2 CHANRELNAK 32:22 - Lai (Hakha) Common Language Bible 2006

²² Cuticun Bawipa nih Hezekiah le Jerusalem khuami hna cu Assiria siangpahrang Sennakherib kut chung le a ral vialte hna kut chung khan a khamh hna i a kenkip ah dinhnak a pek hna.

2 CHANRELNAK 32:22 Խաչաձեւ Հղումներ

2 THESALON 3:5

Pathian dawtnak lei le Khrih nih an pekmi hna intuar khawhnak leiah khan Bawipa nih nan lung cu hruai ko seh.

JOHAN 16:13

Asinain biatak phuangtu Thlarau cu a rat tikah biatak chungah cun an luhpi hna lai. ‘Keimah nawl a si,’ tiin zeihmanh a chim lai lo, a theihmi le a ra lai ding thil kong tu kha an chimh hna lai.

HOSEA 1:7

Sihmanhsehlaw Judah cu ka dawt lai i ka khamh lai. Li in siseh, vainam in siseh, ral hriamnam in siseh, rangtum in siseh, rangcung ralkap in siseh, ka khamh hna lai lo, sihmanhsehlaw Bawipa an Pathian in ka khamh hna lai.

SALM 144:10

Siangpahrang cu teinak kha na pek hna i na sal David cu na khamh.

ISAIAH 58:11

Cun nannih cu keimah nih lam kan hmuhsak zungzal hna lai i thil ṭha in nan paw kan khimter zungzal hna lai. Ngandam le thazang ṭhawng in kan umter hna lai. Ti tampi a ngeimi dum bantuk nan si lai; a kao bal lomi cerhti bantuk nan si lai.

ISAIAH 33:22

Cu lawng cung i thil hnuhnak hri vialte cu santlailo an si; lawng puanzar cu samh khawh an si lo. Kan ral hna ralkapbu i an chawva vialte cu lak dih an si lai. A tam tuk hringhran lai caah kebei hmanh nih an i cuh khawh ve lai. Bawipa hrimhrim cu kan siangpahrang a si lai i amah nih a kan uk lai i a kan huhphenh lai.

SALM 73:24

Ka kalnak dingah khan lungthin na ka cheuh i a donghnak ah cun upatnak he na ka cohlan lai.

SALM 48:14

Pathian cu a zungzal in kan Pathian a si i hmailei i a ra ding caan vialte ah a kan hruai lai, tiah nan chimh khawh hna lai.

1 SAMUEL 14:23

Cuticun khi ni ah Bawipa nih Israel cu a luatter; raldohnak cu Beth-aven pin tiang a phan.

2 SIANGPAHRANG 19:30

Cun Judah innchungkhar chungin a nung in a tangmi hna cu vawlei chungah thuk piin hram a thla i thei a tlaimi bantuk an si lai.

2 CHANRELNAK 32:21

Cun Bawipa nih vancungmi pakhat a thlah i Assiria siangpahrang riahhmun i a ṭhawngmi ralkap hna le haotu hna le bawi vialte hna kha a thah hna. Cucaah hmaichia in amah a ram ah a kir ṭhan. Cun a pathian inn chung i a luh tikah khan amah fapa hna lila nih khan vainam in an thah.