2 CHANRELNAK 9:24 - Lai (Hakha) Common Language Bible 2006

²⁴ Cun kumfate in, cu zat in tiin, an laksawng ngun in sermi thilri hna le sui in sermi thilri hna le, puan hna le mura le zihmui le rangtum hna le laa hna kha an rak put cio hna.

2 CHANRELNAK 9:24 Խաչաձեւ Հղումներ

SALM 72:10

Spain ram siangpahrang le tikulh ram siangpahrang hna nih khan laksawng an rak put lai; Arabia ram siangpahrang le Ethiopia ram siangpahrang hna nih khan laksawng an ra ṭhenh lai.

JOB 42:11

Cun a sinah cun a unau vialte le a farle vialte le hlanlio i amah theihhngalh a rak simi vialte kha an ra i a inn ah cun amah he khan rawl an ei ṭi; cun a cung i Bawipa nih ṭhat lonak a tluntermi vialte ruangah khan annih nih amah cu an hramh i an hnemh; cun tuu pakhat le sui kutdonghrolh pakhat cio an pek.

2 CHANRELNAK 9:9

Cun siangpahrang cu sui talen za khat le kul le zihmui tampi le lungvar man sung hna kha a pek: Siangpahrangnu Sheba nih Siangpahrang Solomon a pekmi zihmui bantuk cu a dang a um ti lo.

1 SIANGPAHRANG 10:25

Cun an dihlak khan kum khat ah cu zat cio ah tiin amah cu laksawng, ngun umkheng hna le sui umkheng hna, hnipuan le zihmui le rangtum hna le laa hna kha an rak phorh lengmang.

1 SIANGPAHRANG 10:10

Cun siangpahrang cu sui talen za khat le kul le zihmui tampi le lungvar man sung hna kha a pek; Sheba siangpahrangnu nih Siangpahrang Solomon a pekmi tluk tam hin zihmui a lut ṭhan bal ti lo.

1 SIANGPAHRANG 9:14

Hiram nih khan siangpahrang cu sui talen za khat le kul a rak pek.

1 SAMUEL 10:27

Sihmanhsehlaw, mizeiruaramlo a cheu khat nih cun, “Mah pa nih hin zeitindah a kan khamh khawh lai?” tiah an ti. An nihsawh i laksawng zeihmanh an put lo. Sihmanhsehlaw dai tein a um ko.

2 CHANRELNAK 9:23

Cun Pathian nih a lung chung i a chiahmi fimnak theih awkah vawlei cung siangpahrang vialte hna nih cun Solomon cu an fuh.

BIACEIHTU 3:15

Sihmanhsehlaw Israel mi nih Bawipa kha an auh tikah annih cu Bawipa nih cun chuahtu pakhat a serpiak hna, Benjamin phun Gera fapa Ehud, kehtlak kha a si. Israel mi nih amah cu Moab siangpahrang Eglon sinah ngunkhuai an phorhter.

2 CHANRELNAK 17:11

Filistin mi a cheukhat nih Jehoshafat cu laksawng an rak pek i ngunkhuai caah ngun an rak pek; cun Arab mi hna zong nih tuukawng thong sarih za sarih le mehehtum thong sarih le za sarih an rak pek.

SALM 68:30

Izipt cu mawhchiat ko, phaikung lak i a tlongmi sahrang kha mawhchiat ko, miphun cu chimhring ko hna, an fale he a ummi cawtum hna kha; annih nih na hmaiah an kun i an ngun cu an in pek hlantiang annih cu chimhring ko hna. Ral thawh a duhmi kha ṭhek ko hna.