2 SAMUEL 17:16 - Lai (Hakha) Common Language Bible 2006

¹⁶ Cucaah khulrang in mi hei thlah hna u law David cu, ‘Tuzan ah ramlak i ti tannak hmun ah khan rak riak hlah, zeiti a si hmanh ah na rak lan lai; cu ti a si lo ahcun siangpahrang le a sin i a ummi vialte cu dolh nan si sual lai,’ tiah va chim u,” tiah a ti hna.

2 SAMUEL 17:16 Խաչաձեւ Հղումներ

2 SAMUEL 15:28

Zohhmanh, ramlak i tiva tannak ah khan keimah thanh awkah nan sinin bia ka hmuh hlantiang ka rak um lai,” tiah a ti.

2 KORIN 5:4

Hi vawlei cung thlam chung i kan um lioah hin cun hremnak ing lengmang in kan hrum kan ai; hi vawlei cung pum hi hlawt kan duh ti a si lo, sihmanhsehlaw vancung pum kha hun kan hruk hna seh law ti kha kan duh i thih thiammi hi nunnak nih dolh seh law ti kha kan duh.

1 KORIN 15:54

Cun a rawk khomi nih a rawk kho lomi aa hruk i a thi khomi nih thih khawh lonak aa hruk tikah cun, Cathiang nih, “Thihnak cu hrawh a si cang, teinak cu a tling cang,” a timi kha a tling lai.

SALM 57:3

Vancung khin a run ka leh lai i a ka khamh lai; a ka dohtu kha a sunghter hna lai. Pathian nih cun a fekmi a dawtnak le zumhawktlak a sinak kha ka cungah a langhter lai.

SALM 56:2

A ka dohtu nih hin chun nitlak in an ka hrem i annih hi an tam hringhran ko.

SALM 55:8

Thlichia le ruahpi chung hin dornak hmun kha khulrang in ka hmuh ko hnga,” ka ti.

SALM 35:25

“A cungah tlung seh, ti kan duhmi te kha a cungah a tlung cang,” titer hna hlah. “Amah cu kan tei diam cang,” titer hna hlah.

2 SAMUEL 15:14

Cun David nih Jerusalem ah a sin i a ummi vialte hna kha, “Tho u law, zam u si; Absalom sin hin kan caah luatnak um loin a um sual lai; khulrang in kal u, cu ti a si lo ahcun a kan phanh sual lai i kan cungah ṭhat lonak a tlunter sual lai i khuapi hi vainam in a sam dih sual lai,” tiah a ti.

1 SAMUEL 20:38

Cun Jonathan nih tlangvalpa cu a hei auh i, “Khulrang in i namhnawh, um hlah,” tiah a ti. Cucaah Jonathan tlangvalpa nih khan thal kha a char zokzok hna i a bawipa sinah khan a ra.

2 SAMUEL 15:35

Tlangbawi Zadok le Abiathar hna kha khika ah na sinah an um a si lo mei? Cucaah siangpahrang inn ah na theihmi vialte cu tlangbawi Zadok le Abiathar hna kha chim hna.