2 KORIN 11:13 - Lai (Hakha) Common Language Bible 2006

¹³ Cu hna cu lamkaltu taktak an si lo — annih cu a deu an si, an rian ṭuannak kongah khan lih an chim i Khrih lamkaltu taktak an i lawhter.

Laibaibal Thiang (BSI)

¹³ Zeitintiah cubantuk hna cu lamkaltu deu, mihlenhmang, lamkaltu bangin â umtermi an si.

2 KORIN 11:13 Խաչաձեւ Հղումներ

BIAPHUAN 2:2

Na tuahmi kha ka hngalh ko; zeitluk in dah naa zuam le zeitluk in dah lungsau in na um kha ka hngalh. Mi ṭhalo na in khawh hna lo kha ka hngalh i lamkaltu an si na loin lamkaltu kan si aa timi hna na hneksak hna le milip an si na hliah khawh kha ka hngalh.

FILIPI 3:2

Thil ṭhalo a tuahmi hna kha i ralring hna u, nan cuarpar nan i tan awk a si a ti pengmi uico hna kha i ralring hna u.

GALATI 1:7

A ngaingai ti ahcun, “thawngṭha dang,” timi hi a um lo, asinain hitin ka chimnak cu, nan lung an tuaitamtu hna le Khrih thawngṭha kha thlen aa zuammi an um caah a si.

1JOHAN 4:1

Ka fale hna, Thlarau kan ngei, aa timi paoh khan va zum hna hlah u. An ngeihmi Thlarau cu Pathian sinin a rami a si maw si lo ti kha va hlathlai hmasa u. Zeicahtiah profet deu kha vawlei cung a kenkip ah an kal cang.

GALATI 2:4

a cheu nan unau ka si ve aa titermi hna, kan bu chung i aa fon vemi hna bel nih i tan seh ti an duh. Hi hna hi kan bu chungah a thli in a rung lutmi an si i annih nih dothlat an duhmi cu Khrih Jesuh he kan i pehtlaihnak thawngin kan hmuhmi luatnak kong kha a si. Kannih cu sal i ser kha an kan duh.

LAMKALTU 20:30

Cun nanmah bu chung lila zong hin mi a cheu nih a zummi hna kha anmah lei i hruai awkah lih an chim lai caan kha a phan lai.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

KOLOSE 2:8

Khrih chungin si loin, van le vawlei uktu thlarau hna sinin le minung nih pakhat le pakhat an i cawnpiak chin lengmangmi chungin a chuakmi minung fimnak, santlaihnak zeihmanh a ngei lomi fimnak, hlennak menmen a simi cu hmang in, ahohmanh nih sal ah in ser hna hlah seh.

KOLOSE 2:4

Cucaah hihi kan chimh hna: ahmaan lomi bia in ahohmanh i hlenter hna hlah u, an bia cu zeitluk hmanh in a ṭhami lo ko hmanh seh law i hlenter hna hlah u;

EFESA 4:14

Midang a palhter tawntu hlenthiammi hna cawnpiaknak tilet le thlichia bantuk a simi nih a kenkip ah a choihmi ngakchia bantuk hna si ti loin,

2 KORIN 11:15

Cucaah a sal hna nih ṭhatnak sal bantuk an i siter cu thil fawilangte a si ko. A donghnak ah cun an tuahmi thil ruangah khan hmuh awk an i tlakmite kha an hmuh ko lai.

BIAPHUAN 2:20

Sihmanhsehlaw na cung i ka lungtlin lonak cu hihi a si. Pathian lamkaltu ka si, aa timi Jezebel kha na dawn lo. Amah nih cun ka salle kha a cawnpiak hna i a ping ah a hruai hna i nu le pa sualnak kha an tuah i siasal pekchanhmi rawl kha an ei.

BIAPHUAN 2:9

Na harnak kha ka hngalh ko hna; sifak na si kha ka hngalh — sihmanhsehlaw a ngaingai ti ahcun a rummi na si. Judah mi a si lo nain Judah mi ka si aa timi hna nih an in thangchiatnak kha ka hngalh; annih cu Satan ta a simi bu an si!

