2 CHANRELNAK 26:18 - Lai (Hakha) Common Language Bible 2006

¹⁸ cun Siangpahrang Uzziah cu an donh i, “Uzziah, nangmah nih Bawipa sinah zihmui khangh cu na tuah awk a si lo, sihmanhsehlaw Aaron fapa hna tlangbawi hna zihmui khangtu ding i thiantermi hna lawnglawng nih khan an tuah awk a si. Thil hmaan lo na tuah caah hmunthiang chung hin chuak tuah, cun hi nih hin Bawipa Pathian sinin upatnak zeihmanh an tlunh lai lo,” tiah an ti.

2 CHANRELNAK 26:18 Խաչաձեւ Հղումներ

NAMBAR 18:7

Cun nangmah le na fale hna nih biakṭheng le puanzar chung i a ummi thil he aa pehtlaimi vialte ah nan tlangbawi rian cu nan ṭuan lai; nannih nih nan bultawi lai. Nan tlangbawi rian hi laksawng ah kan pek hna; midang ahohmanh a pawngah a rami paoh cu thah a si lai,” tiah a ti.

HEBRU 5:4

Ahohmanh anmah le anmah Tlangbawi Ngan ah an i thim kho lo. Aaron cu Pathian nih a kawh i Tlangbawi Ngan ah a can bantuk khan, Pathian kawhnak lawnglawng in Tlangbawi Ngan ah an cang kho.

JEREMIAH 13:18

Siangpahrang le a nu sinah cun, “Nan i porhlawtnak nan bawiluchin cu nan lu cungin an tlak cang caah Ṭhutdan niam ah ṭhu tuah u,” va ti.

2 CHANRELNAK 19:2

Sihmanhsehlaw hmutu Hanani fapa Jehu nih amah cu ton awkah a kal i Siangpahrang Jehoshafat cu a thawh i, “Miṭhalo cu bawmh i Bawipa a huami hna cu dawt awk a si maw? Hi ruangah hin nangmah cungah Bawipa thinhunnak cu a chuak cang.

JEIM 2:1

Ka u le ka nau hna, sunparnak Bawi, Bawipa Jesuh Khrih a zummi nan si bantukin mi thleidannak lungthin zeihmanh ngei hlah u.

GALATI 2:11

Peter cu Antiok khua i a rat ah khan zapi hmaiah ka mawhchiat, zeicahtiah fiang tein a rak palh.

2 KORIN 5:16

Cucaah ahohmanh hi, minung rel in kan tah ti hna lo. Voi khat cu Khrih kha minung rel in kan rak tah ve, sihmanhsehlaw atu cu cu bantuk cun kan tah ti lo.

1 KORIN 5:5

hi pa cu a thlarau kha Bawipa Ni ah khamh a si nakhnga a pum cu hrawh awkah amah cu Satan sinah khan pek awk a si, ka ti.

JOHAN 5:44

Nannih cu pakhat nih pakhat sinin thangṭhatnak hmuh nan duh, asinain Pathian sinin thangṭhatnak hmuh cu nan i zuam lo; cucaah cun zeitindah zumhnak cu nan ngeih khawh bal hnga.

MATTHAI 14:4

Tipil petu Johan nih khan Herod cu, “Herodias cu na ṭhit awk a si lo,” tiah a chimh lengmang caah

MATTHAI 10:28

Pum cu a that kho ko nain thlarau a that kho lomi cu va ṭih hlah u; hell chungah pum he thlarau he a that khotu Pathian tu kha va ṭih u.

MATTHAI 10:18

Uktu bawi hna hmai le siangpahrang hna hmaiah keimah ruangah an in chuahpi hna lai i annih cu le Jentail mi hna kha Thawngṭha kha nan chimh hna lai.

DANIEL 4:37

Atu cu keimah Nebukhadnezzar nih vancung Siangpahrang cu ka thangṭhat, ka hlorh i ka conglawmh, zeicahtiah a tuahmi vialte cu ahmaan dih i a lam vialte cu a ding dih, aa porhlawmi paoh cu tangah a ṭhumh tawn hna.

1 SAMUEL 2:30

Cucaah Bawipa Israel Pathian nih, “Na chungle hna le na pa chungle hna cu zungzal in ka hmaiah an lut an chuak lai,” tiah ka rak ti taktak, sihmanhsehlaw atu cu Bawipa nih hitin a thanh: A si naisai ti lai lo, zeitintiah a ka upatmi cu ka upat hna lai i a ka zawmtaimi cu zei ah ka rel hna lai lo.

NAMBAR 3:10

Cun Aaron le a fapa hna cu rian na pek hna lai i an tlangbawi rian cu an ṭuan lai; sihmanhsehlaw midang ahohmanh nih a ra naih ahcun, amah cu thah a si lai,” tiah a ti.

EXODUS 28:1

“Na u Aaron le a fapa hna kha Israel mi chungin ka sinah ratpi hna, Aaron le a fapa Nadab, Abihu, Eleazar le Ithamar cu ka tlangbawi rian a ṭuantu ding an si.

JOSHUA 22:15

Cun Gilead ram i Reuben mi hna le Gad mi hna le Manasseh phun cheu hna sinah khan an ra i annih cu,

2 CHANRELNAK 30:7

Nan pupa hna le nan unau hna, Bawipa, an pupa hna Pathian sinah zumhtlaklo an si ca i nannih nih nan hmuh bangin, a hrawhmi hna bantuk hi si hlah u.