2 KORIN 10:12 - Lai (Hakha) Common Language Bible 2006

¹² Cu tluk sang i aa chiami hna he cun kan i tahchunh ngam in kan i rel chih ngam taktak lai lo! An va hrut thiam dah. Anmah tahnak dingah khan anmah lila nih pei tahnak tlangrel cu an i ser ko cu.

Laibaibal Thiang (BSI)

¹² Zeitintiah mah le mah â thangṭhatmi hna sinah cun kâ telhchih ngam lo, anmah he kan i tahchunh ngam fawn lo. Annih cu anmah le anmah an i tahchunhtawn, an hrut ngai.

2 KORIN 10:12 Խաչաձեւ Հղումներ

PHUNGTHLÛKBIA 27:2

Nangmah kaa nih si loin midang tu nih in thangṭhat deuh hna seh, nangmah hmur nih si loin khual tu nih in thangṭhat deuh hna seh.

PHUNGTHLÛKBIA 26:12

Amah aa hmuhnak ah ka fim aa timi nakcun, mihrut caah ruahchannak a um deuh.

LUKA 18:11

Farasi pa cu a dir i hi bantukin thla a cam: ‘Maw Pathian, kei cu midang bantukin hak a kaumi, lih a chimmi, nu le pa sualnak a tuahmi, ka si lo caah nangmah cu kan lawmh; cun khi ngunkhuai khawltupa bantuk zong khi ka si lo caah kan lawmh fawn.

2 KORIN 10:18

Zeicahtiah mi cu amah le amah kha ka ṭha tiin aa ruah tikah hin Pathian nih a cohlan a si lo i Bawipa nih a ṭha ti in a ruah lawngah hin a cohlan a si.

ROM 15:18

Pathian nawl ngaihnak i Jentail mi hna cu kalpi awkah, bia in siseh, tuahnak in siseh, hmelchunhnak le khuaruahhar ṭhawnnak in siseh,

2 KORIN 3:1

Hiti kan ti tikah hin mah thangṭhat kan lo hoi hnga maw? Midang bantukin kannih zong nanmah ṭialpiakmi siseh, nanmah sin kuatmi siseh, thangṭhatnak ca i ken kan herh ve dahra?

PHUNGTHLÛKBIA 25:27

Khuaihliti tam tuk ei cu a ṭha lo, cu bantukin mi sinin thangṭhatnak tam tuk hmuh i timh cu thilrit a si.

2 KORIN 5:12

Kanmah le kanmah kha nanmah sin i i thangṭhat kan i zuam ṭhan a si lo, nanmah tu nih kan thangṭhat u tiah caan ṭha kan in pek hna a si. Cuticun lenglei thil lawng a duh i lungchung thil a ruat set ṭung lomi pawl kha an bia nan leh khawh hna lai.

JOB 12:2

“Biangai tein, nanmah hi pei mifim cu nan rak si hi, Fimnak tling cu nanmah nih pei nan rak ngeih hi!

2 KORIN 10:11

Cu bantukin a timi hna nih cun, a langhlat in ka ṭialmi ca le nan sin ka um tik i ka tuah ding hi zeihmanh dannak an ngei lai lo ti hi nan rak hngalh awk a si.