2 CHANRELNAK 7:17 - Lai (Hakha) Common Language Bible 2006

¹⁷ Cun nangmah kong ah cun, na pa David nih a rak kal bantuk khan ka hmaiah na kal i nawl kan pekmi vialte ningin na tuah i ka nawlbia hna le ka phunglam hna cu na zulh hna ahcun,

2 CHANRELNAK 7:17 Խաչաձեւ Հղումներ

ZEKHARIAH 3:7

“Mah hihi ralkapbu Bawipa bia a si. Ka lam kha na zulh hna i ka rian kha na ṭuan hna ahcun, ka inn chungah khuakhang laireltu na si lai i ka biaceihnak inn hna cu na uk hna lai, cun hika i rian a ṭuantu hna lakah hin luhnak nawl le chuahnak nawl na ngei lai.

EZEKIEL 36:27

Ka thlarau cu nan chungah ka khumh lai i ka nawlbia he aa tlak in kan umter hna lai i ka phunglam zulh in nan nung lai.

1 SIANGPAHRANG 11:38

Cun nangmah nih nawl kan pekmi vialte kha na ngaih i ka lam kha na zulh hna i ka sal David nih a rak tuah bantukin ka nawlbia le ka phungbia zulhnak thawngin ka mit na tlin ahcun, na sinah ka um lai i David ca i ka sak bantuk khan, a fekmi innchungkhar kan sakpiak lai i Israel cu nangmah kan pek lai.

DEUTERONOMI 4:40

Cucaah nihin ah kan pekmi hna a nawlbia le a phungbia hna cu ul tuah hna u, nanmah le nan hnu i nan tefa hna caah aa remrel i Bawipa nih zungzal ca in an pekmi hna ram ah hin nan chan cu nan sauter nakhnga,” tiah a ti.

JOHAN 15:10

Ka Pa nawlbia kha ka ngaih i a dawtnak chungah ka um bantukte hin ka nawlbia nan ngaih ahcun kan dawt hnanak chungah hin nan um ve lai.

JOHAN 14:21

“Ka nawlbia kha a cohlang i a zulmi paoh cu keimah a ka dawmi an si. A ka dawmi cu ka Pa nih a dawt ve hna lai; kei zong nih ka dawt ve hna lai i an sinah kaa phuang lai,” tiah a ti.

SALM 105:45

zeicahdah cuticun a tuah ti ahcun, ka mi nih ka nawl kha ngai hna seh law ka phunglam kha zul hna seh ti a duh caah a si. Bawipa cu thangṭhat ko u!

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

1 SIANGPAHRANG 8:25

Cucaah maw Bawipa, Israel Pathian, na salpa David ka pa sin i, ‘Na fapale hna nih hin, nangmah nih ka hmaiah na rak kal bantuk khan ka hmai i kal awkah an lam kha an i ralrin ahcun, Israel mi bawi ṭhutdan cung i ka hmaiah a ṭhu dingmi na ṭhing lai lo,’ tiin bia na rak kammi kha tlinter ko.

1 SIANGPAHRANG 3:14

Cun ka nawlbia hna le ka phungbia hna kha zul in na pa David nih a zulh bangkhan ka lam kha na zulh hna ahcun, na nunnak ka sauter fawn lai,” tiah a ti.

1 SIANGPAHRANG 2:3

cun zei na tuahmi paoh ah le khuazeilei paoh i naa mernak ah na hlawhtlin nakhnga, Moses phungbia chungah aa ṭial bangin Bawipa na Pathian bia beuhmi kha na zulh hna lai i amah lam kha na zulh hna lai i a nawlbia hna le a phungbia hna le a phunglam hna le a hngalhternak bia hna kha na ulh hna lai;

2 CHANRELNAK 7:16

Ka min cu zungzal in hika ah a um nakhnga hi inn cu ka thim cang i ka thianter cang; ka mit le ka lung cu hika ah an um camcin lai.

2 CHANRELNAK 7:18

khi tikah na pa David sinah, ‘Israel mi uktu dingah mi na ṭhing lai lo,’ tiin bia ka rak kam bang khan na siangpahrang bawi ṭhutdan cu ka fehter lai.

SALM 119:5

Na kan pekmi phunglam cu zumhawktlak tein zul kho ning law zeitluk in dik ka va lunghmuih hnga!

2 CHANRELNAK 6:16

Cucaah maw Bawipa, Israel Pathian, na salpa David ka pa sin i, ‘Na fapale hna nih hin, nangmah nih ka hmaiah na rak kal bantuk khan ka nawlbia chung i kal hi an i ralrin ahcun, Israel mi bawi ṭhutdan cung i ka hmaiah a ṭhu dingmi na ṭhing lai lo,’ tiin bia na rak kammi kha tlinter ko.