2 CHANRELNAK 9:29 - Lai (Hakha) Common Language Bible 2006

²⁹ Cun Solomon tuahsernak a tang rihmi cu, a hramthawk in a donghnak tiang, profet Nathan ṭialmi tuanbia chungah le Shilon mi Ahijah nih a chimmi bia ṭialnak cauk chungah le Nebat fapa Jeroboam kong i hmutu Iddo nih langhnak a hmuhmi ṭialnak cauk chungah khan an i ṭial lo mei?

2 CHANRELNAK 9:29 Խաչաձեւ Հղումներ

1 CHANRELNAK 29:29

Cun Siangpahrang David tuahsermi hna cu, a hmasa bik in a hmanung bik tiang, hmutu Samuel Chanrelnak ah le profet Nathan Chanrelnak ah le hmutu Gad Chanrelnak ah an i ṭial,

1 SIANGPAHRANG 11:29

Cun khi caan ah khan Jeroboam cu Jerusalem in a chuah tikah, profet Ahijah, Shilon mi nih khan lampi ah a hmuh. Ahijah cu puan thar aa aih i an pahnih cun ramlak sawhsawh ah anmah lawngin an um.

2 CHANRELNAK 13:22

Abijah tuahsernak a tang rihmi, a umtu ningcang hna le a chimmi hna cu profet Iddo ṭialmi tuanbia cauk chungah an i ṭial.

2 CHANRELNAK 12:15

Rehoboam tuahsernak hna cu a hramthawk in a donghnak tiang, profet Shemaiah le hmutu Iddo chan relnak cauk ah khan an i ṭial lo mei? Rehoboam le Jeroboam karlak ah khan ral a um thluangthluan ko.

2 SAMUEL 12:1

Cun Bawipa nih Nathan kha David sinah a hei thlah. Amah sinah cun a ra i, “Khua pakhat ah hin mi pahnih an um i pakhat cu a rummi a si i pakhat cu sifakmi a si.

1 SIANGPAHRANG 14:2

Cun Jeroboam nih a nupi kha a thawh i, “Tho law, Jeroboam nupi na si kha hngalh lo dingin i hleng law, Shiloh ah va kal tuah; zohhmanh, khika ah profet Ahijah kha a um, amah cu keimah kha, hi mi hna cungah siangpahrang na si lai, a ka titu kha a si.

1 SIANGPAHRANG 1:8

Sihmanhsehlaw tlangbawi Zadok le Jehoi-ada fapa Benaiah le profet Nathan le Shimei le Rei le David miṭhawng hna nih khan cun Adonijah kha an ṭanpi lo.

2 SAMUEL 12:25

profet Nathan sinin bia a cah; cucaah Bawipa ruangah cun a min ah Jedidiah sak a si.

1 SIANGPAHRANG 11:26

Zeredah khuami Efraim mi Nebat i a fapa Jeroboam, Solomon sinum a simi, a nu nuhmei a si i a min ah Zeruah a simi zong nih khan, siangpahrang cu a kut a lekhnawh.

2 CHANRELNAK 10:2

Cun Nebat fapa Jeroboam nih a theih tikah (amah cu Solomon Siangpahrang sinin a zamnak khan Izipt ram ah a um ko) Jeroboam cu Izipt ram cun a hung kir.