2 CHANRELNAK 34:9 - Lai (Hakha) Common Language Bible 2006

⁹ Tlangbawi bik Hilkiah sinah khan an ra i innka luhnak cawngtu Levi mi hna nih Manasseh le Efraim le Israel mi a tangmi vialte le Jerusalem khuami hna sinin an kholhmi phaisa Pathian inn chungah an rak putmi kha an pek.

2 CHANRELNAK 34:9 Խաչաձեւ Հղումներ

2 CHANRELNAK 35:8

Cun a bawi hna nih khan mi zapi ca le tlangbawi ca le Levi mi hna caah lungtho tein an thawh ve. Pathian inn chung i a bawi bik pawl Hilkiah, Zekhariah le Jehiel nih Lanhtak Puai i pekchanh awk caah tlangbawi cu tuufa le mehehfa thong hnih le za ruk le cawtum za thum an pek hna.

2 CHANRELNAK 30:18

Zeicahtiah mi tampi, Efraim mi, Manasseh mi, Issakhar mi le Zebulun mi tampi hna cu an i thianh lo i asinain a ningcang si lo khan lanhtak puai cu an ei ve ko. Zeitintiah Hezekiah nih annih cu thla a campiak hna i,

2 CHANRELNAK 30:10

Cucaah ca phortu hna cu khua khat hnu khua khat in Efraim le Manasseh ram ah cun, cun Zebulun ram tiangin an kal; sihmanhsehlaw an rak nihsawh hna i zeihmanh ah an rel hna lo.

FILIPI 4:8

A donghnak ah ka u le ka nau hna, nan lungthin kha a ṭha le thangṭhat awk a tlakmi thil in khahter hna u: a taktak a simi thil, a sunglawimi thil, a hmaanmi thil, aa dawhmi thil le upat awk a tlakmi thil in khahter hna u.

2 CHANRELNAK 34:22

Cucaah Hilkiah le siangpahrang nih a thlahmi hna kha profetnu Huldah sinah an ra i amah cu, cuticun an chimh; Huldah cu Shallum nupi a si, Shallum cu Tokhath fapa a si, Tokhath cu hnipuan chiahnak zohkhenhtu Hasrah fapa a si (Huldah cu Jerusalem ah Sang Pahnihnak ah khan a um).

2 CHANRELNAK 34:20

Cun siangpahrang nih Hilkiah le Safan fapa Ahikam le Mikah fapa Abdon le cazin ṭialtu Safan le siangpahrang sinum Asaiah kha nawl a pek hna i,

2 CHANRELNAK 34:18

Cun cazin ṭialtu Safan nih cun siangpahrang cu, “Tlangbawi Hilkiah nih cauk kha a ka pek,” tiah a ti. Cun Safan nih siangpahrang hmaiah khan a rel.

2 CHANRELNAK 31:1

Cun hi vialte hi a dih tikah, cuka i a ummi Israel mi vialte kha Judah ram khua an khan an kal i an dihlak in an hrawh dih hna hlantiang, Judah le Benjamin le Efraim le Manasseh ram chung dihlak i a ummi tung hna kha an den cikcek hna i Asherim kha an hau hna i khuahrum bo le biakṭheng kha an chimh hna. Cun Israel mi vialte cu an khua le an ram cio ah an tlung.

2 SIANGPAHRANG 23:4

Cun siangpahrang nih tlangbawi ngan Hilkiah le a niam deuhmi tlangbawi hna kha le innleng cawngtu hna kha Bawipa biaknak inn chungin Baal le Asherah le van i a ummi thil hna ca i sermi umkheng vialte kha chuah dih awkah a fial hna; Jerusalem khua leng Kidron lo chungah khan a khangh hna i an vutcam cu Bethel ah a kalpi hna.

2 CHANRELNAK 34:10

Bawipa inn a zohkhenhtu rianṭuantu hna sinah khan an pek i Bawipa inn chung i rian a ṭuanmi hna nih cun inn cu remh ṭhan le dawhter ṭhannak caah an hman.