2 CHANRELNAK 28:5 - Lai (Hakha) Common Language Bible 2006

⁵ Cucaah Bawipa a Pathian nih amah cu Siria siangpahrang kut chungah a pek i amah nih cun a tei i a mi tampi hna cu sal ah a tlaih hna i Damaskas ah a kalpi hna. Israel siangpahrang kut chung zongah amah cu pek a si i Israel Siangpahrang nih cun a tei i tampi a thah hna.

2 CHANRELNAK 28:5 Խաչաձեւ Հղումներ

ISAIAH 7:1

Siangpahrang Ahaz nih Judah ram a uk lioah khan raldohnak pakhat a chuak. (Ahaz cu Jotham fapa a si i Jotham cu Uzziah fapa a si.) Siria siangpahrang Rezin le Israel siangpahrang Pekah nih Jerusalem kha an tuk, sihmanhsehlaw an la kho lo. (Pekah cu Remaliah fapa a si.)

2 CHANRELNAK 24:24

Siria ralkapbu cu mi tlawmte he an ra ko na in, annih kut chungah khan Bawipa nih ralkapbu nganpi cu a pek hna, zeicahtiah annih nih Bawipa, an pupa hna Pathian kha an hlawt. Cuticun Joash cungah biaceihnak kha an tlunter.

ISAIAH 7:6

Judah ram cu vung chim i cu ramchung mi hna cu vung lauter i anmah lei i ṭanter i Tabeel fapa kha bawiṭhutdan cung i ṭhutter kha an i tim, nan va ti lai.

2 CHANRELNAK 36:17

Cucaah an tlangval hna cu an hmunthiang inn chungah khan vainam in a that i, tlangval cungah siseh, upa cungah siseh, zaangfahnak a ngei lomi, Khaldi mi siangpahrang kha an cungah a ratpi; a kut chungah cun an dihlak in a chanh hna.

2 CHANRELNAK 36:5

Jehoiakim cu pen hram a thawk ah kum kul le kum nga a si i Jerusalem in kum hleikhat a pen. Bawipa a Pathian mithmuh i thil ṭhalo kha a tuah.

2 CHANRELNAK 33:11

Cucaah Bawipa nih an cungah Assiria siangpahrang ralkapbu ralbawi kha a ratpi hna i annih nih Manasseh cu sio in an sio i dar hreng an khenh i Babilon ah an kalpi.

BIACEIHTU 2:14

Cucaah Bawipa thinhunnak cu Israel cungah a alh i miramhtu hna sinah khan a pek hna i an ramh hna; cun an pawngkam i a ummi an ral hna kut chungah a zuarh hna, cucaah annih nih an ral kha an celh kho ti hna lo.

2 CHANRELNAK 29:9

Cucaah zohhmanh u, hi ruangah hin kan pupa hna cu vainam in an rak thi i kan fapa le kan fanu le kan nupi hna cu sal ah an rak tang.

EZEKIEL 16:57

na ṭhat lonak a langh hlanah khan cun? Sihmanhsehlaw atu cu amah bantukin Edom fanu hna le an pawngkam i a ummi vialte hna ca le, na velchum i a ummi Filistin mi fanu hna, nangmah an serhsattu hna caah khan, nihsawh awkah na cang cang.