2 SAMUEL 11:26 - Lai (Hakha) Common Language Bible 2006

²⁶ Uriah nupi nih a va Uriah a thi ti kha a theih tikah a va zun cu a ngai.

2 SAMUEL 11:26 Խաչաձեւ Հղումներ

2 SAMUEL 14:2

Cun Joab nih cun Tekoa ah mi a hei thlah hna i khika in a fimmi nu pakhat an va lak i amah cu, “Mithi ngai bantukin naa umter lai i mithi ngaihnak hnipuan kha naa hruk lai; sathau i thuh hlah; sihmanhsehlaw mithi ni tampi a ngai cangmi bantukin na um lai;

2 SAMUEL 3:31

Cun David nih Joab le a sin i a ummi vialte kha a thawh hna i, “Nan puan kha thlek hna u law, buri kha i aih u law, Abner kha ngai tuah u,” tiah a ti hna. Cun Siangpahrang David nih ruakkuang kha a zulh.

GENESIS 27:41

A pa nih Jakob kha thluachuahnak a pek caah cun Esau nih Jakob cu a huat i a lungchung in, “Ka pa cu va thi deng cang kaw, a zun ngaih kan lim cun Jakob cu ka thah lai,” tiah a ti.

GENESIS 50:10

Cun Jordan nichuahlei i a ummi Atad hmun, facang cilnak hmun kha an phak tikah khika ah ruak humhnak nganpi an ser i Josef nih a pa ruak cu ni sarih a suan.

DEUTERONOMI 34:8

Cun Israel mi nih Moses cu Moab nelrawn ah ni sawm thum an ṭah; cun Moses an ṭahnak ni hna cu a dong.

1 SAMUEL 31:13

Cun an ruh cu an lak hna i Jabesh i tamarisk thingkung toiah an vui hna i ni sarih rawl an ul.

2 SAMUEL 11:25

David nih zualko sinah cun, “Hi bangin Joab sinah cun, ‘Hi thil hi na lungre i theihter hlah, zeicahtiah vainam nih cun atu ah pakhat, cun a hnuah a dang pakhat tiin pei a thah phung a si ko cu; khua na dohnak cu ṭhawnter chin law hrawk dih tuah,’ a ti tiah na va chim lai. Cun amah cu thazang na va pek lai,” tiah a ti.

1 SIANGPAHRANG 21:16

Cun Ahab nih Naboth kha a thi cang ti a theih cangka, Jezreel mi Naboth mitsur dum cu vung kal i vung i lak awkah a tho.