2 CHANRELNAK 32:15 - Lai (Hakha) Common Language Bible 2006

¹⁵ Cucaah Hezekiah cu hi bantukin i hlenter hlah u law a pingah i hruaiter hlah u, cun amah kha zum hlah u, zeicahtiah mi zei miphun pathian siseh, zei ram pathian siseh, ka pupa hna kut chungin siseh keimah kut chungin siseh a mi a chanh khotu hna an um lo. Zeitindah nan Pathian chinchin nih cun ka kut chung cun an chuah khawh hna lai!’ a ti,” tiah an ti.

2 CHANRELNAK 32:15 Խաչաձեւ Հղումներ

DANIEL 3:15

Nannih nih muko thawng le tingtang thawng le tummi a phunphun le hlasak thawng kha nan theih tikah, kan bawk lai i na phunmi milem cu kan biak lai, nan ti ahcun a ṭha ko lai. Sihmanhsehlaw nan biak lo ahcun, a alh hluahmahmi meiphu chungah nannih cu paih nan si colh ko lai; ka ṭhawnnak chungin an chuah khotu hna zei pathian tal a um lai, tiah nan ruat maw?” tiah a ti.

EXODUS 5:2

Faro nih cun, “Bawipa cu ahodah a si?” tiah a leh hna. “Zeicahdah a bia cu ka ngaih lai i Israel mi cu ka kalter hna lai? Bawipa cu ka hngal lo; Israel mi cu ka kalter hrimhrim hna lai lo,” a ti.

ISAIAH 36:18

Bawipa nih a kan khamh lai, ti in Hezekiah kha i hlenter hlah u. Ram dang pathian hna nih tah an ram cu Assiria siangpahrang kut cun an khamh kho hna maw?

GALATI 1:10

Hiti ka chim tikah hin minung lungtlinnak kawl ning law cu ko cu ka lo maw? Cucu ka kawlmi a si lo. Pathian lungtlinnak tu kha ka duhmi cu a si. Zapi sinin thangṭhatnak kha hmuh kaa zuammi cu a si maw? Cucu a si ahcun, Khrih sal cu ka si hnga lo.

LAMKALTU 19:26

Cun hipa Paul nih hin zeidah a tuah ti cu nanmahte nih nan i hmuh khawh i nan i theih khawh fawn ko. Aa thawh i, ‘Mi sermi pathian cu pathian an si lo,’ a ti i Efesa khua ah hin siseh, cun Asia ram chung zongah hin a dihlak dengmang in, mi tampi kha an lung a pemter hna.

2 CHANRELNAK 32:11

Hezekiah nih hin, “Bawipa kan Pathian nih Assiria siangpahrang kut chungin a kan chuah lai,” tiin a ti tikah hin a pingah an hruai hna a si lo maw?

2 SIANGPAHRANG 19:10

“Naa bochanmi pathian, ‘Ka kut chungah na tla lai lo,’ an timi cu i lun hlah.

2 SIANGPAHRANG 18:29

Hi bangin siangpahrang nih a ti: ‘Hezekiah cu i hlenter hlah u, zeitintiah amah nih ka kut chungin an khamh kho hna lai lo.

1 SIANGPAHRANG 22:22

Cun Bawipa nih, ‘Zei in dah na lem lai?’ tiah a ti. Cun anih nih, ‘Ka va kal lai i a profet vialte hna kaa chungah nal thlarau ka va si lai,’ tiah a ti. Cun anih nih, ‘Na va lem hrimhrim lai i na lem khawh taktak lai; va kal law cu bangin va tuah,’ tiah a ti.

2 CHANRELNAK 32:16

A sinum hna nih khan Bawipa Pathian le a sal Hezekiah cu an bia in an ti chinchin rih hna.

DANIEL 8:11

Vancung siangpahrang hmanh kha zeirello in a um i raithawinak an pek zungzal tawnmi kha a hrawh i hmunthiang chung biaknak zong kha a hrawh.

EXODUS 10:10

Faro nih cun, “Bawipa nih in bawm hna seh! Nu le ngakchia cu nan i kalpi hna hnga lo, zeicahtiah harnak pakhatkhat tuah nan i tim ti cu a fiang.

EZEKIEL 35:13

Cun keimah kong zongah khan zeirello ngaiin bia nan chim i nannih nih atu le atu nan ka thangchiat, hihi ka theih dih ko.