2 CHANRELNAK 30:18 - Lai (Hakha) Common Language Bible 2006

¹⁸ Zeicahtiah mi tampi, Efraim mi, Manasseh mi, Issakhar mi le Zebulun mi tampi hna cu an i thianh lo i asinain a ningcang si lo khan lanhtak puai cu an ei ve ko. Zeitintiah Hezekiah nih annih cu thla a campiak hna i,

2 CHANRELNAK 30:18 Խաչաձեւ Հղումներ

1 KORIN 11:28

Cucaah ahohmanh nih amah le amah kha a lungthin i dap cikcek seh law cu hnuah chang cu ei seh law hrai cun ding seh.

DANIEL 9:19

Maw Bawipa thei ko, maw Bawipa kan ngaithiam ko, maw Bawipa ngai law tuah ko; Mi vialte nih nangmah cu Pathian na si kha an hngalh naklai, rau sawh hlah. Hi khua le hi mi hna cu nangmah ta an si,” tiah ka ti.

2 CHANRELNAK 6:21

Cun na salpa le na mi Israel mi hna nih hi hmun lei hoih in thla kan cam tikah, kan in nawlnak cu kan theihpiak ko; asi, na umnak hmun van khin run thei ko law, cun na theih tikah kan ngaithiam ko.

SALM 25:8

Bawipa cu a ding i a ṭha: misual mi kha an zulh awk a simi lam cu a cawnpiak hna.

2 CHANRELNAK 30:25

Judah mi aa pummi an ning piin, tlangbawi hna le Levi mi hna he, cun Israel ram in a rami mipem hna, cun Judah ram i a ummi miphun hna cu an i lawm.

2 CHANRELNAK 30:11

Asher mi tlawmte, Manasseh mi tlawmte le Zebulun mi tlawmte lawng nih toidornak lungthin an ngei i Jerusalem ah cun an ra.

NAMBAR 19:20

“Sihmanhsehlaw thianglo a si i aa tleng lomi cu, cu mi cu aa pummi hna lakin hlonh a si lai, Bawipa hmunthiang kha a thurhhnawmhter caah; thianhnak ti kha a cungah theh a si lo caah amah cu thianglo a si.

GENESIS 20:7

Asinain atu cu minu kha a va sinah kirter ṭhan. A va cu profet a si i thla an campiak lai i na thi lai lo. Sihmanhsehlaw na kirter ṭhan lo ahcun, nangmah le na innchungkhar kha nan thi dih lai, tiah ralrinnak kan pek,” a ti.

1JOHAN 5:16

Mi pakhatkhat nih, a unau pakhatkhat kha, thihnak tiang a phanmi a si lomi sualnak a tuah kha a hmuh ahcun, nunnak a petu ding Pathian sinah khan thla a campiak lai — cucu thihnak tiang a phanmi sualnak a tuah lomi hna caah khan a si. Sihmanhsehlaw thihnak tiang a phanmi sualnak a um i cu kong ahcun Pathian sinah thla nan cam lai ka ti lo.

SALM 119:68

Zeitluk in dah na ṭhat i zeitluk in dah vel na ngeih! Na nawlbia cu ka cawnpiak tuah hna.

SALM 86:5

Nangmah sin i thla a cammi hna cungah cun na ṭha i ngaihthiamnak le a fekmi dawtnak in na khat, Maw Bawipa.

GENESIS 20:17

Abraham nupi Sarah cung i a tlungmi thil ruangah khan Bawipa nih Abimelek inn chung i a ummi nu vialte kha fa ngei kho loin a tuah dih hna. Cucaah Abraham nih Abimelek kha thla a campiak i Pathian nih a damter. A nupi le a salnu hna zong kha a damter hna i fa an ngei kho ṭhan.

SALM 36:5

Bawipa, a fekmi na dawtnak cu van a tawng i zumhawktlak na sinak cu van a phan.

2 CHANRELNAK 34:9

Tlangbawi bik Hilkiah sinah khan an ra i innka luhnak cawngtu Levi mi hna nih Manasseh le Efraim le Israel mi a tangmi vialte le Jerusalem khuami hna sinin an kholhmi phaisa Pathian inn chungah an rak putmi kha an pek.

LEVITIKAS 10:20

Cun Moses nih mah cucu a theih tikah a lung a tling ko.

NAMBAR 9:7

cu hna nih cun a sinah, “Miruak tawnghnak in kannih cu kan thur cang; zeicahdah Israel mi hna lak i a caan khiahmi Bawipa sin i pekchanhnak pek cu nan kan thlauh?” tiah an ti.

2 SIANGPAHRANG 5:18

Hi kong bel ah hin Bawipa nih na salpa cu ka ngaithiam ko seh! Ka bawipa nih Rimmon inn chungah biak awkah, a luh tikah kei zong Rimmon inn chungah cun ka lu ka khun ve ding a si, cu bantukin Rimmon inn chungah ka lu ka khun tikah, hi kong ah hin Bawipa nih na salpa cu ka ngaithiam ko seh,” tiah a ti.