2 CHANRELNAK 6:27 - Lai (Hakha) Common Language Bible 2006

²⁷ nangmah nih an kalnak hnga ding lam ṭha kha na cawnpiak hna tikah, van ah khin rak thei law, na mi Israel mi, na sal hna an sualnak kha rak ngaithiam ko hna; cun na mi hna sinah ro caah na pekmi na ram cungah cun ruah cu surter ko.

2 CHANRELNAK 6:27 Խաչաձեւ Հղումներ

ZEKHARIAH 10:1

Bawipa cu fur caan ah ruah hal u law ṭhal caan ah ruah hal tuah u, Ṭotho khuadawm a sertu Bawipa nih nannih cu ruah kha an pek hna lai i Nan lo cio ah ramhring kha an pek hna lai;

JEREMIAH 5:24

Annih nih an lungchung in, “Anmah caante cio ah fur ruah le ṭhal ruah kha a kan pe i Rawl ṭuannak caan pelh lo tein khuacaan a kan chiahpiaktu Bawipa kan Pathian kha ṭih u sih,” an ti lo.

SALM 94:12

Bawipa, nangmah nih na chimhhrinmi, na phunglam na cawnpiakmi hna cu lunglawmmi an si,

JOHAN 6:45

Profet nih pei, ‘Mi vialte kha Pathian nih a cawnpiak hna lai,’ tiah an ṭial kha. Ka Pa aw kha a thei i amah zia a cawngmi paoh cu ka sinah an ra.

MIKAH 4:2

“Ra u law Bawipa tlang ah cun kai hna u si, Jakob Pathian inn ah cun kal hna u si, Kannih cu a lam kha kan cawnpiak seh law A lam cu kannih nih zul u si,” an ti lai. Zeicahtiah cawnpiaknak cu Zion in a chuak i, Bawipa bia cu Jerusalem khua in a ra;

JOEL 2:23

“Nannih Zion mi hna, Bawipa nan Pathian cungah i lawm u law nan tha nuam tuah u, Amah nih fur ruah cu a za tawk tein an pek hna, Khuasik caan ruah kha a surter i ṭhal caan ruah kha hmasa bantukin a ratter.

EZEKIEL 34:26

Ka tlang pawngah khan ka umter hna lai i a caan te ah ruah, thluachuahnak ruah kha ka pek hna lai.

JEREMIAH 42:3

Bawipa na Pathian nih cun kan kalnak ding lam le kan tuah dingmi thil kha a kan hmuhsak nakhnga thlacam tuah,” tiah an ti.

JEREMIAH 14:22

Miphun dang pathian, pathian deu a simi hna lakah ruah surter kho an um maw? Asiloah, van hna nih khin ruahpi an surter kho maw? Nangmah cu kan in bochan nakhnga, Pathian na si lo maw, Maw Bawipa? Hi thil vialte hna a tuahtu hi nangmah lawnglawng na si.

JEREMIAH 6:16

Hi bangin Bawipa nih a ti, “Lam tonnak ah khan dir tuah u law hlanlio lam kha kawl hna u, ‘Ṭhatnak ah a phanmi lam cu khuazei ah dah a si? tiah hal hna u. Cu lam cu zul u law nan caah dinhnak nan hmuh lai,’ ti hna u. Sihmanhsehlaw annih nih an i thawh i, ‘Cu lam cu kan zul lai lo,’ an ti.

ISAIAH 30:21

Lam in kehlei orhlei ah nan pial sual ahcun, “Lam cu hika leiah hin a si. Lam kha zul u,” tiah nan hnulei in a aw kha nan theih lai.

SALM 119:33

Na phunglam an sullam kha ka cawnpiak hna law zeitikhmanh ah ka zulh zungzal hna lai.

SALM 68:9

Ruah tampi in na surter i a fe cangmi na ram kha na ṭhatter ṭhan.

SALM 25:12

Bawipa nawl a zulmi nih an zulh awk hnga lam kha an hngalh lai.

SALM 25:8

Bawipa cu a ding i a ṭha: misual mi kha an zulh awk a simi lam cu a cawnpiak hna.

2 CHANRELNAK 7:14

ka min in kawhmi ka mi hna nih khan an lung an ṭhumh i thla an cam i ka hmai kha an kawl i an lam ṭhalo khan an i mer ahcun, van khin ka run theih lai i an sualnak cu ka ngaihthiam hna lai i an ram cu ka damter lai.

JOEL 2:12

“Atu zong hmanh ah hin, nan lung tak tein i ngaihchih u law, rawl kha ul u law ṭap u law nan ṭang i cum tuah u.

JOEL 2:13

Nan puan si loin nan lung tu kha thlek tuah u,” tiah Bawipa nih a ti. Bawipa nan Pathian sinah cun ra kir ṭhan tuah u, Amah cu zaangfahnak le vel a ngeimi a si; Amah cu a thin a fual i a biakamnak kha a zulmi a si; Ka tlunter lai tiah a timi harnak kha leet i ngaihthiam awk tu ah aa tim zungzalmi a si.