2 KORIN 3:1 - Lai (Hakha) Common Language Bible 2006

¹ Hiti kan ti tikah hin mah thangṭhat kan lo hoi hnga maw? Midang bantukin kannih zong nanmah ṭialpiakmi siseh, nanmah sin kuatmi siseh, thangṭhatnak ca i ken kan herh ve dahra?

Laibaibal Thiang (BSI)

¹ Mahle mah thangṭhat kan thawk ṭhan hawi maw? Asiloah cheu khat bantukin thangṭhatnâk câ ṭialpiak hna kan herh ve hnga maw?

2 KORIN 3:1 Խաչաձեւ Հղումներ

2 KORIN 12:11

Mihrut rianṭuan in rian ka ṭuan ai — nanmah nih cun pei nan ka hruhter ai cu. Nanmah hi a ka thangṭhattu ding nan si nain a ka hruhtertu nan si. Zeihmanh ka si lo nain “lamkaltu” ṭha khun, nan timi hna kha ka tluk lonak hna zeihmanh a um lo.

2 KORIN 10:12

Cu tluk sang i aa chiami hna he cun kan i tahchunh ngam in kan i rel chih ngam taktak lai lo! An va hrut thiam dah. Anmah tahnak dingah khan anmah lila nih pei tahnak tlangrel cu an i ser ko cu.

2 KORIN 5:12

Kanmah le kanmah kha nanmah sin i i thangṭhat kan i zuam ṭhan a si lo, nanmah tu nih kan thangṭhat u tiah caan ṭha kan in pek hna a si. Cuticun lenglei thil lawng a duh i lungchung thil a ruat set ṭung lomi pawl kha an bia nan leh khawh hna lai.

LAMKALTU 18:27

Apollo nih cun Grik ram kal kha aa tim, cucaah Efesa khua chung i a ummi a zummi hna nih khan Grik ram i a ummi an unau hna cu ca an kuat hna i amah cu rak conglawmh u tiah an forh hna. Khika ah a phak tikah Pathian velngeihnak thawngin zumtu a simi hna caah khan bawmtu ngaingai a si.

1 KORIN 16:3

ka rat tikah nanmah hnatlami kha Jerusalem khua i nan laksawng cu hei phorh awkah ca he ka thlah hna lai.

2 KORIN 12:19

Kan hmaiah anmah le anmah humhak an i zuam tiah ruah zong nan kan ruah sual ko lai. Cucu a si lo. Khrih nih chim hna seh ti a kan duhning in Pathian hmaiah kan chim i ka dawtmi ka hawile hna, kan tuahmi thil vialte hi nanmah bawmhnak caah si seh ti kan duh.

2 KORIN 10:8

Bawipa nih a ka pekmi nawlngeihnak cu a hlei deuh in ka hman a si zong hmanh ah ka ning a zak lo, cu nawlngeihnak ka hmuhmi cu nanmah ṭhehnak nawlngeihnak si loin nanmah saknak nawlngeihnak tu a si.

2 KORIN 2:17

Kannih cu Pathian bia kha, thil man fawi bantuk men in a tawngthammi hna bantuk kan si lo; kannih cu Pathian nih khan a kan thlah caah, amah hmaiah Khrih sal bantukin lungthin tak tein bia kan chim.

1 KORIN 10:33

Ka tuahningte khan tuah ve u; ka tuahmi thil paohpaoh ah hin midang lawmhtertu si kha kaa zuam tawn; keimah ca ṭhatnak ding kha ruat loin mi vialte ṭhatnak ding tu kha ka ruat deuh; cu ti ka ruah cu khamhnak an hmuh khawh nakhnga caah a si.

1 KORIN 4:15

Zeicahtiah Khrih chung i nan nunning ah hin zohkhenhtu cu thong hra hmanh ngei hna u law pa cu pakhat lawnglawng nan ngei. Thawngṭha nan sin i ka ratpi thawngin Khrih Jesuh chung i nan nunnak ah hin keimah hi nan pa cu ka si ko.

1 KORIN 3:10

Pathian nih pahrang a ka pekmi kha ka hman i inn sak a thiam ngaingaimi bantukin inn saknak ding a hram kha ka bunh, cun a dang pakhat nih a cungah khan a run sak. Sihmanhsehlaw zeitindah kan sak ti kha ahohmanh kan i ralrin awk cio a si,

ROM 16:1

Kenkhria khua Khrihfabu chung i rian a ṭuanmi kan far Fibi hi nan sinah theihhngalhter ka duh.

2 KORIN 10:18

Zeicahtiah mi cu amah le amah kha ka ṭha tiin aa ruah tikah hin Pathian nih a cohlan a si lo i Bawipa nih a ṭha ti in a ruah lawngah hin a cohlan a si.