2 KORIN 8:8 - Lai (Hakha) Common Language Bible 2006

⁸ Phung zeihmanh kaan chiahpiak hna lo. Sihmanhsehlaw midang nih zeitluk in dah bawmhnak lei ah an lung a thawh ti ka langhternak nih hin, nan dawtnak hi a tak maw tak lo ti kha fianter seh ti ka duh.

Laibaibal Thiang (BSI)

⁸ Nawlpêk bantukin ka chim lo, asinain midang an i biataknâk he cuaithlai in nan dawtnâk hi a tak maw a deu ti hniksaknâk in ka ṭialmi a si.

2 KORIN 8:8 Խաչաձեւ Հղումներ

1 KORIN 7:6

Hi kan chimhmi hna hi nawlbia bantukin kan ti hna lo, a onh in kan onh hna tu a si deuh.

HEBRU 10:24

Pakhat le pakhat kan i dawt khawh nakhnga le thil ṭha kan i tuahpiak khawh nakhnga, i bawm tliahmah u sih.

2 KORIN 9:7

Cucaah nanmahle nan lungthin nan i thlehning cio ah rak tho u, nan thawh tikah i ngaihchih bu le hnekchom in si hlah seh, lunglawm tein a thomi kha Pathian nih a dawt hna.

2 KORIN 6:6

Kan ziaza a thiannak le biatak kan hngalhnak le lungsaunak le mi cung i zaangfahnak kan ngeihmi nih Pathian sal kan si kha an langhter. Cun Thiang Thlarau laksawng kan hmuhmi le dawtnak taktak kan ngeihmi le

1 PETER 1:22

Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.

EFESA 6:24

A thi kho lomi dawtnak in kan Bawipa Jesuh Khrih a dawmi nan dihlak cungah Pathian vel cu um ko seh.

EFESA 4:15

kannih cu dawtnak lungthin in biatak kha kan chim deuh awk a si i kan lu a simi Khrih leiah khan a lam kip in kan ṭhan awk a si.

2 KORIN 9:2

Bawmh nan duh hna ti kha ka hngalh ko i cucaah cun Masidonia ram mi hna sin zongah cun nanmah kong cu ka vaa porhlaw. “Grik ram i a ummi kan unau pawl cu nikum khan bawmh an i timhnak cu a si cang,” tiah ka ti hna. Nan lungṭhawhnak nih khan a tam deuh cu an lung a canghter ve hna.

2 KORIN 8:24

An cungah nan dawtnak kha rak langhter u law khrihfabu vialte nih cucu fiang tein an hngalh lai i nanmah kong i kan i porhlawtnak kha ahmaan tiah an hmuh lai.

2 KORIN 8:10

Hi rian kong ah hin ka ruahnak cu hi bantuk hin a si: Nikum i nan rak thawk cangmi kha atu cu nan lim ahcun a ṭha deuh ka ti. A ṭuannak lawngah si loin ṭuan thawk duhnak zongah khan lungthin a ngei hmasa bik cu nanmah kha nan rak si.

1 KORIN 7:25

Aa ṭhi-um rih lomi hna kongah hin, Bawipa sinin hmuhmi bia zei ka ngei lo nain Bawipa vel thawngin zumhawktlak a si vemi bantukin ka ruahnak ka chim lai:

1 KORIN 7:12

Cun a dang pawl caah khan Bawipa nih si loin keimah nih hitihin ka ti: Khrihfa mipa pakhatkhat nih zumtu a si lomi nupi a ngeih i a nupi nih um ṭi kha a lung a si ko ahcun, ma hlah seh.

ROM 12:9

Kan i dawtnak hi lungthin taktak in si awk a si. Thil ṭhalo kha hua hna u law thil ṭha kha i tlaih peng hna u.

EZEKIEL 33:31

Cucaah ka mi hna cu, mi nih an tuah tawn cio bantukin, an ra hungmang lai i na hmaiah an ṭhu lai. Chimh awk na ngeihmi hna bia cu an theih lai, sihmanhsehlaw an tuah lai lo. ‘Bia ṭha an si,’ an ti lai, sihmanhsehlaw an lung cu mah pumpak miaknak cio lawngah khan fek tein an bunh cang.

JOSHUA 24:14

“Cucaah atu cu Bawipa kha ṭih u law, amah rian kha lungtak te le zumhawktlak tein ṭuan tuah u; Tiva khattelei ral le Izipt ram ah nan pupa hna nih an biakmi pathian hna kha hlaw hna u law, Bawipa kha bia tuah u.