2 SAMUEL 10:18 - Lai (Hakha) Common Language Bible 2006

¹⁸ Cun Siria mi cu Israel mi hna hmai in an zaam i David nih mi chungin rangleng za sarih aa citmi hna le rangcung ralkap sang li kha a thah hna i an ralkapbu ralbawi Shobak kha a hliam i cucaah cun khika ah a thi.

2 SAMUEL 10:18 Խաչաձեւ Հղումներ

1 CHANRELNAK 19:18

Cun Siria mi cu Israel mi hna hmai in an zam; cun David nih Siria mi hna chung khan rangleng thong sarih aa citmi hna le ke ralkap sang li a thah hna i an ralkapbu ralbawi Shofak zong kha a thah.

SALM 46:11

Lianhngannak he a khatmi Bawipa cu kan sinah a um; Jakob Pathian cu kan himnak a si. Selah

SALM 18:38

Ka tuk hna i an tho kho ti lo, ka kehram ah an ril ko.

2 SAMUEL 8:4

Cun David nih amah sin khan rangcung ralkap thong khat le za sarih le ke ralkap sang hnih a tlaih hna i David nih leng hnuktu rang vialte kha an tha a pheh dih hna, sihmanhsehlaw rangleng za khat ca i a za ding lawnglawng kha a nganh hna.

BIACEIHTU 5:26

Thlam khenhnak fung kha aa lak, A orhlei kut in rianṭuantu hna sobul khan; Sisera cu a tuk i a lu kha a den, a phuzep ah khan a khenh i tleng lakin a khenh.

BIACEIHTU 4:22

Cun zohhmanh, Barak nih Sisera a dawi lioah khan, Jael nih ton awkah a va chuak i a sinah, “Ra hmanh, na kawlmipa cu kan hmuhsak lai,” tiah a ti. Cucaah a thlam chungah cun a vung lut; khika ah cun Sisera cu a phuzep i puan thlam khenhnak fung he khan a rak ril ko.

BIACEIHTU 4:2

Cun Bawipa nih Kanaan siangpahrang Jabin, Hazor i siangpahrang a simi kut chungah khan a zuarh hna; a ralbawi cu Harosheth-Hagoiim i a ummi Sisera a si.

2 SAMUEL 10:17

Mah cucu David kha an chimh tikah Israel mi vialte kha hmun khat ah a pumh hna i Jordan tiva kha an tan i Helam kha an phan. Cun Siria mi nih khan David doh awkah cun a ningcang tein ṭan hmun an rak khuar i amah he cun an i tu.

1 SIANGPAHRANG 11:24

David nih Zobah khuami kha a thah hna hnuah, amah nih cun mi kha a sinah a pumh hna i mi ramhtu bu lu ah aa ser i Damaskas ah an kal i khika ah an um i siangpahrang ah an ser.

SALM 68:2

Meikhu kha thli nih a choih bantukin a choih dih hna lai, khuailul kha mei nih a emh tikah a tit bantukin miṭhalo cu Pathian hmaika ah an rawk lai.