2 CHANRELNAK 6:37 - Lai (Hakha) Common Language Bible 2006

³⁷ sihmanhsehlaw sal ah an kalpi hnanak ram ah cun, an lung a hung pem i an i ngaihchih i sal ah an tannak ram ah cun na sinah, ‘Kan sual cang, ding lo pi le ṭhalo piin thil kan tuah cang,’ tiin nawlnak an tuah ahcun,

2 CHANRELNAK 6:37 Խաչաձեւ Հղումներ

SALM 106:6

Kan pupa hna an rak sual bantuk khan kannih zong kan sual ve, palhnak kha kan tuah ve i ṭhat lonak kha kan tuah ve.

NEHEMIAH 1:6

Israel mi hna nih nangmah cungah kan sual cang i cu sualnak cu phuang in na sal Israel mi hna caah chun zan in nangmah hmaiah thla ka cammi hi theih awkah na hna in ka ngaihpiak law, na mit in ka hmuhpiak ko sawh. Asi, keimah le ka pa innchungkhar hna cu kan sual cang.

2 CHANRELNAK 6:36

“Annih nih na cungah an sual ahcun — zeitintiah a sual lomi minung an um lo — cun an cungah na thin a hun i ral kut chungah annih cu na chanh hna i a naimi ram ah siseh, a hlami ram ah siseh, sal ah kalpi an si i

2 CHANRELNAK 6:38

sal ah an kalpi hna i sal i an tannak ram ah cun an ruahnak dihlak le an lungthin dihlak in an i ngaihchih i an pupa hna sinah na rak pekmi an ram le nangmah nih na thimmi khua le na min caah ka sakmi inn lei hoih in nangmah sinah thla an cam ahcun,

2 CHANRELNAK 7:14

ka min in kawhmi ka mi hna nih khan an lung an ṭhumh i thla an cam i ka hmai kha an kawl i an lam ṭhalo khan an i mer ahcun, van khin ka run theih lai i an sualnak cu ka ngaihthiam hna lai i an ram cu ka damter lai.

DANIEL 9:15

“Maw Bawipa kan Pathian, nangmah nih na mi hna Izipt ram in na chuahpi hnanak ah khan na ṭhawnnak cu na langhter i na ṭhawnnak cu atu tiangin hngalh camcin a si ko. Kannih cu kan sual cang, kannih cu kan palh cang.