2 CHANRELNAK 25:16 - Lai (Hakha) Common Language Bible 2006

¹⁶ Sihmanhsehlaw bia a chim lioah cun siangpahrang nih khan a thawh i, “Nangmah cu siangpahrang fimchimtu ah maw kan in ser? Ngol ko! Zeicahdah thah na si lai?” tiah a ti. Cucaah profet nih cun a ngol, sihmanhsehlaw, “Mah hihi na tuah i kan chimhmi na ngaih lo caah, Pathian nih nangmah hrawk awk cu a ruah cang tiah ka hngalh,” tiah a ti.

2 CHANRELNAK 25:16 Խաչաձեւ Հղումներ

BIAPHUAN 11:10

Hi profet pahnih hna nih hin vawleicung mi kha temhnak tampi an pek hna caah, hi hna pahnih an thihnak ah hin vawlei cung mi cu an i lawm lai i an thihnak cu an tuk an aih lai i pakhat le pakhat laksawng an i ṭhen lai.

2TIMOTE 4:3

Cawnpiaknak a hmaanmi kha mi nih an ngaih duh lo i anmah duhnak tu kha an zulh i anmah theih duhmi chimtu dingah cawnpiaktu an lak hna lai caan kha a phan lai.

EFESA 1:11

Zeizong vialte hi Pathian khuakhanning le tinhning in an kal ko; Khrih he kan i pehtlaihnak thawngin Pathian nih amah mi si ding i a kan thim cu amah nih a rak i tinhmi a si ko i a hramthawk tein tuah awkah a rak i khiah ciami a si.

ROM 9:22

Cu bantuk ṭhiamṭhiam in Pathian tuahmi zong cu a si ko. A thinhunnak le a ṭhawnnak kha langhter a duh. Sihmanhsehlaw a thin a huntertu hna, hrawh awk a simi hna cungah khan lungsaunak a ngei.

LAMKALTU 4:28

Nangmah nih a hung um te lai ding na rak ruah ciami le na rak khah ciami vialte kha tlinter awkah an i pum.

MATTHAI 21:23

Jesuh cu Biakinn ah khan a ra ṭhan i a cawnpiak hna lioah khan tlangbawi upa pawl le Judah mi hruaitu pawl kha an ra i, “Zei nawl in dah hi thil hi na tuah hna? Aho nih dah cu nawl cu an pek?” tiah an hal.

JEREMIAH 29:26

“Bawipa nih Jehoiada hmun ah khan tlangbawi ah an ser cang i atu cu biakinn chungah bawi bik na si cang. Cucaah na rian cu profet ka si aa timi, mihrut hna paoh kha thir cincik in khih le an hngawng i thirkual oih kha a si lai.

ISAIAH 46:10

A hramthawk tein a phichuak zeidah a si te lai ti kha ka rak chim; thil um ding kha a um hlan piin ka rak chim. Kaa tinhmi cu ka tlolh bal lai lo, ka ti; tuah kaa timhmi cu a dihlak in ka tuah lai.

2 CHANRELNAK 24:21

Sihmanhsehlaw an rawi i siangpahrang nawl in amah cu Bawipa inn tual ah khan lung in an cheh.

2 CHANRELNAK 18:25

Cun Israel siangpahrang nih cun, “Mikaiah kha tlai u law khua uktu Amon le siangpahrang fapa Joash sinah khan va kalpi u;

2 CHANRELNAK 16:10

Khi tikah Asa cu hmutu cungah khan a thin a hung i hi kong ah a cungah a thin a hun caah thong chungah hreng a khenh. Cun Asa nih mi cheukhat cungah hi caan ah hin hremnak zong a tuah.

1 SAMUEL 2:25

Mi nih mi cungah a sual ahcun Pathian nih remnak a serpiak lai, sihmanhsehlaw mi nih Pathian cungah a sual ahcun, aho nih dah a nawlpiak ti lai?” tiah a ti. Sihmanhsehlaw a pa bia cu an ngai duh lo; zeitintiah annih thah awk kha Bawipa duhnak a si.

