2 CHANRELNAK 7:10 - Lai (Hakha) Common Language Bible 2006

¹⁰ Thla sarihnak thla, a ni kul le ni thumnak ni ah mi cu an inn ah an tlunter hna i Bawipa nih David le Solomon le a mi Israel mi hna cung i ṭhatnak a langhtermi ruangah lunglawm le thanuam in an tlung.

2 CHANRELNAK 7:10 Խաչաձեւ Հղումներ

1 SIANGPAHRANG 8:66

A ni riat ni ah cun mi cu a kalter hna; annih nih siangpahrang kha thluachuah an pek i Bawipa nih a sal David le a mi Israel mi cung i ṭhatnak a langhtermi ruangah lunglawm le thanuam in an inn cio ah an tlung.

FILIPI 4:4

Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh ṭhan rih ko lai.

LAMKALTU 16:34

Paul le Silas cu a inn ah a hun kalpi hna i rawl a pek hna. Amah nih Pathian kha a zumh caah amah le a innchungkhar cu lunglawmhnak in an khat.

LAMKALTU 2:46

Ni fate in a bute in biakinn chungah khan an i pum i an inn ah khan rawl an i hrawng cio hna i lunglawmhnak lungthin le toidornak lungthin he rawl cu an ei.

SALM 106:5

Na mi hna an ṭhancho cu ka hmuhter law na miphun an i lawmhnak ah cun ka telter ve, nangmah ta a simi hna an hmaihngalnak ah cun kei zong ka hmai ka hngalter ve.

SALM 105:3

Kannih cu amah mi kan si caah kan i lawm, Bawipa rian a ṭuanmi vialte i lawm u.

SALM 100:2

Bawipa cu lunglawm tein bia u law lunglawmhnak hla he a hmaiah cun ra chuak u.

SALM 92:4

Bawipa, thil lianngan na tuahmi nih ka lung an ka lawmhter, na tuahmi thil ruangah cun lawmhnak in hla ka sa.

SALM 32:11

Bawipa nih a tuahmi thil ruangah, miding vialte hna, i lawm u law thanuam in um tuah u. Amah a nawl a zulmi vialte hna, lunglawm in au tuah u!

NEHEMIAH 8:10

Cun annih cu a thawh hna i, “Va kal u law, rawl thawthaw kha va ei u law mitsur hang thlumthlum kha va ding u; cun zeihmanh aa ngeih kho ve lomi hna kha va hrawm ve hna u; zeicahtiah nihin hi kan Bawipa caah ni thiang a si. Bawipa ah nan i lawmhnak cu nan thazang a si caah nan ngaihchia hlah u,” tiah a ti.

2 CHANRELNAK 30:26

Israel siangpahrang David fapa Solomon chan hnu khan hi bantuk hi Jerusalem ah a um ti lo caah Jerusalem ah lunglawmhnak nganpi a um.

2 CHANRELNAK 29:36

Cun Pathian nih mi zapi ca i a tuahmi caah khan Hezekiah le mi vialte cu an i lawm; zeicahtiah cu thil cu duak tiah a hung ummi a si ko.

2 CHANRELNAK 6:41

“Maw Bawipa Pathian, tho law na umnak hmun ah cun kal tuah, Nangmah le na ṭhawnnak kuang zong. Maw Bawipa Pathian, na tlangbawi hna cu khamhnak in thuam hna law, Na mithiang hna cu na ṭhatnak in lawmhter hna.

DEUTERONOMI 16:14

nanmah le nan fapa le nan fanu le nan salpa le nan salnu le nan khua chung i a ummi Levi mi, mipem, pangeilo le nuhmei nih nan puai ah cun nan i lawm lai.

DEUTERONOMI 16:11

cun Bawipa nan Pathian nih a min umnak dingah a thim laimi hmun ah cun nanmah le nan fapa le nan fanu le nan salpa le nan salnu le nan khua chung i a ummi Levi mi le nan lak i khua a sami khual le pangeilo le nuhmei hna he cun Bawipa nan Pathian hmaiah nan i lawm lai.

DEUTERONOMI 12:18

sihmanhsehlaw Bawipa nan Pathian nih a thim laimi hmun ah, nanmah le nan fapa le nan fanu le nan salpa le nan salnu le nan khuachung i a ummi Levi mi nih Bawipa hmaiah nan ei hna lai. Cun zei thil nan tuahnak paoh ah Bawipa nan Pathian hmaiah nan i lawm lai.

DEUTERONOMI 12:12

Cun Bawipa nan Pathian hmaiah nan i lawm lai, nanmah le nan fapa hna le nan fanu hna, nan salpa hna le nan salnu hna le nannih lak i a ummi Levi mi he tiah, zeicahtiah anih cu nannih sinah covo siseh ro siseh a ngei lo.

DEUTERONOMI 12:7

cun khika ah Bawipa nan Pathian hmaiah nan ei lai i nan tuahmi kip i Bawipa nan Pathian nih thluachuah an pekmi hna ah cun nanmah le nan chungkhar hna he nan i lawm lai.

EXODUS 18:1

Midian ram tlangbawi Jethro, Moses pu nih khan, Moses le Israel mi hna caah Pathian nih a tuahmi vialte le Bawipa nih Izipt ram in a chuahpi hna ning kha a rak theih.

2 CHANRELNAK 7:9

Cun a ni riatnak ni ah a thiangmi pumhnak an tuah; zeitintiah annih nih biakṭheng pekchanhnak kha ni sarih chung an tuah i puai kha ni sarih chung an tuah.

2 CHANRELNAK 7:11

Cuticun Solomon nih Bawipa inn le siangpahrang inn cu a lim hna; Solomon nih Bawipa inn chungah siseh amah a inn chungah siseh, tuah a timhmi vialte kha tling tein a lim dih hna.

EZEKIEL 45:25

Thla sarih thla a ni hleinga ni i khual puai ni ah khan cu bantuk ṭhiamṭhiam cun a tuah lai; hi zong cu ni sarih chung a si ve lai i sual thawinak kha le khangh thawinak kha le rawl le chiti kha amah nih a thawh hna lai.