2 KORIN 8:9 - Lai (Hakha) Common Language Bible 2006

⁹ Nannih nih kan Bawipa Jesuh Khrih vel kha nan hngalh ko: a rum nain nanmah ruangah sifak ah a cang, cuti a can cu a sifahnak khan nannih kha rumter an duh hna caah a si.

Laibaibal Thiang (BSI)

⁹ Zeitintiah kan Bawipa Jesuh Krih zângfahnâk cu nan hngalh, Amah cu rum hmanhsehlaw, a sifahnâk thawngin nannih nan rum nâkhnga, a si a fak.

2 KORIN 8:9 Խաչաձեւ Հղումներ

ROM 8:32

A Fapa hrimhrim hmanh kha a zuah ṭung lo, kan dihlak caah pei a pek kha! A Fapa kha a kan pek — thil vialte zong hi a lak in a kan pe hnga lo maw?

MATTHAI 20:28

Cuticun pei Mi Fapa hi a si cu, rian ṭuanpiak dingah ka rat ṭung lo, mi tampi an rian ṭuanpiak awk le annih tlanhnak ca i ka nunnak pek awkah pei ka rat cu,” tiah a ti hna.

ROM 5:8

Asinain Pathian nih cun zeitluk in dah a kan dawt kha hitihin a langhter: kannih cu misual kan si ko rih lioah hin Khrih cu kan caah a thi.

2 KORIN 6:10

kan ngaihchiatnak cu an tuah nain kan lung aa lawm zungzal, sifak ngai kan lo sihmanhsehlaw mi tampi kan rumter hna, zeihmanh a ngei lomi ko kan lo, asinain a taktak ti ahcun kan ngeih lomi a um lo.

EFESA 2:7

Khrih Jesuh thawngin a langmi a dawtnak chung i a ummi a vel cu zeitluk in dah a ngan ti kha a zungzal in hmu hna seh ti a kan duh caah, hi cu a tuah.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

EFESA 3:8

Pathian mi hna lak i a hme bik nak hmanh in a hme deuhmi ka si ko nain, Khrih a rumnak a dong kho lomi Thawngṭha cu Jentail mi hna sinah chim awk le

1TIMOTE 6:18

Ṭhatnak tuah le thil ṭha tuahnak i rum le nunsian le thil ṭhenh sian kha na chimh hna lai.

LUKA 16:11

Vawlei cung thil tuahtoning i zumhawktlak lo nan si ahcun zeitindah rumnak taktak cu pek khawh nan si lai?

HEBRU 1:2

Sihmanhsehlaw atu kan chan, chan hmanung bik a simi chan ah hin cun, kan sinah a Fapa in a bia cu a chim. Amah thawng cun Pathian nih van le vawlei vialte kha a ser hna i amah cu Pathian nih a donghnak i zeizong vialte uktu ding i a thimmi cu a si.

LUKA 9:58

Jesuh nih cun, “Cenghngia nih kua an ngei i vate nih bu an ngei, sihmanhsehlaw Mi Fapa cu riahnak hmun hmanh ka ngei lo,” tiah a ti.

BIAPHUAN 3:18

Cucaah ruahnak kan cheuh duhmi cu, keimah sinin sui thiang taktak kha ka caw law na rum lai. Cun naa thuamhnak ding le taklawng in na umnak ningzahnak khuhnak ding caah, thil rang i cawk fawn. Cun na mit thuh awkah si zong i cawk law cuticun khua na hmu kho lai.

EFESA 3:19

A dawtnak hi tling lak ngaingai cun hngalh khawh a si lo nain nan hngalh te ko lai. Cucaah Pathian tlinnak a tlingmi cun khat ko u.

1 KORIN 1:4

Khrih Jesuh thawngin an pekmi hna a vel ruangah hin ka Pathian cu ka lawmh zungzal.

LUKA 2:7

Puan in a zual i caw rawl einak kuang chungah khan a thlim — riahnak khualbuk ah khan an caah hmun a um lo.

ISAIAH 53:2

Vawlei car i a keomi thingkung bantukin a sal cu a rak ṭhang, cucu Bawipa duhning a rak si. Zoh kan duh nakhnga dingah i dawhnak le rumra zeihmanh a ngei lo, iang zeihmanh a ngei lo i a pumrua zong a chuakthiammi a si lo.

