2 KORIN 3:7 - Lai (Hakha) Common Language Bible 2006

⁷ Nawlbia cu lungtlap cungah khan cafang in ṭial a rak si i cu nawlbia cu annih kha pek a si lioah khan Pathian sunparnak cu a lang. Moses hmai i a rak ummi ceunak cu a lang. Moses hmai i a rak ummi ceunak cu a ziam zau ko nain cu ceunak cu a rak ṭhawn tuk caah khan Israel mi nih Moses kha dengteo in an rak zoh ngam lo. Thihnak tluntertu a simi Nawlbia hmanh, cu bantuk sunparnak he a rat a si ahcun,

Laibaibal Thiang (BSI)

⁷ Thihnâk rianṭuannâk, lung cung i ker le ṭialmi hmanh a sunlawi i alo zau dingmi Moses mui sunparnâk a langmi ruangah Israel mi hna nih an zoh ngam lo a si ahcun,

2 KORIN 3:7 Խաչաձեւ Հղումներ

1 KORIN 13:10

a cheuchum lawnglawng a simi cu a tlingmi a phak tikah cun an loh phung a si ko.

ROM 10:4

Zeicahtiah Khrih nih Nawlbia cu a donghnak a phakter cang i cucaah a zummi paoh nih cun Pathian he remnak kha an hmuh.

EXODUS 31:18

Sinai Tlang cungah Bawipa nih Moses cu bia a chimh dih tikah, biakamnak lungtlap pahnih, Pathian hrimhrim nih a kutdong in a nawlbia a ṭialnak lungtlap kha Moses cu a pek.

2 KORIN 3:6

biakam thar rian a kan ṭuanter khotu cu, cu Pathian cu a si. Cu biakam thar chung i a ummi cu ṭialmi nawlbia kha si loin Thlarau tu a si. Ṭialmi nawlbia nih cun thihnak kha a chuahpi, sihmanhsehlaw Thlarau nih cun nunnak kha a chuahpi.

2 KORIN 3:3

Hi ca a ṭialtu cu Khrih kha a si i kannih hi a phortu ah a kan hmanmi kan si. Cu ca cu lung cungah cahang in ṭial si loin minung lungthin cungah a nungmi Pathian Thlarau nih a ṭialmi a si.

EXODUS 24:12

Bawipa nih Moses cu a thawh i, “Ka sinah tlang cungah hung kai law hung um. Ka mi hna cawnpiaknak caah ka timi ka nawlbia le ka phunglam ka ṭialnak lungtlap hna kha kan pek lai,” a ti.

ROM 4:15

Nawlbia nih cun Pathian thinhunnak lawng kha a chuahpi ko; nawlbia a um lonak hmun ah cun nawlbia buar zong a um ve lo.

SALM 119:97

Zeitluk in dah na phunglam cu ka duh, chun nitlak cu lawng cu ka ruat ko.

ROM 7:10

Cun nunnak chuahpitu ding i ruahmi nawlbia cu ka caah thihnak chuahpitu lehlam a si.

LAMKALTU 6:15

Khawngsil chung i a ṭhumi vialte hna nih khan Steven cu dengteo in an zoh i a hmai cu vancungmi hmai bantuk a si kha an hmuh.

SALM 119:174

Zeitluk in dah na khamhnak hmuh cu ka duh, Maw Bawipa! Na phunglam zulh hi kaa lawmhnak a si.

DEUTERONOMI 9:15

Cucaah kaa mer i tlang in ka rung ṭum i tlang cu mei in a kang; cun biakamnak lungtlap pahnih hna cu ka kut pahnih chungah an um.

ROM 7:22

Ka chunglei mi cu Pathian phung ah khan aa lawm;

DEUTERONOMI 4:13

Cun tuah awkah nawl an pekmi hna a biakamnak kha nannih sinah a thanh, mah cucu nawlbia pahra kha an si; lung tlap hnih cungah a ṭial hna.

EXODUS 34:1

Bawipa nih Moses cu a thawh i, “Lungtlap pahnih, hmasa i bantuk, na khuaimi bantuk kha ser ṭhan hna. An cungah cun hmasa lungtlap cung i a ummi bia kha ka ṭial ṭhan hna lai.

EXODUS 32:19

Moses cu riahhmun pawng kha a phak i cawfa le minung a lam len komi a hmuh hna tikah a thin a hung ngaingai. Aa putmi lungtlap kha a hlonh hna i tlang hram ah khan a den hna.

GENESIS 3:21

Cun Bawipa Pathian nih Adam le a nupi cu saphaw hnipuan a serpiak hna i a aihter hna.

HEBRU 9:4

Cu chungah cun rimhmui khanghnak sui biakṭheng le sui hutmi kuang, biakamnak an chiahnak kuang kha an um. Cu kuang cungah cun manna an chiahnak sui um, Aaron ṭhiangṭhunh a corhmi le nawlbia an ṭialnak lungtlap pahnih kha an chiah hna.

NEHEMIAH 9:13

Sinai Tlang cungah khan na rung ṭum i vancung khin annih cu na run chawnh hna i phunglam dikdik le phungbia taktak le phung ṭhaṭha le nawlbia ṭhaṭha kha na pek hna i

DEUTERONOMI 4:8

Nihin ah nan hmai i ka chiahmi phungbia vialte, hi tlukin a ding hringhranmi hna bantuk, nawlbia le phunglam hna a ngeimi miphun ngan ahodah a um ve?

DEUTERONOMI 5:22

“Mah bia hna hi Bawipa nih nan bu ning in tlang ah khan mei chung le a chahmi khuadawm chungin aw fakpi in an chimh hna i a chap ti lo. Lung tlap pahnih cungah a ṭial hna i keimah kha a ka pek hna.

ROM 5:20

Nawlbia cu a rung um i palhnak kha a karh chinchin, sihmanhsehlaw sualnak a karhnak hmun ah khan Pathian vel cu a karh chinchin ve.

ROM 7:5

Kan minung sining in kan rak nun lioah khan Nawlbia nih a cawlcanghtermi kan pumsa duhnak hna kha kan pum chungah hin rian an rak ṭuan i an theitlai cu thihnak a si.

2 KORIN 3:8

Thlarau rianṭuannak a sunparnak cu zeitluk in dah a ngan chinchin.

GALATI 3:10

Nawlbia zulh aa bochanmi cu chiatserhnak tangah an um. Zeicahtiah Cathiang nih, “Nawlbia cauk chungah aa ṭialmi a dihlak in a zul zungzal lomi cu Pathian nih chiat a serh hna,” a ti.

GALATI 3:21

A si ahcun Nawlbia cu Pathian biakam he an i ralchanh kun maw? Ralchanh hlah. Zeicahtiah minung hi nunnak a pe khotu nawlbia pek rak si seh law, minung nih hin nawlbia thawngin Pathian he remnak kha hmuh khawh a si hnga.

HEBRU 3:3

Inn satu nih inn nakin upatnak a hmuh deuh bantukin Jesuh zong cu Moses nakin sunparnak hmuh awkah tam piin aa tlak deuh.

HEBRU 12:18

Nannih nih nan phakmi tlang cu Israel mi nih an phakmi tlang, tawngh khawhmi tlang Sinai Tlang kha a si lo; kha tlang ah khan cun a alh hluahmahmi mei le minmei nak pipi le muihnak le ṭotho le