DEUTERONOMI 2:30

Sihmanhsehlaw Heshbon siangpahrang Sihon nih cun a ram chung cun a kan lanhter duh lo; nihin ni i a si bang hin amah cu nan kut chungah an pek hna nakhnga, Bawipa nan Pathian nih a thlarau kha a hahter i a lung kha a khonter caah a si.

EXODUS 9:16

Sihmanhsehlaw ka ṭhawnnak kha nangmah cu kan hmuhsak khawh nakhnga kan nunter i cuticun ka minthannak nih vawleicung kha a cul dih lai.

2 CHANRELNAK 10:15

Cucaah siangpahrang nih mi cu an bia a ngai hna lo; zeitintiah Bawipa nih Shilon mi Ahijah kha hmang in Nebat fapa Jeroboam sinah bia a chimmi kha tlinter awk caah Pathian nih mahtihin thil kha a mersan.

2 CHANRELNAK 25:15

Cucaah Amaziah cungah Bawipa cu a thin a hung i profet pakhat a hei thlah i amah nih cun, “Zeicadah anmah an mi hmanh na kut chungin a chuahter kho lotu pathian, miphun dang hna pathian cu na fuhpanh hna?” tiah a ti.

2 CHANRELNAK 25:17

Cun Judah siangpahrang Amaziah nih cun khuakhannak a tuah i Israel siangpahrang Jehu fapa Jehoahaz fapa Jehoash sinah khan mi a thlah hna i, “Ra law, hmaitonh in kan i zoh tuah lai,” tiah a ti.

JEREMIAH 27:15

Annih cu ka thlahmi an si lo, hlennak in ka min in bia an chim i cucaah cun nangmah kha kaan dawi lai i na thi lai, nangmah le nangmah sin i bia a chimmi profet hna hi, tiah Bawipa nih a ti,” tiah ka ti.

JEREMIAH 43:4

Cucaah Kareah fapa Johanan le ralkap pawl bawi vialte hna le mi vialte nih cun Bawipa nawl cu ngaih an duh lo i Judah ram chung i um cu an duh lo.

EZEKIEL 33:4

sihmanhsehlaw pakhatkhat nih cu cu zei ah a rel lo i ral nih an phanh ahcun, amah cung i a tlungmi kongah amah cu mawhchiat awk a si ko lai.

EXODUS 10:28

Moses cu, “Ka hmaika hin chuak! A hmuh in ka hmu ti hlah, na ka hmuh ahcun na ka hmuh ni cu ka thih ni a si ti kha i ruah,” tiah Faro nih cun a ti.

2 CHANRELNAK 24:20

Khi tikah tlangbawi Jehoiada fapa Zekhariah kha Pathian thlarau nih a tlunhnawh i mizapi cungah cun a dir i a thawh hna i, “Hi bangin Pathian nih, ‘Zeicahdah Bawipa nawlbia kha nan buar? Cucaah pei khua awng nan pemh khawh lo cu. Nannih nih Bawipa kha nan hlawt caah amah nih an hlawt ve hna,’ a ti,” tiah a ti.

PHUNGTHLÛKBIA 1:29

Annih nih hngalhnak kha an huat i Bawipa ṭihnak kha an i thim lo caah

PHUNGTHLÛKBIA 1:30

Lungthin ka cheuhmi hna kha pakhat hmanh an cohlang duh lo i Ka chimhhrin hnanak cu zeihmanh ah an rel lo.

JEREMIAH 2:19

Nangmah dan an tattu cu na ṭhat lonak kha a si ko lai i Sual an phawtu cu na tlaunak kha a si ko lai. Bawipa na Pathian hlawt le keimah upat ti lo cu Na caah zeitluk in dah a ṭhat lo i zeitluk in dah a khaat fawn, ti kha hngal tuah; Mah hihi Ralkapbu Bawipa Pathian bia hrimhrim a si.