2 CHANRELNAK 30:7 - Lai (Hakha) Common Language Bible 2006

⁷ Nan pupa hna le nan unau hna, Bawipa, an pupa hna Pathian sinah zumhtlaklo an si ca i nannih nih nan hmuh bangin, a hrawhmi hna bantuk hi si hlah u.

2 CHANRELNAK 30:7 Խաչաձեւ Հղումներ

2 CHANRELNAK 29:8

Cucaah Bawipa thinhunnak cu Judah le Jerusalem cungah a tlung i tuksapur, khuaruahhar le serhsat awk thil ah, nannih nih nan mit hrim i nan hmuh bang hin a ser hna.

SALM 78:8

Annih cu a hringsortu hna bantuk kha an si lai lo, kha hna kha cu ralthawh hmang, nawl ngai lomi, Pathian fek tein aa bochan lomi, Pathian sinah zumhawktlak in a um bal lomi an si.

SALM 106:6

Kan pupa hna an rak sual bantuk khan kannih zong kan sual ve, palhnak kha kan tuah ve i ṭhat lonak kha kan tuah ve.

2 CHANRELNAK 26:18

cun Siangpahrang Uzziah cu an donh i, “Uzziah, nangmah nih Bawipa sinah zihmui khangh cu na tuah awk a si lo, sihmanhsehlaw Aaron fapa hna tlangbawi hna zihmui khangtu ding i thiantermi hna lawnglawng nih khan an tuah awk a si. Thil hmaan lo na tuah caah hmunthiang chung hin chuak tuah, cun hi nih hin Bawipa Pathian sinin upatnak zeihmanh an tlunh lai lo,” tiah an ti.

EZEKIEL 20:30

“Cucaah Israel mi cu chim hna law hihi Bawipa Pathian bia a si tiah ti hna; ‘Nan pupa hna nih an i thurhhnawmh bangin nan i thurhhnawmh lengmang ko maw? Fih a nungmi an pathian hna sinah khan maw zeihmanh ruat loin nan i pek lengmang ko?