2 SAMUEL 12:9 - Lai (Hakha) Common Language Bible 2006

⁹ Zeicahdah ka mithmuh i ṭhat lonak tuah awkah Bawipa ka bia cu na zawmhtaih? Hit mi Uriah cu vainam in na tuk i a nupi cu nupi ah naa lak i amah cu Ammon mi hna vainam in na thah.

2 SAMUEL 12:9 Խաչաձեւ Հղումներ

1 SAMUEL 15:19

A si kun ahcun, zeicahdah Bawipa aw cu na zulh lo? Zeicahdah hranchaw kha na zuanhnawh i Bawipa hmai i thil ṭhalo kha na tuah?” tiah a ti.

AMOS 2:4

Hihi Bawipa bia an si: Judah nih ṭhat lonak kha pakhat hnu pakhat in a tuah lengmang caah A cung i ka tlunter ding dantatnak kha ka let lai lo. Annih nih Bawipa phunglam kha zei ah an rel lo i A nawlbia kha an zul lo; An pupa hna nih an rak zulhmi pathian deu hna nih khan a pingah an hruai hna.

JEREMIAH 18:10

Sihmanhsehlaw ka mithmuh ah thil ṭhalo kha a tuah i ka bia a ngaih lo ahcun, a ca i thil ṭha tuah kaa timhmi kha ka ruah ṭhan a herh fawn ko lai.

SALM 90:8

Kan sualnak cu na hmaiah na chiah hna, a thli tein kan sualnak cu na hmuh dih ko hna.

1 SAMUEL 15:23

Zeitintiah ralchanh hman hi litin bantukin sual a si ve i, Lungkhon hi ṭhat lo le siasal biak he an i tluk. Nangmah nih Bawipa bia na al cang caah amah zong nih nangmah cu siangpahrang sinak khan an hlawt cang,” tiah a ti.

ISAIAH 5:24

Cucaah cun facangzi le ramro cu an ker i an kangh bantukin, Israel Pathian a thiangmi Ralkapbu Bawipa nih a kan cawnpiakmi kha nan ngaih duh lo caah nan hram cu a thu lai i nan par cu a ro lai.

2 SAMUEL 11:4

Cucaah David nih lamkal a hei thlah hna i an va lak; cun a sinah a ra i a rak ihpi. (A nuphung thian lonak in aa thianh lio kha a si). Cun a inn ah khan a kir ṭhan.

SALM 51:4

Ka sualnak cu, nangmah cungah, nangmah cung hrimhrim ah a si i a ṭhalo ah na ruahmi kha ka tuah. Cucaah cun bia na ka ceih tikah na hmaan ko i sual na ka phawt tikah na ding ko.

2 CHANRELNAK 33:6

Cun Hinnom fapa nelrawn ah khan a fapa hna cu raithawinak ah a khangh hna i khuavang kawh le litin le eih kha a lenh i thitlawnthiam le khuavang kha aa ruaih tawn hna. Bawipa mithmuh i thil ṭhalo tampi kha a tuah i a thin kha a phawh.

2 SAMUEL 12:10

Cun nangmah nih na ka zawmhtaih i Hit mi Uriah nupi kha na nupi ah naa lak caah, cucaah vainam cu na inn in aa ṭhen bal lai lo,’ a ti.

1 SAMUEL 15:26

Cun Samuel nih Saul cu, “Nangmah cu kan kirpi lai lo; zeitintiah Bawipa bia kha na al cang i, Bawipa nih Israel mi cung i siangpahrang na sinak khan an hlawt cang,” tiah a ti.

2 SAMUEL 16:7

Cun chiat a serh pah cun Shimei nih khan, “Va lo ko, va lo ko, nang thisen chuah hmangpa, nang zei ṭhahnem lopa!

1 SIANGPAHRANG 15:5

zeicahtiah David nih Bawipa mithmuh i a dingmi kha a tuah i Hit mi Uriah kong ah khan dah ti lo ahcun nawl a pekmi paoh kha a nun chung vialte pakhat hmanh a pialtak hna lo.

1 SIANGPAHRANG 21:19

Cun amah cu na thawh lai i, ‘Hi bangin Bawipa nih, “Na thah cang i a ro zong na co cang maw?” a ti,” na ti lai. Cun nangmah nih amah cu na thawh lai i, ‘Bawipa nih hi bangin: “Uico nih Naboth thi an liahnak hmun ah khan uico nih nangmah na thi an liah lai,” a ti,’ tiah na chimh lai,” tiah a ti.

SALM 51:14

Maw Pathian, ka khamhtu, ka nunnak hi ka zuah ko sawh law, na dinnak hi lunglawm tein ka thanh lai.

SALM 51:16

Raithawinak hi na duhmi an si lo, rak si hna seh law cu ka rak in pek ko hnga; na lawmhmi cu khangh thawinak zong hi a si lo.

PHUNGTHLÛKBIA 14:2

Miding nih cun Bawipa kha an ṭih, sihmanhsehlaw midepde nih cun zei ah an rel lo.