2 CHANRELNAK 30:22 - Lai (Hakha) Common Language Bible 2006

²² Cun Bawipa rian ṭuannak i thiamnak ṭha a langhtertu Levi mi kha Hezekiah nih a forh chin hna. Cucaah cu puai rawl cu mi zapi nih khan ni sarih an ei i Bawipa an pupa hna Pathian sinah khan daihnak thawinak an pekchanh i lawmhnak kha an pek.

2 CHANRELNAK 30:22 Խաչաձեւ Հղումներ

NEHEMIAH 9:3

Cun an hmun cio ah khan an dir i Bawipa an Pathian phungbia cauk chung khan ni cheu li cheu khat chung cu an rel i a dang cheu li cheu khat chung cu sual phuannak le Bawipa an Pathian biaknak caah an hman.

2 CHANRELNAK 32:6

Cun mi zapi cungah khan raltuknak lei ralbawi a chiah hna i khua kutka i a ummi tual ah khan amah sinah cun a pumh hna i lung ṭhawnnak in bia a chimh hna i,

EZRA 10:11

Atu cu nan pupa hna Pathian, Bawipa sinah khan sual phuannak tuah u law, amah duhnak kha tuah tuah u; hi ramchung mi hna le ramdang nu hna sin khan i ṭhen ko u,” tiah a ti.

2TIMOTE 4:2

phung kha chim hna, a caan a rem zongah a rem lo zongah chim hna; al a herh ahcun al hna, chimhhrin a herh ahcun chimhring hna, a nawl in nawl a herh ahcun nawl hna law lungsau thinfual in cawnpiak hna.

FILIPI 3:8

Cu lawng cu an si lo, a dang vialte zong kha sungh cikcek ah ka rel hna, cu thil hna nakin a sung deuh tukmi ka Bawipa Khrih Jesuh hngalhnak ruangah cun sungh cikcek ah ka rel hna. Khrih cu ka co khawh nakhnga le amah he cun kan i pehtlaih khawh nakhnga, Amah ruangah cun zeizong vialte hi ka hlonh dih hna, an dihlak in hnawmtam ah ka rel hna.

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

JOHAN 17:3

Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu a si.

HOSEA 2:14

Sihmanhsehlaw atu cu ngaihmanh, Ka lem ṭhan lai i ramlak ah cun ka kalpi lai i ka hnemh lai.

PHUNGTHLÛKBIA 8:6

Ngaihmanh u, thil ṭha kha ka chim lai, ka hmur in ahmaanmi bia kha a chuak lai;

NEHEMIAH 8:18

Cun nifate in, aa thawk ni in a dongh ni tiang, Pathian phungbia cauk chung khan a rel lengmang. Puai cu ni sarih an tuah i a ni riat ni ah an phunglam ning khan pumhnak thiang a um.

EZRA 7:25

“Cun nang, Ezra, na Pathian fimnak na kut chung i a ummi ning khan, Tiva Ral ram i a ummi vialte, na Pathian phungbia a hngalmi vialte kha bia a ceihtu dingah uktu bawi le biaceihtu kha na chiah hna lai; cun phungbia a hngal lomi kha nan cawnpiak hna lai.

EZRA 7:10

Ezra nih Bawipa phungbia kha cawn awk le tuah awk le a nawlbia hna le a phunglam hna kha Israel mi cawnpiak awk kha a lung in aa sehchih.

2 CHANRELNAK 35:3

Israel mi vialte kha a cawnpiak hna i Bawipa sinah a thiangmi Levi mi kha a thawh hna i, “Israel siangpahrang David fapa Solomon nih a sakmi inn chungah khan kuang thiang kha chia u, nan liang in nan i zawnh a hau ti lai lo. Atu cu Bawipa nan Pathian le a mi Israel mi an rian kha ṭuan tuah u.

2 CHANRELNAK 17:9

Cun Judah ram chungah khan Bawipa phungbia cauk kha an i put i an cawnpiak hna; Judah ram chung khua vialte kha an ṭol i mi kha an cawnpiak hna.

2 CHANRELNAK 15:3

Caan saupi chung Israel cu Pathian ngaingai ngei lo le cawnpiaktu tlangbawi ngei lo le phungbia loin an um;

DEUTERONOMI 33:10

Jakob kha na phunglam, Israel kha na phungbia an cawnpiak lai; Nangmah hmaiah zihmui le Na biakṭheng cungah pum khangh thawinak an chiah lai.

JOSHUA 7:19

Khi tikah Joshua nih Akhan sinah cun, “Ka fapa, Bawipa Israel Pathian sinah sunparnak pe law, amah cu thangṭhat tuah; na tuahmi kha ka chim tuah; ka sinin thup hlah,” tiah a ti.

EZRA 8:18

Cun kan cung i a ummi kan Pathian kut velngeihnak thawngin, Israel fapa Levi fapa Mahli fapa hna chungin mifim ngaingai a simi Sherebiah le a fapa hna le a rualchan hna, hleiriat kha ka sinah an ratpi hna;

GENESIS 50:21

Cucaah nan thinphang hlah u. Nanmah he nan fale he ṭha tein kan zohkhenh hna lai,” a ti.