JUDAS 1:4

Zeicahtiah kan lakah hin Pathian zei i a rel lomi kha kan hngalh loin an lut i anmah ziaza ṭhalo thuhphenhnak caah khan Pathian vel kong kha ahmaan loning in an chim i kan Uktu le kan Bawipa a simi Jesuh Khrih kha an hlawt. Hi bantuk mi hna cu sualphawt an si lai ti kha Cathiang nih hlanpi in a rak chimchung cang.

1JOHAN 2:18

Ka dawtmi ka fale hna, caan donghnak cu atu hi a si. Khrih Ral kha a ra lio, tiah nan theih i atu ah hin Khrih ral tampi an hung chuak cang; cucaah cun caan donghnak cu atu hi a si cang ti kha kan hngalh.

GALATI 6:12

Lenglei thil aa porhlawmi le aa uangthlarmi hna hi nanmah cuarpar tan hnek aan duhmi hna kha an si. Cu an duh cu Khrih vailamtahnak kongah hremnak an innak hnga lo ca men ah a si.

2 KORIN 4:2

Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaṭha thleidannak ningin kan chiat le kan ṭhat cu ruat ko u, kan ti hna.

LAMKALTU 15:24

Kannih kan bu chungin mi a cheukhat nih nan sinah an ra i an chimmi nih nan lung an tuai hna i hna an hnawh hna ti kha kan theih; sihmanhsehlaw hi hna hi, hi bantukin va tuah u, tiah kannih nih kan ti hna lo.

GALATI 4:17

Midang hi nan caah an ṭang ngai ko, asinain an i tinhmi cu a ṭha lo; keimah le nanmah kha ṭhen i nanmah kha anmah lei lawng i ṭanter kha an duh.

2 KORIN 2:17

Kannih cu Pathian bia kha, thil man fawi bantuk men in a tawngthammi hna bantuk kan si lo; kannih cu Pathian nih khan a kan thlah caah, amah hmaiah Khrih sal bantukin lungthin tak tein bia kan chim.

ROM 16:18

Zeicahtiah cu bantuk rian a ṭuanmi cu kan Bawipa Khrih rian an ṭuan kha a si lo i anmah duhnak tu an tuah kha a si deuh. An hmurka ṭha le an mi hloi thiamnak in lungmawng zaran vialte kha an hlen hna.

LAMKALTU 15:1

Judea ram in mi cheukhat kha Antiok khua ah khan an ra i, “Moses Nawlbia nih a kan cawnpiak bangin, nan cuarpar nan i tan lo ahcun khamhnak nan hmu kho lai lo,” tiah unau pawl kha an cawnpiak hna.

MATTHAI 25:24

Cun tangka thong khat a hmumipa kha a ra lut i, ‘Bawipa, nang cu mikhepkha na si kha ka hngalh. Na cin lonak hmun ah khan theitlai na lawh tawn i na tuh lonak hmun ah khan tirawl na ṭuan tawn.

JEREMIAH 23:16

Ralkapbu Bawipa nih hi bangin a ti: Profet nih an chimmi bia kha ngai hlah u, Ruahchannak pakpalawng in nan lung an thawhtertu hna kha an bia ngai hna hlah u; Annih nih an chimmi langhnak kan hmuh an timi cu anmah lung chungin thil an suaimi chungin a chuakmi a si, Bawipa kaa chungin a chuakmi a si lo.

JEREMIAH 27:14

Babilon siangpahrang kut tang um cu duh hlah, tiin an titu profet hna cu an bia ngai hna hlah, zeicahtiah an in chimhmi cu lih a si.

FILIPI 3:18

Hihi hlanah voi tampi kan chimh cang hna i atu ah mitthli he ka nolh rih, mi tampi cu an nuncan nih Khrih vailamtahnak ral ah a canter hna.