2 CHANRELNAK 33:2 - Lai (Hakha) Common Language Bible 2006

² Bawipa nih Israel mi hna hmai in a dawimi hna miphun hna phunglam fihnungmi ning khan Bawipa mithmuh ah ṭhat lonak a tuah.

2 CHANRELNAK 33:2 Խաչաձեւ Հղումներ

2 CHANRELNAK 28:3

Hinnom fapa nelrawn ah khan zihmui a khangh i Bawipa nih Israel mi hna hmai in a dawimi miphun hna nih fihnung phunglam an tuahmi hna ning khan a fapale hna cu raithawinak ah a khangh hna.

DEUTERONOMI 18:9

“Bawipa nan Pathian nih an pekmi hna ram nan phak tikah, cuka miphun hna nih an tuahmi fihnung cu zulh ve awkah nan cawng lai lo.

EZEKIEL 11:12

Israel ramri ah nannih cu bia kan ceih hna lai i cuticun Bawipa ka si kha nan hngalh lai. Ka phunglam kha nan zul lo i ka nawlbia kha nan tuah lo, sihmanhsehlaw nan velchum i a ummi miphun dang hna phung tu kha nan zulh,” tiah a ti.

JEREMIAH 15:4

Cun Judah siangpahrang Hezekiah fapa Manasseh nih Jerusalem khua chung i a tuahmi sualnak ruangah annih cu vawleicung ram vialte hna sinah tuksum ah ka ser hna lai.

EZRA 9:14

na nawlbia hna kha buar ṭhan in hi thil fihnung a tuahmi hna he hin kan i ṭhi-um ko rih lai maw? A tangmi siseh, a luatmi siseh, kan um lo tiangin kannih kha hrawh dih awkah kan cungah na thin a hung lai lo maw?

2 CHANRELNAK 36:14

Tlangbawi hna lak i haotu deuhdeuh hna le mi zapi hna zong kha, cu bantuk cun zumhtlaklo ngaiin an um i miphun hna thil fihnung vialte kha an zulh ve; cun Jerusalem ah a thiantermi Bawipa inn kha a thurhhnawmh.

2 SIANGPAHRANG 21:9

Sihmanhsehlaw annih nih an ngai duh lo i Israel mi hna hmai in Bawipa nih a hrawhmi miphun hna nih an rak tuahmi nakkhan ṭhat lonak tam deuh Manasseh nih cun a tuahter hna.

2 SIANGPAHRANG 21:2

Bawipa nih Israel mi hna hmai in a ṭhawlmi hna miphun hna nih an tuahmi fihnung phunglam ning khan, amah nih Bawipa mithmuh ah ṭhat lonak kha a tuah.

2 SIANGPAHRANG 17:15

Annih nih a nawlbia hna le an pupa hna he a rak tuahmi a biakamnak le ralrinnak a pekmi hna cu zeihmanh ah an rel lo. A deu a simi thil, siasal kha an zulh hna i annih zong a deu ah an i cang, cun Bawipa nih anmah tuah bantukin nan tuah ve lai lo, tiin nawl a pekmi hna an pawngkam i a ummi miphun hna kha an zulh hna.

2 SIANGPAHRANG 17:11

an hmai in Bawipa nih a rak hlohmi miphun hna nih an rak tuah bangkhan khuahrumbo kip ah cun zihmui an khangh. Cun annih nih thil ṭhalo kha an tuah hna i Bawipa kha a thin an phawh,

DEUTERONOMI 18:14

Zeitintiah nan pawnchuah laimi miphun hna nih hin khuavang le litin thiam kha an rak lun hna, sihmanhsehlaw nannih cu Bawipa nan Pathian nih cu bantuk tuah cu an sianh hna lo.

DEUTERONOMI 12:31

Cu bantuk cun Bawipa nan Pathian cungah nan tuah lai lo; zeitintiah Bawipa nih a huatmi thil fihnung vialte cu an pathian hna cungah khan an tuah; zeitintiah an fapale hna le an fanule hna hmanh kha an pathian hna biaknak caah mei chungah an khangh hna.

2 CHANRELNAK 33:22

A pa Manasseh nih a rak tuah bantuk khan Bawipa mithmuh i thil ṭhalo kha a tuah. A pa Manasseh nih a rak sermi milem dihlak sinah khan raithawinak a tuah i an rian a ṭuan hna.

DEUTERONOMI 12:29

“Pawnchuah awkah nan luhhnawhmi hna miphun hna cu nan hmaika in Bawipa nan Pathian nih a sam dih hna i nan pawnchuah hna i an ram chungah nan um tikah,