2 CHANRELNAK 35:3 - Lai (Hakha) Common Language Bible 2006

³ Israel mi vialte kha a cawnpiak hna i Bawipa sinah a thiangmi Levi mi kha a thawh hna i, “Israel siangpahrang David fapa Solomon nih a sakmi inn chungah khan kuang thiang kha chia u, nan liang in nan i zawnh a hau ti lai lo. Atu cu Bawipa nan Pathian le a mi Israel mi an rian kha ṭuan tuah u.

2 CHANRELNAK 35:3 Խաչաձեւ Հղումներ

1 CHANRELNAK 23:26

Cucaah Levi mi hna nih puan biakinn kha siseh, a chung rianṭuannak ca i thilthuam si hna seh, an phorh a herh ti lo,” a ti;

MALAKHI 2:7

Tlangbawi cu Ralkapbu Bawipa lamkaltu a si caah a bia kha mi nih an i tlaih i fimnak le cawnpiaknak kha amah sinin an kawl.

2 CHANRELNAK 30:22

Cun Bawipa rian ṭuannak i thiamnak ṭha a langhtertu Levi mi kha Hezekiah nih a forh chin hna. Cucaah cu puai rawl cu mi zapi nih khan ni sarih an ei i Bawipa an pupa hna Pathian sinah khan daihnak thawinak an pekchanh i lawmhnak kha an pek.

DEUTERONOMI 33:10

Jakob kha na phunglam, Israel kha na phungbia an cawnpiak lai; Nangmah hmaiah zihmui le Na biakṭheng cungah pum khangh thawinak an chiah lai.

2 KORIN 4:5

Kanmah kong kha kan chimmi a si lo, kan chimmi cu Jesuh Khrih kha Bawipa a si i kannih hi Jesuh ruangah nan sal kan si, ti hi a si.

2 CHANRELNAK 5:7

Cuticun tlangbawi hna nih khan Bawipa biakamnak kuang cu a umnak ding hmun, inn chung chungchin hmunthiang, a thiang bik hmun, cherubim hna thla toiah khan an luhpi.

2 CHANRELNAK 34:14

Bawipa inn chung i an rak putmi tangka kha an chuahpi lioah cun, Moses sinin pekmi Bawipa phungbia cauk cu tlangbawi Hilkiah nih a hmuh.

2 CHANRELNAK 8:11

Solomon nih Faro fanu cu David khua khan, amah ca i a sakmi inn ah a hunpi i, “Bawipa biakamnak kuang a phanhnak hmun cu hmunthiang an si caah ka nupi cu Israel mi siangpahrang David inn chungah khan a um hnga lo,” tiah a ti.

NAMBAR 8:19

Cun Israel mi hna lakin Levi mi hna cu tonnak thlam chung i Israel mi hna ca i rian ṭuan awkah le Israel mi hna ca i remnak ser awkah Aaron le a fapa hna sinah laksawng ah ka pek cang hna, zeicahtiah Israel mi nih hmunthiang pawng i an rat sual zongah Israel mi hna lakah rai a um nakhnga lo,” tiah a ti.

2 CHANRELNAK 17:7

A bawi kum thumnak ah a bawi Benhail, Obadiah, Zekhariah, Nethanel le Mikaiah kha Judah ram chung khua hna ah cawnpiaktu ah a thlah hna;

EXODUS 32:29

Moses nih Levi mi cu a thawh hna i, “Nihin ah hin Bawipa tlangbawi rian ṭuan awkah nan i thleidang cang; cu nan i thleidannak cu nan fale hna le nan unau hna nan thah hna thawng hin a si; cucaah nannih cu Bawipa nih nihin ah a thluachuahnak an pek hna,” a ti.