2 CHANRELNAK 34:4 - Lai (Hakha) Common Language Bible 2006

⁴ Cun a mithmuh ah Baal biakṭheng hna kha a chimh hna; cun an cung i a dirmi zihmui biakṭheng hna kha a hau hna i Asherim le suaimi le thletmi milem hna kha a den cikcek hna i leidip ah a ser hna i an cung i rai a rak thawimi hna an thlan cungah khan a vorh hna.

2 CHANRELNAK 34:4 Խաչաձեւ Հղումներ

EXODUS 32:20

An sermi cawfa kha a lak i mei ah a rawh i dip tein a rial i a dip cu ti cungah khan a hlonh i Israel mi cu kha ti kha a dinter hna.

LEVITIKAS 26:30

Nan khuahrum bo cu ka hrawh hna lai i nan zihmui biakṭheng cu ka hau dih hna lai i nan ruak cu nan siasal hna ruak cungah ka hlonh hna lai i ka nunnak nih an huat hna lai.

ISAIAH 27:9

Pathian bia lomi biakṭheng kha thungrang bantukin rial an si hlan le tung thiang le zihmui khanghnak biakṭheng hna kha hlonh dih an si hlanah cun, Israel sualnak cu ngaihthiam a si kho lai lo.

SALM 18:42

Dip cikcek in ka rial hna i thli nih a choihmi leidip bantuk ah an cang, lam i leicet bantukin ka lamh hna.

2 CHANRELNAK 34:7

Israel ram chung dihlak ah, biakṭheng hna kha a chimh hna i Asherim le milem hna kha dip tein a rial hna i zihmui biakṭheng kha a hau hna. Cun Jerusalem ah a kir.

2 CHANRELNAK 33:3

Zeicahtiah a pa Hezekiah nih a rak hrawhmi khuahrum bo kha a ser ṭhan hna i Baal caah khan biakṭheng a ser hna i Asherah hna kha a ser hna i van i a ummi thil vialte kha a biak hna i an rian a ṭuan hna.

2 CHANRELNAK 14:5

Cun Judah ram chung khua vialte hna chung khan khuahrum bo hna le zihmui biakṭheng hna kha a hrawh hna. Cun ram cu a kut tangah hnangam in a um.

DEUTERONOMI 9:21

Cun hi nan thil sual, nan sermi cawfa cu, ka lak i mei in ka khangh i ka den, leidip bantukin a dip tiang dip tein ka rial; cun cu leidip cu tlang cungin a rung luangmi tivate ah cun ka paih.

DEUTERONOMI 7:25

Suaimi an siasal pathian cu mei in nan khangh hna lai; an hutnak ngun siseh sui siseh nan mit a thi lai lo, nanmah ca zongah nan i lak lai lo, an foih sual hna hnga; zeitintiah mah cucu Bawipa nan Pathian caah fihnung a si.

DEUTERONOMI 7:5

Sihmanhsehlaw hi bangin annih cungah nan tuah lai: an biakṭheng kha nan khuai lai i an lungphun kha nan den dih hna lai i, an Asherim kha nan hau hna lai i suaimi an siasal kha mei in nan khangh hna lai.

EXODUS 23:24

An pathian kha nan bia hna lai lo i an hmai zongah nan kun fawn lai lo, kha mi hna nih an tuahmi kha nan tuah ve lai lo, an pathian cu nan hrawh dih cikcek hna lai i an lung zarh vialte cu nan den dih cikcek hna lai.

EXODUS 34:13

An biakṭheng le an lung zarh le an thing zarh kha nan hrawh, nan khuai, nan hau dih hna lai.

2 CHANRELNAK 33:22

A pa Manasseh nih a rak tuah bantuk khan Bawipa mithmuh i thil ṭhalo kha a tuah. A pa Manasseh nih a rak sermi milem dihlak sinah khan raithawinak a tuah i an rian a ṭuan hna.

MIKAH 1:5

Mah hi vialte hi Jakob ṭhat lonak ruang le Israel sualnak ruangah a si. Jakob ṭhat lonak cu zeidah an si? Samaria khua chung i an tuahmi kha an si lo maw? Judah mi hna cu khuazei khuahrumbo ruangah dah dan ka tat hna lai? Jerusalem khua hi an khuahrumbo cu a si ko.

1 SIANGPAHRANG 13:2

Cun mipa nih cun Bawipa bia in biakṭheng cu a auhnawh i, “Maw biakṭheng, biakṭheng, Bawipa nih hi bangin a ti: ‘Zohhmanh, David innchungkhar chungah fapa pakhat, a min Josiah a simi a chuak lai; cun nangmah cung i zihmui a khangmi khuahrum bo tlangbawi hna cu nangmah cungah hin rai ah a thawi hna lai i mi ruh cu nangmah cungah hin khangh a si lai,’ a ti,” tiah a ti.

2 CHANRELNAK 30:14

Cun rian cu an thawk i Jerusalem i a ummi biakṭheng vialte kha an ṭhial i zihmui khanghnak biakṭheng vialte kha an lak hna i Kidron horkuang ah an hlonh hna.

2 CHANRELNAK 31:1

Cun hi vialte hi a dih tikah, cuka i a ummi Israel mi vialte kha Judah ram khua an khan an kal i an dihlak in an hrawh dih hna hlantiang, Judah le Benjamin le Efraim le Manasseh ram chung dihlak i a ummi tung hna kha an den cikcek hna i Asherim kha an hau hna i khuahrum bo le biakṭheng kha an chimh hna. Cun Israel mi vialte cu an khua le an ram cio ah an tlung.

2 CHANRELNAK 34:33

Josiah nih cun Israel mi hna ta a simi ram chung khan fihnung vialte kha a hlonh dih i Israel ram i a ummi vialte kha Bawipa, an Pathian rian cu a ṭuanter hna. Amah chan chung cu annih nih Bawipa an pupa hna Pathian zulhnak khan an pial lo.