2 CHANRELNAK 32:13 - Lai (Hakha) Common Language Bible 2006

¹³ Ramdang hna an mi cungah keimah le ka pupa hna nih zeidah kan tuah ti kha nan thei lo maw? Khi ram hna i a ummi miphun hna pathian hna nih khan an ram cu ka kut chungin an chanh khawh hna maw?

2 CHANRELNAK 32:13 Խաչաձեւ Հղումներ

1 KORIN 8:4

Cucaah bawlnak sa ei kong ah cun hitihin ka ruah: siasal cu pakpalawng men an si ko, pathian an si lo, Pathian cu pakhat lawnglawng a si ti kha kan hngalh.

LAMKALTU 19:26

Cun hipa Paul nih hin zeidah a tuah ti cu nanmahte nih nan i hmuh khawh i nan i theih khawh fawn ko. Aa thawh i, ‘Mi sermi pathian cu pathian an si lo,’ a ti i Efesa khua ah hin siseh, cun Asia ram chung zongah hin a dihlak dengmang in, mi tampi kha an lung a pemter hna.

DANIEL 5:19

cu ṭhawnnak a pekmi thawng cun mi vialte le holh phun dangdang a hmangmi vialte hna nih a hmaiah a ther in an ther i amah cu an ṭih dih. Thah a duhmi kha a thah ko hna i nunh a duhmi kha a nunh ko hna, santer a duhmi kha a santer ko hna i ṭhumh a duhmi kha a ṭhumh ko hna.

DANIEL 4:37

Atu cu keimah Nebukhadnezzar nih vancung Siangpahrang cu ka thangṭhat, ka hlorh i ka conglawmh, zeicahtiah a tuahmi vialte cu ahmaan dih i a lam vialte cu a ding dih, aa porhlawmi paoh cu tangah a ṭhumh tawn hna.

DANIEL 4:30

“Mah hihi a liannganmi Babilon, keimah nih siangpahrang umnak caah keimah ṭhawnnak a nganmi le keimah upatnak langhternak caah ka sermi a si lo maw?” tiah a au.

JEREMIAH 10:16

Jakob sertu Pathian cu mah hna bantuk hi a si lo, Amah cu zeizong vialte sertu a si i Israel hi amah ca hrimhrim i aa kawhmi miphun a si; Amah a min cu Ralkapbu Bawipa a si.

ISAIAH 10:14

Vawlei cung miphun hna cu va bu bantuk men an si, vate ti hlawm in an chawva cu ka hlawm hna. Ka thin a ka phanter khotu dingah thla a samh ngammi pakhat hmanh an um lo, a ka awnhhnawh ngamtu dingah kaa a ang ngam pakhat hmanh an um lo,” ti in tluang a khawng.

2 CHANRELNAK 32:19

Cun vawlei cung miphun hna pathian, mi kut sermi a simi hna an ti hna bantuk khan Jerusalem khua Pathian cu an ti ve.

2 SIANGPAHRANG 15:29

Israel siangpahrang Pekah chan ah khan Assiria siangpahrang Tiglath-pileser kha a ra i Ijon, Abel-besh maakah, Janoah, Kedesh, Hazor, Gilead le Galilee, Naftali ram vialte kha a lak; cun mi hna cu sal ah Assiria ram ah a kalpi hna.

2 CHANRELNAK 32:14

Nan Pathian nih hin ka kut chungin an chuah khawh hna nakhnga ah hin, ka pa nih a hrawh cikcekmi miphun hna i an pathian hna lakah khan aho tal nih a miphun cu ka kut chungin a chuah kho hna maw?