2 CHANRELNAK 30:21 - Lai (Hakha) Common Language Bible 2006

²¹ Cun Jerusalem i a ummi Israel mi hna nih cun thilnu telh lo changreu puai cu ni sarih chung lunglawm ngaingai in an hman; cun Levi mi hna le tlangbawi hna nih khan Bawipa cu ni fate an thangṭhat i Bawipa cu an thazang dihlak in hla in an hlorh.

2 CHANRELNAK 30:21 Խաչաձեւ Հղումներ

EXODUS 13:6

Ni sarih chung thilnu phulh lo changreu nan ei lai i a ni sarihnak ni ah Bawipa caah puai nan tuah lai.

EXODUS 12:15

“ ‘Ni sarih chung thilnu phulh lo changreu kha nan ei lai. A hmasa bik ni ah, nan inn chung khan thilnu kha nan thianh dih hna lai, a ni hmasa bik ni in a ni sarihnak ni tiang thilnu phulhmi changreu a eimi cu Israel mi chung khan thlei an si lai.

FILIPI 4:4

Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh ṭhan rih ko lai.

LAMKALTU 2:46

Ni fate in a bute in biakinn chungah khan an i pum i an inn ah khan rawl an i hrawng cio hna i lunglawmhnak lungthin le toidornak lungthin he rawl cu an ei.

LUKA 22:7

Thilnu Telhlo Changreu Puai chung i Lanhtak rawl caah tuufa an thah hna ni kha a phan.

LUKA 22:1

Lanhtak Puai timi Thilnu Telhlo Changreu Puai kha a nai cang.

NEHEMIAH 8:10

Cun annih cu a thawh hna i, “Va kal u law, rawl thawthaw kha va ei u law mitsur hang thlumthlum kha va ding u; cun zeihmanh aa ngeih kho ve lomi hna kha va hrawm ve hna u; zeicahtiah nihin hi kan Bawipa caah ni thiang a si. Bawipa ah nan i lawmhnak cu nan thazang a si caah nan ngaihchia hlah u,” tiah a ti.

2 CHANRELNAK 30:26

Israel siangpahrang David fapa Solomon chan hnu khan hi bantuk hi Jerusalem ah a um ti lo caah Jerusalem ah lunglawmhnak nganpi a um.

2 CHANRELNAK 20:21

Cun mizapi kha ruahnak a hal hna hnuah, puan thiang i aih in ralkapbu hmai i an kal pah ah: “Bawipa sinah lawmhnak bia chim tuah u, Zeitintiah a fekmi a dawtnak cu zungzal in a hmun,” tiin a titu ding, Bawipa sinah thangṭhatnak hla a satu ding le amah cu a hlorhtu ding kha a thiah hna.

2 CHANRELNAK 7:10

Thla sarihnak thla, a ni kul le ni thumnak ni ah mi cu an inn ah an tlunter hna i Bawipa nih David le Solomon le a mi Israel mi hna cung i ṭhatnak a langhtermi ruangah lunglawm le thanuam in an tlung.

DEUTERONOMI 16:14

nanmah le nan fapa le nan fanu le nan salpa le nan salnu le nan khua chung i a ummi Levi mi, mipem, pangeilo le nuhmei nih nan puai ah cun nan i lawm lai.

DEUTERONOMI 12:12

Cun Bawipa nan Pathian hmaiah nan i lawm lai, nanmah le nan fapa hna le nan fanu hna, nan salpa hna le nan salnu hna le nannih lak i a ummi Levi mi he tiah, zeicahtiah anih cu nannih sinah covo siseh ro siseh a ngei lo.

DEUTERONOMI 12:7

cun khika ah Bawipa nan Pathian hmaiah nan ei lai i nan tuahmi kip i Bawipa nan Pathian nih thluachuah an pekmi hna ah cun nanmah le nan chungkhar hna he nan i lawm lai.

LEVITIKAS 23:6

Cun cu thla ṭhiamṭhiam, a ni hleinga ni ah cun Bawipa ca i thilnu tel lo changreu puai a si lai; ni sarih chung thilnu telh lomi changreu nan ei lai.

2 CHANRELNAK 30:11

Asher mi tlawmte, Manasseh mi tlawmte le Zebulun mi tlawmte lawng nih toidornak lungthin an ngei i Jerusalem ah cun an ra.

2 CHANRELNAK 35:17

Cun Israel mi a ummi hna nih cun khi caan ah Lanhtak Puai kha an tuah i thilnu telhlo changreu puai kha ni sarih an tuah.

NEHEMIAH 8:17

Sal chuak aa pummi vialte nih khan deu cu an i sak cio i deu chungah cun an um; cucu Nun fapa Joshua chan thawk in cu ni tiang, Israel mi nih an tuah bal lomi kha a si i lunglawmhnak a ngan ngaingaimi kha a um.

2 CHANRELNAK 29:30

Cun siangpahrang Hezekiah le bawi hna nih khan Levi mi hna cu David bia le hmutu Asaf bia in Bawipa cu hla in thangṭhat u, tiah nawl an pek hna. Cun annih nih lunglawmhnak in thangṭhatnak hla kha an sak i an kun i an biak.

LUKA 2:43

Puai ni kha a dih tikah inn lei tlun ah khan an i thawh, sihmanhsehlaw ngakchiapa Jesuh kha Jerusalem khua ah cun a tang. Cucu a nu le a pa nih an hngal lo;