2 CHANRELNAK 34:7 - Lai (Hakha) Common Language Bible 2006

⁷ Israel ram chung dihlak ah, biakṭheng hna kha a chimh hna i Asherim le milem hna kha dip tein a rial hna i zihmui biakṭheng kha a hau hna. Cun Jerusalem ah a kir.

2 CHANRELNAK 34:7 Խաչաձեւ Հղումներ

2 CHANRELNAK 31:1

Cun hi vialte hi a dih tikah, cuka i a ummi Israel mi vialte kha Judah ram khua an khan an kal i an dihlak in an hrawh dih hna hlantiang, Judah le Benjamin le Efraim le Manasseh ram chung dihlak i a ummi tung hna kha an den cikcek hna i Asherim kha an hau hna i khuahrum bo le biakṭheng kha an chimh hna. Cun Israel mi vialte cu an khua le an ram cio ah an tlung.

DEUTERONOMI 9:21

Cun hi nan thil sual, nan sermi cawfa cu, ka lak i mei in ka khangh i ka den, leidip bantukin a dip tiang dip tein ka rial; cun cu leidip cu tlang cungin a rung luangmi tivate ah cun ka paih.

2 CHANRELNAK 34:1

Josiah cu pen hram a thawk ah kum riat a si i Jerusalem in kum sawm thum le kum khat a pen.

EXODUS 34:13

An biakṭheng le an lung zarh le an thing zarh kha nan hrawh, nan khuai, nan hau dih hna lai.

LEVITIKAS 26:30

Nan khuahrum bo cu ka hrawh hna lai i nan zihmui biakṭheng cu ka hau dih hna lai i nan ruak cu nan siasal hna ruak cungah ka hlonh hna lai i ka nunnak nih an huat hna lai.

2 SIANGPAHRANG 23:19

Cun Samaria ram chung khua i a ummi khuahrum bo hna i hmunthiang hna, Israel siangpahrang hna nih an ser i Bawipa a thin an phawhnak hna vialte zong kha, Josiah nih a ṭhial dih hna; Bethel ah a tuahning te khan annih cung zongah cun a tuah.

2 CHANRELNAK 14:5

Cun Judah ram chung khua vialte hna chung khan khuahrum bo hna le zihmui biakṭheng hna kha a hrawh hna. Cun ram cu a kut tangah hnangam in a um.

ISAIAH 17:8

Anmah nih an kut in an sermi biakṭheng kha an i bochan ti lai lo, anmah nih an kut in an tuahmi zong kha an i bochan ti hna lai lo — cu an kut in an tuahmi hna cu Asherah khuazingnu biaknak caah an tuahmi thingṭial hna zihmui khanghnak caah an sermi biakṭheng hna kha an si.

MIKAH 1:7

A milem vialte cu den an si dih lai i a siasal vialte cu an dihlak in khangh an si lai; A siasal vialte cu hnawmpon ah ka ser hna lai. Hlawhhlannak man in a cawkmi an si i hlawhhlannak man ah an cang ṭhan lai.

2 SIANGPAHRANG 10:26

Baal inn chung i a ummi tungphun kha an chuah i an khangh.

2 SIANGPAHRANG 23:15

Cu hleiah Israel a sualtertu Jeroboam, Nebat fapa nih Bethel khua ah a sermi khuahrum bo biakṭheng, kha biakṭheng kha a khuahrum bo he khan a chimh i a lung cu a den cikcek hna i dip lak in a den hna; cun Asherah zong kha a khangh.

2 CHANRELNAK 14:2

Cun Asa nih Bawipa a Pathian mithmuh i a ṭha le a ding kha a tuah.