2 CHANRELNAK 31:1 - Lai (Hakha) Common Language Bible 2006

¹ Cun hi vialte hi a dih tikah, cuka i a ummi Israel mi vialte kha Judah ram khua an khan an kal i an dihlak in an hrawh dih hna hlantiang, Judah le Benjamin le Efraim le Manasseh ram chung dihlak i a ummi tung hna kha an den cikcek hna i Asherim kha an hau hna i khuahrum bo le biakṭheng kha an chimh hna. Cun Israel mi vialte cu an khua le an ram cio ah an tlung.

2 CHANRELNAK 31:1 Խաչաձեւ Հղումներ

2 SIANGPAHRANG 18:4

Khuahrum bo kha a hrawh hna i lungphun kha a chimh hna i Asherah kha a hau. Cun Moses nih a rak sermi dar rul kha a den cikcek, zeicaahdah tiah, Israel mi nih cu caan tiang cun zihmui kha an khanghhnawh; Nehushtan tiah an ti.

2 CHANRELNAK 32:12

Hi Hezekiah ṭhiamṭhiam nih hin a si lo mei a khuahrum bo hna le a biakṭheng hna kha a hlonh hna i Judah le Jerusalem cu, “Biakṭheng pakhat hmaiah nan biak lai i cu cungah cun nan raithawinak hna kha nan khangh lai,” a ti kha.

ESTHER 4:16

“Va kal law Susa khua chung i a ummi Judah mi vialte kha va pum hna, cun keimah caah rawl ulhnak pakhat ni thum chung rak ser u; chun ah siseh zan ah siseh zeihmanh ei in ding hlah u. Cun nannih nih nan tuah bantukin kei le ka sinum hna zong nih rawl ulhnak cu kan rak tuah ve lai. Cun phung he aa ralchanhmi a si nain siangpahrang sinah cun ka va kal lai, ka thih ah thih si ko seh,” tiah a ti hna.

2 CHANRELNAK 23:17

Khi tikah mi vialte cu Baal inn ah khan an va kal i an ṭheh i a biakṭheng hna le a milem hna cu an khuai dih hna; cun Baal tlangbawi Mattan kha biakṭheng hna hmaiah cun an thah.

2 CHANRELNAK 14:3

Ram dang biakṭheng hna le khuahrum bo hna kha a hrawh hna i tung kha a chimh hna i Asherim kha a hau hna i

2 SIANGPAHRANG 17:2

Cun amah nih Bawipa mithmuh ah ṭhat lonak kha a tuah, asinain, amah hlan i a rak ummi Israel siangpahrang hna bantuk khan cun a si lo.

DEUTERONOMI 7:5

Sihmanhsehlaw hi bangin annih cungah nan tuah lai: an biakṭheng kha nan khuai lai i an lungphun kha nan den dih hna lai i, an Asherim kha nan hau hna lai i suaimi an siasal kha mei in nan khangh hna lai.

EXODUS 23:24

An pathian kha nan bia hna lai lo i an hmai zongah nan kun fawn lai lo, kha mi hna nih an tuahmi kha nan tuah ve lai lo, an pathian cu nan hrawh dih cikcek hna lai i an lung zarh vialte cu nan den dih cikcek hna lai.

GENESIS 19:15

Khua a hung dei tikah vancungmi nih khan Lot cu an hnawh i, “I hnawh tuah! Na nupi le na fanu pahnih kha i lak hna law chuak u. Cu ti nan chuah ahcun khua a rawh tikah nan thi lai lo,” an ti.

EXODUS 34:13

An biakṭheng le an lung zarh le an thing zarh kha nan hrawh, nan khuai, nan hau dih hna lai.

2 SIANGPAHRANG 18:22

Sihmanhsehlaw, “Bawipa kan Pathian kan i bochan” nan ka ti ahcun, amah cu Hezekiah nih a khuahrum bo hna le a biakṭheng hna a hrawhpiak i Judah le Jerusalem cu, “Jerusalem i a ummi biakṭheng hmaiah hin nan biak lai,” a timi kha a si lo maw?

2 CHANRELNAK 33:3

Zeicahtiah a pa Hezekiah nih a rak hrawhmi khuahrum bo kha a ser ṭhan hna i Baal caah khan biakṭheng a ser hna i Asherah hna kha a ser hna i van i a ummi thil vialte kha a biak hna i an rian a ṭuan hna.

2 CHANRELNAK 14:2

Cun Asa nih Bawipa a Pathian mithmuh i a ṭha le a ding kha a tuah.

ISAIAH 17:8

Anmah nih an kut in an sermi biakṭheng kha an i bochan ti lai lo, anmah nih an kut in an tuahmi zong kha an i bochan ti hna lai lo — cu an kut in an tuahmi hna cu Asherah khuazingnu biaknak caah an tuahmi thingṭial hna zihmui khanghnak caah an sermi biakṭheng hna kha an si.