2 SAMUEL 16:10 - Lai (Hakha) Common Language Bible 2006

¹⁰ Sihmanhsehlaw siangpahrang nih cun a thawh i, “Nannih Zeruiah fapa hna, nannih nan i thlaknak zeidah a um? Bawipa nih amah cu, ‘David kha chiat va serh,’ tiah a ti i chiat a ka serh a si ahcun, ‘Zeicahdah mah cuticun na ti?’ tiah aho nih dah a ti khawh lai?” tiah a ti.

2 SAMUEL 16:10 Խաչաձեւ Հղումներ

2 SAMUEL 19:22

Sihmanhsehlaw David nih, “Nannih Zeruiah fapa hna, nannih nan i thlak awk zeidah a um, nihin i keimah caah ral bantuk nan si hnga cu? Nihin ah hin Israel mi ahohmanh thah awk a si hnga maw? Zeitintiah nihin ah hin Israel mi cungah siangpahrang ka si kha hngal loin maw ka um?” tiah a ti.

ROM 9:20

Sihmanhsehlaw ka kawi, nangmah cu Pathian bia a let lakmaktu dingah ahodah na si? Tlak um nih a sertu cu, “Zeicahdah hi bantuk hin na rak ka ser,” tiah a hal lo.

JOHAN 18:11

Jesuh nih Peter cu a thawh i, “Na nam kha a kawng ah sawh ṭhan. Ka Pa nih a ka pekmi hrai, nganfah innak hrai cu ding loin a um hnga ti ah maw na ka ruah?” tiah a ti.

1 PETER 2:23

Serhsatnak bia in an ti tikah serhsatnak bia in a let hna lo, temhnak a in tikah a tlerh hna lo, ding tein bia a ceihtu Pathian tu kha aa bochan.

MATTHAI 16:23

Jesuh cu a hun i mer i Peter cu, “Satan, ka sinah um hlah. Na ruahnak hi Pathian ruahnak si loin minung ruahnak a si caah ka caah dawntu na si,” tiah a ti.

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

2 SAMUEL 3:39

Siangpahrang ah chiti thuh ka si nain, nihin ah hin ka der ko; hi mi Zeruiah fapale hna hi ka caah an hak tuk. Bawipa nih ṭhat lonak a tuahtu cu a ṭhat lonak bantukin rul ko seh!” tiah a ti.

GENESIS 50:20

Ka cung i ṭhat lonak tuah awkah khua nan khan, sihmanhsehlaw cu nan khuakhannak cu Pathian nih thil ṭha ah a canter. Cu a canter cu zeicahdah a si ti ahcun cu thawngin nihin i a nungmi mi tampi hna hi, an nunnak khamh awkah a rak si.

PHUNGCHIMTU 8:4

Siangpahrang bia cu a sang bik a si i aho nih dah amah cu, “Zeidah na tuah?” an ti khawh lai?

JOB 9:12

Amah nih cun a lak ko, aho nih dah an dawnh khawh lai? Aho nih dah, ‘Zeidah na tuah?’ an ti lai?

2 SIANGPAHRANG 18:25

Cu hleiah hi hmun hi hrawh awk i ka hunhnawh tikah hin Bawipa hnatla loin maw a si? Bawipa nih cun pei a ka thawh i, “Hi ram hi hung kalhnawh law hung hrawk,” a ka ti cu, a ti,’ tiah va chim u,” tiah a ti hna.

1 SIANGPAHRANG 2:5

“Cuhleiah Zeruiah fapa Joab nih zeidah ka cungah a tuah kha na hngalh fawn: amah nih Israel mi ralkapbu haotu pahnih, Ner fapa Abner le Jether fapa Amasa a nawnmi hna cung i a tuahmi kha; ral lio i rak chuahmi thisen kha daihnak caan ah phu lei a cham hna i ka tai i taisawm le ka ke i kedan ah a sual lomi thisen kha a neh hna.

MATTHAI 8:29

Hmakhatte ah khin an ai i, “Pathian Fapa, zeidah na kan duhnak a um? A caan a tlin hlanah kannih dantat awkah na ra maw?” tiah an ti.

1 SIANGPAHRANG 17:18

Cun anih nih Elijah cu a thawh i, “Maw Pathian mipa, ka cungah lung si lonak zeidah na ngeih? Ka sualnak kha hngalhter ṭhan awk le ka fapa kha thihter awkah pei na rat ko hi!” tiah a ti.

SALM 39:9

Hi tlukin nganfahnak na ka inter caah dai tein ka um lai i bia pakhat hmanh ka chim lai lo.

1 SAMUEL 26:19

Cucaah ka bawipa siangpahrang nih hin a salpa ka bia hi ka ngaihpiak tuah seh. Keimah doh awkah an forhtu hi Bawipa a si ahcun, pekchanhnak hi cohlang ko seh; sihmanhsehlaw minung an si ahcun, BAWIPA hmaiah chiat si ko hna seh, zeitintiah annih nih nihin ah hin Bawipa ro chungah covo ka ngeih nakhnga lo an ka dawi i, ‘Va kal law, pathian dang kha va bia hna,’ an ka ti.

2 SAMUEL 19:23

Cun siangpahrang nih Shimei cu, “Na thi lai lo,” tiah a ti. Cun siangpahrang nih a sinah chiat a ser.

ṬAHNAK HLA 3:37

Bawipa nih a thlauhmi thil cu Aho nih dah tuah si seh tiah nawl a pek khawh lai?