2 CHANRELNAK 6:13 - Lai (Hakha) Common Language Bible 2006

¹³ Solomon nih dar in donhhlei pakhat, dong nga a sau, dong nga a kau i dong thum a sangmi kha tual ah khan a chiah i a cungah cun a dir. Cun Israel mi aa pummi vialte hna hmaiah cun a khuk aa bil i van leiah a kut a phar hna;

2 CHANRELNAK 6:13 Խաչաձեւ Հղումներ

1 SIANGPAHRANG 8:54

Solomon nih Bawipa sinah hi thlacamnak le nawlnak vialte a cam dih tikah, van leiah zaa chan in a khuk aa bilnak Bawipa biakṭheng hmai khan a tho i,

NEHEMIAH 8:4

Cu bantuk biachimnak ca i an sermi thing donhhlei ah cun cazi Ezra cu a dir i a pawngah cun a orhlei kamah Mattithiah, Shema, Anaiah, Uriah, Hilkiah le Maaseiah; cun a kehlei kamah Pedaiah, Mishael, Malkhijah, Hashum, Hashbaddanah, Zekhariah le Meshullam an dir.

SALM 95:6

Ra tuah u, kun u sih law bia u sih; a kan Sertu Bawipa hmaiah cun kan khuk i bil u sih!

EZRA 9:5

Cun zanlei raithawinak caan ah khan ka puan le ka angki tlek he cun rawl ka ulhnak khan ka hung tho i ka khuk kaa bil i Bawipa ka Pathian sinah cun ka kut ka samh hna i:

LAMKALTU 21:5

Sihmanhsehlaw anmah sin kan camnak caan cu a dongh tikah kan i thawh i kan kal ṭhan. An dihlak in, an nupile le an fale hna he khua leng tiang an kan thlah. Rilikam ah cun kan dihlak in kan khuk kan i bil i thla kan cam.

LAMKALTU 20:36

Paul nih bia a chim dih in an dihlak in an khuk an i bil i thla a cam.

LUKA 22:41

Cun an sin khan lungchep tluk a va kal i a khuk aa bil i thla a cam.

DANIEL 6:10

Daniel nih cu nawlbia cu chuah a si cang ti a theih tikah a inn ah a lawi. A inn khaan cung dot ah khan Jerusalem lei hoih in thlalangawng pathum an um. Khika ah khan a tuah tawn phung a si zungzal bantukin a khuk aa bil i ni khat ah voi thum lengmang thla a cam i a Pathian kha a thangṭhat.

2 CHANRELNAK 4:9

Tlangbawi hna tual le tual ngan le tual ca i innkhar kha a ser hna i an innkhar hna cu dar in a hut hna;

1 SIANGPAHRANG 7:12

Tual ngan cu remhmi lung chonh thum le sidar thing thluan thap khat in kulh a si, Bawipa inn chung i chungchin tual le cu inn innleng bantuk khan.

1 SIANGPAHRANG 6:36

Cun a chung deuh tual cu remhmi lung thap thum le sidar thingphel thap khat in a ser.

2 CHANRELNAK 6:12

Cun Solomon cu Bawipa biakṭheng hmaiah khan Israel mi a pummi vialte hna hmuh ah cun a dir i a kut kha a phar hna.

EXODUS 9:29

Cun Moses nih amah cu, “Khuapi chungin ka chuah cangka tein Bawipa sinah ka kut ka va hler lai. Vawlei hi Bawipa ta a si ti kha na hngalh naklai khuari cu a dai lai i rial cu a dih lai.

NEHEMIAH 1:4

Hi bia cu ka theih tikah ka ṭhu i ka ṭap i saupi ngaihchia in ka um i vancung Pathian hmaiah khan rawl ul lengmang le thlacam lengmang in ka um.