2 CHANRELNAK 8:15 - Lai (Hakha) Common Language Bible 2006

¹⁵ Siangpahrang nih tlangbawi hna le Levi mi hna, zei thil paoh kong le chawhlawn khonnak kong ah nawl a pekmi hna cu annih nih an pialtak lo.

2 CHANRELNAK 8:15 Խաչաձեւ Հղումներ

2 CHANRELNAK 30:12

Bawipa bia in siangpahrang le a bawi pawl nih an chimhmi hna tuah awk i lungthin khat ngeih awkah Pathian kut cu Judah cungah khan a um fawn.

1 CHANRELNAK 9:29

Cheu khat hna cu ṭhutdan cabuai zohkhenhtu le a thiangmi umkheng vialte zohkhenhtu le, changvut dip zong a zohkhenhtu le, mitsur hang, chiti, zihmui, le rimhmui zohkhenhtu ah khan an thiah hna.

1 SIANGPAHRANG 7:51

Cuticun Siangpahrang Solomon nih Bawipa inn ca i a ṭuanmi rian vialte cu a lim. Cun a pa David nih a rak pekchanhmi thil: ngun, sui le umkheng hna kha a luhpi hna i Bawipa inn rokuang chungah khan a ken hna.

2 CHANRELNAK 8:14

A pa David nih a rak chiahmi phunglam ning khan, tlangbawi hna cu an rian cio caah khan a bubu in a thiah hna i ni fate rian nih a hlam cio ning khan Levi mi hna cu tlangbawi hna hmai i thangṭhatnak rian le rianṭuannak an tuah awk a simi ah khan a thiah fawn hna, cun kutka cawngtu pawl zong kha kutka hna caah khan an bubu in a thiah hna; zeitintiah cuticun Pathian mi David nawl pekning cu a si.

2 CHANRELNAK 8:16

Bawipa inn a hram an dirh ri in an lim tiang, Solomon rian vialte cu, cuticun lim a si. Cucaah Bawipa inn cu an lim.