2 CHANRELNAK 34:5 - Lai (Hakha) Common Language Bible 2006

⁵ Tlangbawi hna ruh zong kha an biakṭheng cungah cun a khangh hna i Judah le Jerusalem cu a thianh hna.

2 CHANRELNAK 34:5 Խաչաձեւ Հղումներ

1 SIANGPAHRANG 13:2

Cun mipa nih cun Bawipa bia in biakṭheng cu a auhnawh i, “Maw biakṭheng, biakṭheng, Bawipa nih hi bangin a ti: ‘Zohhmanh, David innchungkhar chungah fapa pakhat, a min Josiah a simi a chuak lai; cun nangmah cung i zihmui a khangmi khuahrum bo tlangbawi hna cu nangmah cungah hin rai ah a thawi hna lai i mi ruh cu nangmah cungah hin khangh a si lai,’ a ti,” tiah a ti.

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

JEREMIAH 3:10

Hi vialte hnuah hin, zumhawktlak lo a simi a unaunu Judah nih khan ka sinah lungthin taktak he si loin i titer men in a ra kir,” tiah Bawipa nih a ti.

2 CHANRELNAK 34:7

Israel ram chung dihlak ah, biakṭheng hna kha a chimh hna i Asherim le milem hna kha dip tein a rial hna i zihmui biakṭheng kha a hau hna. Cun Jerusalem ah a kir.

2 SIANGPAHRANG 23:20

Cun khuahrum bo tlangbawi vialte khika i a ummi hna kha biakṭheng cungah a thah hna i an cungah mi ruh kha a khangh hna. Cun Jerusalem ah a kir.

2 SIANGPAHRANG 23:16

Cun Josiah cu a hei i mer i tlang cungah khan thlan a hmuh hna; cun mi a thlah hna i thlan chung cun ruh kha an chuah hna i biakṭheng cungah khan an khangh i an thurhnawmhter; mah cucu Pathian mi, hi thil hna kong a rak chimchungtu nih Bawipa bia a rak thanhning te khan a si.

NAMBAR 35:33

Cu bantukin nan umnak ram cu nan thurhhnawmh lai lo, zeitintiah thi nih ram cu a thurhnawmter i cu thi a chuahtertu thi lila dah ti lo nih cun, cu ram chung thletmi thi caah tlenghnak a tuah khotu zeihmanh a um lo.

2 CHANRELNAK 34:33

Josiah nih cun Israel mi hna ta a simi ram chung khan fihnung vialte kha a hlonh dih i Israel ram i a ummi vialte kha Bawipa, an Pathian rian cu a ṭuanter hna. Amah chan chung cu annih nih Bawipa an pupa hna Pathian zulhnak khan an pial lo.