2 CHANRELNAK 25:8 - Lai (Hakha) Common Language Bible 2006

⁸ Sihmanhsehlaw nang nih hi lam hin raldohnak ah ka ṭhawng lai tiin na ruah ahcun, ral hmaiah khan Pathian nih nang cu an hlonh ko lai; zeitintiah Pathian nih cun bawmh khawhnak le hlonh khawhnak ṭhawnnak a ngei,” tiah a ti.

2 CHANRELNAK 25:8 Խաչաձեւ Հղումներ

2 CHANRELNAK 14:11

Cun Asa nih Bawipa a Pathian kha a auh i, “Maw Bawipa, a ṭhawngmi le a dermi karlak ah, bawmtu nangmah bantuk ahohmanh an um lo. Maw Bawipa kan Pathian, kan bawm ko sawh, zeitintiah nangmah kha kan in bochan i hi mibu nganpi hi nangmah min in kan chuahhnawh hna. Maw Bawipa, nangmah cu kan Pathian na si; minung nih nangmah cu in tei hna hlah seh,” tiah a ti.

2 CHANRELNAK 20:6

“Maw Bawipa, kan pupa hna Pathian, nangmah cu vancung i Pathian na si lo maw? Miphun hna ram vialte cu nangmah nih na uk lo maw? Nangmah na kut chungah lianhngannak le ṭhawnnak cu an um i ahohmanh nih an in celh lo.

FILIPI 4:19

Cun Khrih Jesuh chungah zeizong vialte tlamtling tein a ngeimi ka Pathian nih nan herhmi vialte cu an pek hna lai.

HAGGAI 2:8

Ngun cu keimah ta a si, sui cu keimah ta a si, tiah ralkapbu Bawipa nih a ti.

PHUNGCHIMTU 11:9

Maw tlangval hna, nan tlanvalnak kha lawmhnak in hmang ko u, nan tlanval lioah hin nan lung nih lawmhnak hmu ko seh. Nan duhmi kha tuah ko u, nan lung a duh mi kha hmu ko u. (Sihmanhsehlaw nan tuahmi thil paoh ah khan Pathian nih bia a kan ceih lai, ti kha hngal ko u.)

PHUNGCHIMTU 9:11

Vanrang tangah hin thil pakhat ka hngalhmi a um ṭhan hoi: tlik zuamnak ah hin khul a rangmi nih teinak an hmu zungzal lem lo i ralṭhami hi tuknak ah teitu an si zungzal lem lo. Mifim mi hi duhdim in an um zungzal lem lo i mifim mi hi mirum an si bal theng lo. Vanchiatnak hi mi zei cung paoh ah a tlung ko.

PHUNGTHLÛKBIA 10:22

Bawipa thluachuahnak cu rumtertu a si i ngaihchiatnak zeihmanh a ratter chih hna lo.

SALM 62:11

Pathian nih, ṭhawnnak cu keimah ta a si i dawtnak ka ngeihmi cu a fek,

SALM 33:16

Siangpahrang nih a ral a tei hna cu ralkapbu ṭhawngmi a ngeih caah a si lo ralkap nih a ral a tei cu a thazang a ṭhawn caah a si lo.

SALM 33:10

Miphun dang nih tuah an i timhmi kha Bawipa nih pakpalawng ah a canter i tling kho loin a umter hna.

SALM 24:1

Vawlei le a chung i a ummi thil vialte hi Bawipa ta an si, vawlei le a cung i a ummi minung vialte zong hi amah ta kan si dih.

SALM 20:7

Mi a cheu nih an raltuknak rangleng kha an i bochan; a cheu nih an rangtum kha an i bochan hna; sihmanhsehlaw kannih cu Bawipa kan Pathian ṭhawnnak kha kan i bochan.

JOB 9:13

“Pathian nih cun a thinhunnak hna cu a let ṭhan lai lo, A kehram ah Rahab bawmtu hna kha an kun.

JOB 5:18

Zeicahtiah amah nih hriamhma an inter, Asinain amah lila nih an men ṭhan; Amah nih cun an tuk, sihmanhsehlaw a kut nih an damter ṭhan.

2 CHANRELNAK 18:14

Cun siangpahrang sinah a phak tikah, siangpahrang nih cun a rak thawh i, “Mikaiah, Ramoth-gilead cu hung tuk awkah kan kal lai maw, kan i sum lai dah?” tiah a ti. Cun anih nih a thawh i, “Hung kal u law hung tei hen u, annih cu nangmah kut chungah pek an si ko lai,” tiah a leh.

2 CHANRELNAK 1:12

fimnak le hngalhnak cu kan pek. Nangmah hlan i a rak ummi siangpahrang hna nih an rak ngeih bal lo i nangmah hnu i a um laimi zong nih an ngeih bal lai lomi rumnak le chawva le upatnak zong kan pek fawn lai,” tiah a ti.

1 SAMUEL 14:6

Cun a ralthuam putu tlangval sinah cun Jonathan nih, “Hi cuarpartan lomi hna an ralvengtu ralkapbu sinah khin va kal tuah u sih; Bawipa nih kan caah rian a hei ṭuan ko hmanh hnga maw, zeitintiah khamhnak cu mi tam thawngin a si ah siseh, mi tlawm thawngin a si ah siseh, Bawipa cu zeihmanh nih a dawnh khawh ṭung lo,” tiah a ti.

BIACEIHTU 7:7

Cun Bawipa nih Gideon cu, “A liah in a liakmi mi za thum khan nannih cu kan khamh hna lai i Midian mi cu nan kut chungah kan pek hna lai; a dang vialte cu an inn cio ah kal hna seh,” tiah a ti.

DEUTERONOMI 8:18

Nan pupa hna sinah chiatser in a tuahmi biakamnak, atu ah a fek rihmi kha, tlinter awkah, chawva hmuh khawhnak ṭhawnnak an petu hna cu Bawipa nan Pathian kha a si tiah i cinken ko u.

MATTHAI 26:45

Cun a zultu hna sinah khan a ra kir ṭhan i, “Nan i hngilh i nan i din ko rih maw? Zohhmanh u, Mi Fapa cu misual mi hna kut chung i chanhnak caan kha a phan cang.

2 CHANRELNAK 26:7

Pathian nih, Filistin mi hna le Gurbaal i a ummi Arab mi hna le Meunim mi hna lakah khan amah cu a bawmh.

SALM 89:43

A hriamnam cu santlailo ah na ser hna i raltuknak hmun ah na sunghter.