2 CHANRELNAK 23:18 - Lai (Hakha) Common Language Bible 2006

¹⁸ Cun Moses phungbia chungah aa ṭial bangin, lawmhpah le hlasak pah in David nawl pekning in Bawipa sin i khangh thawinak pekchanh awkah David nih Bawipa inn zohkhenhtu ah a chiahmi Levi tlangbawi hna le Levi mi hna kut tangah khan, Jehoiada nih Bawipa inn cawngtu kha a chiah hna.

2 CHANRELNAK 23:18 Խաչաձեւ Հղումներ

2 CHANRELNAK 5:5

Annih nih kuang le tonnak thlam le thlam chung i a ummi umkheng thianghlim vialte kha an kalpi; tlangbawi hna le Levi mi hna nih khan an kalpi hna.

2 CHANRELNAK 29:25

Cun David le siangpahrang i a hmutu Gad le profet Nathan nawl peknak ning khan, Levi mi cu Bawipa inn chungah khan sumsel le tingtang le thonglawi he tiah a chiah hna; zeitintiah nawlbia cu Bawipa sinin a profet hna hmang in a ra.

1 CHANRELNAK 23:25

Cucaah David nih hi bangin “Bawipa, Israel Pathian nih a mi cu daihnak a pek cang hna; cun Jerusalem ah zungzal in a um.

2 CHANRELNAK 29:27

Khi tikah Hezekiah nih, khangh thawinak cu biakṭheng cungah pekchanh si seh tiah nawl a pek. Cun khangh thawinak cu thawk a si tikah, Bawipa sin hlasak le muko tum cu David nih a sermi hlasaknak thilri he khan an thawk ve.

2 CHANRELNAK 30:27

Cun tlangbawi hna le Levi mi hna kha an dir i mi kha bongmal an sawmh hna i an aw cu theih a si i an thlacamnak cu vancung i a umnak hmunthiang kha a phan.

2 CHANRELNAK 7:6

Tlangbawi cu an umnak hmun cio ah khan Levi mi hna he hmaitonh in an dir. Levi mi hna cu Bawipa thangṭhatnak caah David nih a rak sermi aw dawh tumnak thilri hna he khan an dir i David nih an rian ah a rak thiah hna bang khan, “A fekmi a dawtnak cu zungzal in a hmun,” timi hla kha lawmhnak in an sa. Tlangbawi hna nih khan mi zapi an dir ah khan muko kha an tum hna.

2 CHANRELNAK 29:30

Cun siangpahrang Hezekiah le bawi hna nih khan Levi mi hna cu David bia le hmutu Asaf bia in Bawipa cu hla in thangṭhat u, tiah nawl an pek hna. Cun annih nih lunglawmhnak in thangṭhatnak hla kha an sak i an kun i an biak.

2 CHANRELNAK 35:2

Tlangbawi hna cu anmahle an rian cio ah khan a thiah hna i Bawipa inn rianṭuannak ah cun a forh hna.

EZRA 6:22

Cun thilnu telh lo changreu puai kha ni sarih lunglawmhnak in an tuah; zeicahtiah Pathian nih an lung a lawmhter hna i Assiria siangpahrang lung cu anmah leiah khan a merter, cucaah anih nih khan Pathian, Israel mi hna Pathian inn rian ah khan, a bawmh hna.