JOHAN 16:15

Ka Pa ngeihmi vialte cu keimah ta an si ko, cucaah cun, ‘Thlarau nih cun ka pekmi cu aa lak lai i nannih cu an chimh hna lai,’ tiah ka rak in chimh hna kha a si,” a ti.

JOHAN 1:17

Pathian nih Phungbia cu Moses thawng khan a kan pek, sihmanhsehlaw vel le biatak cu Jesuh Khrih thawng khan a ra.

JOHAN 1:10

Cu caan ah cun Bia cu vawlei ah hin a rak um ko. Amah thawngin Pathian nih vawlei hi a rak ser; sihmanhsehlaw vawlei nih khan amah cu a rak hngal lo.

MATTHAI 8:20

Jesuh nih cun, “Cenghngia nih kua an ngei i vate cu bu an ngei, sihmanhsehlaw Mi Fapa cu riahnak hmun hmanh a ngei lo,” tiah a leh.

BIAPHUAN 21:7

Teitu a simi paoh nih hihi ka sinin an hmuh lai: Keimah cu an Pathian ka si lai i annih cu ka fa an si lai.

1 KORIN 15:47

Adam pakhatnak cu vawlei dip in sermi a si, Adam pahnihnak tu cu vancung in a rami a si.

ROM 11:12

Judah mi sualnak nih hin vawlei cungah thluachuahnak tampi a tlunter i thlarau lei in mipam an sinak nih Jentail mi cu thluachuahnak tampi a phorh hna ahcun Judah mi cu tling tein an i tel ve tikah cun thluachuahnak cu zeitluk in dik a ngan chinchin lai!

JOHAN 17:19

Annih zong kha na biatak in thianh an si nakhnga kei zong hi anmah ruangah kaa thianh ve.

JOHAN 12:30

Sihmanhsehlaw annih cu Jesuh nih khan a thawh hna i “Hi aw nih bia a chimmi hi keimah caah a si lo, nanmah caah a si.

MARKA 6:3

Mary fapa, lehtama kha a si lo maw? Jeim le Joses le Judas le Simon hna u kha a si lo maw? A farle zong kha hika ah an um ko lo maw?” an ti. Cucaah cun zei ah an rel lo.

MATTHAI 17:27

Sihmanhsehlaw hi mi hna hi an thinhunter ka duh lo. Cucaah rili ah va kal law sio va thla, na sio hmasa bikmi nga kha a ka va keu law a ka chungah cun kan pahnih ca i a za ding tangka na hmuh lai; cun va kal law biakinn ngunkhuai cu va pe hna,” tiah a ti.

ISAIAH 65:8

Bawipa nih aa thawh i, “Mitsur thei ṭha cu ahohmanh nih an rawk bal lo, mitsur hang sernak tu ah khan an hman hna. Cu bantukin kei zong nih ka mi cu an dihlak in ka hrawk hna lai lo, ka rian a ṭuantu cu ka khamh hna lai.

ISAIAH 62:1

Jerusalem cu lung ṭhawnnak pek awkah bia ka chimh lai, khamhnak a hmuh hlantiang le, a teinak zan meifar ceu bantukin a ceu hlantiang ka dai hrimhrim lai lo.

KOLOSE 1:24

Nan ca i temhinnak ka huahmi ah hin kaa lawm ko. Zeicahtiah ka pum in ka inmi temhinnak ah hin, Khrih nih a pum a simi khrihfabu ca i a inmi temhinnak a baumi kha ka tlinter.

LUKA 8:3

Herod zung i bawi a simi Khuza nupi Joanna le Susanna le Jesuh le a zultu hna kha an ngeihmi thil in a rak bawmtu hna, nu dang tampi kha an si.

ROM 15:3

Zeicahtiah Khrih zong nih khan amah zawn lawng a rak i ruat lo. Cathiang nih, “Nangmah an vawlpamtu hna biachia cu keimah cungah a tla,” a ti bantuk khan a si lehlam.

BIAPHUAN 2:9

Na harnak kha ka hngalh ko hna; sifak na si kha ka hngalh — sihmanhsehlaw a ngaingai ti ahcun a rummi na si. Judah mi a si lo nain Judah mi ka si aa timi hna nih an in thangchiatnak kha ka hngalh; annih cu Satan ta a simi bu an si!