungkua kaa cu lung ngan pipi in an khar, nihin ni tiang hrimhrim hin a um ko.

DEUTERONOMI 21:20

cun a khua upa hna sinah cun, ‘Hi kan fapa hi a lung a khawng i ralchanh hmangmi a si, amah nih kan bia ngaih a duh lo, mihrokhrawl le zurit hmang a si,’ an ti lai.

DEUTERONOMI 21:21

Khi tikah khuachung pa vialte nih lung in thi lakin an cheh lai; cuticun ṭhat lonak cu nan lakin nan thianh lai i Israel mi vialte nih an theih lai i an ṭih lai.

1 SAMUEL 4:10

Cucaah Filistin mi nih cun an tuk hna i Israel mi cu an sung, anmah le an inn cio ah khan an zam dih; i thahnak fakpi a um, Israel mi ke ralkap sang thum an thi.

2 SIANGPAHRANG 8:21

Khi tikah Joram cu Zair ah a rangleng vialte he an kal, zan ah a tho i amah a kulhtu Edom mi vialte kha amah le a rangleng haotu bawi hna nih cun an tuk hna; sihmanhsehlaw a ralkap cu inn ah an zam.

2 SIANGPAHRANG 14:12

Cun Judah cu Israel nih a tei i an inn cio ah an zam dih.

2 SAMUEL 19:5

Khi tikah Joab cu inn chungah siangpahrang sinah khan a lut i, “Nihin ah hin nangmah nih, nihin i nangmah na nunnak le na fapa hna le an fanu hna an nunnak le na nupi hna le na nuchun hna an nunnak a khamhtu hna na sinum vialte hna hmai cu ningzahnak in na khuh cang;

2 SAMUEL 19:9

Israel phun an dihlak chungah khan mi vialte, pakhat le pakhat i alnak a um i, “Siangpahrang nih khan kan ral hna kut chungin a rak kan chuah i, Filistin mi hna kut chungin a rak kan khamh; atu cu Absalom sinin ram chungin a zam cang.