2 CHANRELNAK 9:26 - Lai (Hakha) Common Language Bible 2006

²⁶ Cun Zufrates tiva in Filistin mi hna ram tiang, cun Izipt ramri tiang, cuka i a ummi siangpahrang vialte kha a uk hna.

2 CHANRELNAK 9:26 Խաչաձեւ Հղումներ

1 SIANGPAHRANG 4:21

Solomon nih Zufrates in Filistin mi hna ram le Izipt ramri tiang ram vialte cu a uk dih hna; a nun chung vialte Solomon sinah cun ngunkhuai an thawh i a rian an ṭuan.

GENESIS 15:18

Cu ni ah cun Bawipa nih Abram cu bia a kam i, “Hi ram hi a dihlak in na tefa kha ka pek hna lai tiah bia kaa kam, Izipt ram ri i a ummi tiva in tiva ngan Zufrates tiang a si lai;

1 SIANGPAHRANG 4:24

Zeitintiah amah nih Zufrates tiva in nitlaklei ram vialte Tifsah in Gaza tiang, Zufrates tiva nitlaklei siangpahrang vialte kha a uk hna i a velchum dihlak in daihnak a um.

EXODUS 23:31

Nan ramri cu Rili Sen in Mediterranean Rili tiang, thetse ram in Zufrates Tiva tiang a si lai. Ram chung i a ummi hna tei khawhnak ṭhawnnak kan pek hna lai i annih cu nan dawi dih hna lai.

BIAPHUAN 19:16

A puan le a ke ah, “siangpahrang vialte Siangpahrang le bawi vialte Bawi,” tiin aa ṭial.

DANIEL 7:14

Bawinak le sunparnak le siangpahrang ṭhawnnak kha amah cu pek an si i cucaah miphun zakip le holh phun zakip nih a rian kha an ṭuan. Bawi a sinak cu zungzal in a hmunmi bawi sinak, zeitikhmanh ah a dong lo ding a si i siangpahrang ṭhawnnak a ngeihmi cu zeitikhmanh i hrawh khawh lomi ṭhawnnak a si.

1 SIANGPAHRANG 5:1

Tair siangpahrang Hiram nih Solomon cu a pa hmun ah siangpahrang ah an ser cang ti kha a theih tikah, a sinah sinum kha a hei thlah hna; zeitintiah Hiram nih David cu a rak dawt zungzal.