2 CHANRELNAK 28:16 - Lai (Hakha) Common Language Bible 2006

¹⁶ Khi caan ah cun Siangpahrang Ahaz nih Assiria siangpahrang sinah bawmhhal awkah mi a thlah hna.

2 CHANRELNAK 28:16 Խաչաձեւ Հղումներ

ISAIAH 7:17

“Israel pennak le Judah pennak an i ṭhennak in atu tiangah harnak a tlungmi vialte hna nakin a har deuhmi harnak cu nangmah le na mi hna le siangpahrang innchungkhar dihlak cungah Bawipa nih a tlunter lai — cu a tlunter dingmi cu Assiria siangpahrang kha a si!

JEREMIAH 2:36

Zeicahdah fawi tehlek in na kalnak lam cu naa thlen? Assiria nih an deuh bantuk khan Izipt zong nih an deuh ve lai,

EZEKIEL 16:28

Mah hihi i zat rih loin Assiria mi hna sinah khan na sual ṭhan hoi, nu le pa sualnak chungah khan na luhpi hna, sihmanhsehlaw naa zaa ṭhiamṭhiam hlei lo.

ISAIAH 10:20

Israel mi lakin a taangmi hna nih, a rak hrawk dih dengmangtu hna miphun kha an i bochan ti lo caan a phan lai. Bawipa Israel Pathian thiang tu kha an i bochan taktak cang lai.

JEREMIAH 2:18

Cun Nail tiva ti, va din awkah Izipt ram i na va kal lai cu, Na caah zei miaknak dah a um lai? Asiloah, Zufrates tiva ti va din awkah Assiria ram i na va kal lai cu, Zeidah na miakmi a um lai?

HOSEA 5:13

Israel nih zeitluk in dah ka zawt ti kha aa hngalh i Judah nih a hma kha aa hmuh tikah, Israel cu siangpahrang ngan kha bawmhnak va hal awkah Assiria ah a kal, Sihmanhsehlaw a damter kho hna lo i an hma zong a damter kho lo.