2 KORIN 9:6 - Lai (Hakha) Common Language Bible 2006

⁶ Hihi philh hlah u: thlaici tlawmte a tuhmi nih cun theipar tlawmte a zun tawn, tampi a tuhmi nih cun tampi a zun tawn.

Laibaibal Thiang (BSI)

⁶ Asinain hihi ka chim. Tlawmte tuhtu nih tlawmte a zûn lai, tampi tuhtu nih tampi a zûn lai.

2 KORIN 9:6 Խաչաձեւ Հղումներ

LUKA 6:38

Midang kha thil va ṭhen hna u, nannih zong Pathian nih an ṭhenh ve hna lai: liam thluahmah in, nan i chap khawh chungin, nan zawi khawh le khawh loin nan kut chungah an thlet hna lai. Midang ca i nan hmanmi tahnak rel kha Pathian nih nanmah ca zongah a hman ve lai,” tiah a ti.

PHUNGTHLÛKBIA 22:9

Siannak lungthin a ngeimi cu thlua a chuak lai, zeicahtiah a rawl kha sifakmi a hrawm hna.

PHUNGTHLÛKBIA 19:17

Misifak cungah zaangfahnak na ngeih ahcun Bawipa kha chaw na coih bantuk a si. Bawipa nih tling tein an cham lai.

2 KORIN 9:10

Cun thlaici tuhtu thlaici a petu le ei awk rawl a petu Pathian nih cun nan herhmi thlaici vialte kha an pek hna lai, nan siannak chung khan theipar tampi chuahter awkah amah nih cun a ṭhanter lai.

HEBRU 6:10

Pathian cu miding lo a si lo. Rian nan rak ṭuanmi le nan Khrihfa hawi nan rak bawmh tawn hna i atu zongah nan bawmh ko rih hna thawngin nan langhtermi amah nan dawtnak kha a philh lai lo.

PHUNGCHIMTU 11:6

Zinglei ah thlaici tuh ko, zanlei zongah ngol hlah; zeicahtiah an dihlak in an ṭhat lai le an ṭhat lai lo kha na hngal lo i a zei kha dah a ṭha deuh lai ti zong kha na hngal lo.

PHUNGTHLÛKBIA 11:18

Miṭhalo nih ahmaan loin miaknak a hmuh tawn, ṭhatnak a tuhtu nih cun laksawng taktak cu a hmuh lai.

PHUNGCHIMTU 11:1

Na tangka cu chawlehnak ah hmang law ni khatkhat cu a miak na hmuh ko lai.

GALATI 5:16

Ka chim duhmi cu hihi a si: Thlarau nih nan nunning kha lamhruai seh law nan minung sinak duhning kha zul hlah u.

GALATI 3:17

Ka chim duhmi cu hihi a si: Pathian nih biakamnak cu a tuah i cu biakam cu zulh awkah bia aa kam. Cu hnu kum za li le sawm thum ah Nawlbia kha a hung um i cu nih cun biakamnak cu a hrawk kho lo; Pathian biakamhmi cu pakpalawng zongah a canter kho lo.

1 KORIN 15:20

Sihmanhsehlaw biatak cu hihi a si: Khrih cu thihnak in thawhter a si i cucu thihnak chung i aa hngilhmi hna zong kha thawhter an si ve lai tinak aamahkhan a si.

EFESA 4:17

Bawipa min in hi bia hi ka chim i ralrinnak kan pek hna: lawkihmi bantukin um ti hlah u. Annih cu an ruahnak kha pakpalawng a si.

1 KORIN 7:29

Ka u le ka nau hna, ka chim duhmi cu hihi a si: caan hi tampi a tang ti lo i cucaah cun atu ri hin cun nupi ngeimi nih a ngei lo bantukin um hna seh;

KOLOSE 2:4

Cucaah hihi kan chimh hna: ahmaan lomi bia in ahohmanh i hlenter hna hlah u, an bia cu zeitluk hmanh in a ṭhami lo ko hmanh seh law i hlenter hna hlah u;

1 KORIN 1:12

Ka chim duhmi cu: a cheu nih, “Kannih cu Paul a ṭanhmi kan si,” nan timi le, a cheu nih, “Kannih cu Apollo a ṭanhmi kan si,” nan timi le a cheu nih, “Kannih cu Peter a ṭanhmi kan si,” nan timi le, a cheu nih, “Kannih cu Khrih a ṭanhmi kan si,” nan timi hi a si.

2 KORIN 9:5

Cucaah hi kan unau hna hi ka hlanah nan sin i ratter i nan i kammi laksawng kha timhcia tein rak chiah cu a herh tiah ka ruah. Cun kei ka hung phak tikah timhcia te cun a rak um cang lai i hnekchommi si loin pek nan duh hrimhrim ca i nan pekmi a si kha a lang lai.